ടി. കൃഷ്ണനുണ്ണി

മലയാളചലച്ചിത്ര മേഖലയിലെ ശ്രദ്ധേയനായ ശബ്ദ ലേഖകനാണ് ടി. കൃഷ്ണനുണ്ണി. അരവിന്ദനൊപ്പം വാസ്തുഹാരയിലും അടൂരിനൊപ്പം വിധേയനിലും ജോൺ എബ്രഹാമിനൊപ്പം അമ്മ അറിയാനിലും പ്രവർത്തിച്ചു.

ജീവിതരേഖ

പൂനെ ഫിലിം ഇൻസ്റ്റിറ്റ്യൂട്ടിൽ നിന്ന് ശബ്ദ ലേഖനത്തിൽ ബിരുദം നേടി.

ശബ്ദ ലേഖനം നിർവഹിച്ച സിനിമകൾ

• വാസ്തുഹാര
• വിധേയൻ
• അമ്മ അറിയാൻ
• പുരുഷാർഥം
• അനന്തരം
• പിറവി
• ദേശാടനം
• വചനം
• ആലീസിന്റെ അന്വേഷണം
• ഒറ്റക്കയ്യൻ
• ഒരു പെണ്ണും രണ്ടാണും

പുരസ്കാരങ്ങൾ

ഒൻപത് സംസ്ഥാനഅവാർഡുകളും നാല് ദേശീയപുരസ്കാരങ്ങളും നേടി. ആദ്യ സംസ്ഥാനപുരസ്കാരം ലഭിക്കുന്നത് പുരുഷാർഥത്തിലൂടെയാണ്. അടൂർ സംവിധാനംചെയ്ത അനന്തരത്തിലൂടെ ആദ്യ ദേശീയ അവാർഡും ലഭിച്ചു. 1989 ൽ ഷാജി എൻ കരുണിന്റെ ചിത്രം പിറവി, 1996 ൽ ജയരാജ് ചിത്രം ദേശാടനം, എന്നിവയാണ് ദേശീയപുരസ്കാരത്തിന് അർഹമാക്കിയ മറ്റ് ചിത്രങ്ങൾ. വൈദ്യരത്നം പി എസ് വാര്യരെക്കുറിച്ച് സംവിധാനംചെയ്ത ഡോക്യുമെന്ററിയും ദേശീയ അവാർഡിന് അർഹമായി. 1989 ൽ വചനം, ആലീസിന്റെ അന്വേഷണം എന്നീ ചിത്രങ്ങളാണ് സംസ്ഥാന അവാർഡ് നേടിക്കൊടുത്തത്. 1994 മുതൽ 1998 വരെ തുടർച്ചയായി സംസ്ഥാനചലച്ചിത്ര അവാർഡ് നേടി. 2007 ൽ ഒറ്റക്കയ്യൻ എന്ന ചിത്രവും 2012 ൽ അടൂരിന്റെ ഒരു പെണ്ണും രണ്ടാണും എന്ന ചിത്രവും പുരസ്കാരത്തിന് അർഹമാക്കി.