ഇടവം (നക്ഷത്രരാശി)

ഭാരതത്തിൽ കാളയുടെ ആകൃതി കണക്കാക്കുന്ന നക്ഷത്രരാശിയാണ്‌ ഇടവം (Taurus). സൂര്യൻ, മലയാളമാസം ഇടവത്തിൽ ഈ രാശിയിലൂടെ സഞ്ചരിക്കുന്നതായി അനുഭവപ്പെടുന്നു. ഡിസംബർ മുതൽ ഫെബ്രുവരി വരെ മാസങ്ങളിൽ ഭൂമദ്ധ്യരോ പ്രദേശത്ത് ഈ രാശി കാണാൻ കഴിയും. ക്രാബ് നീഹാരിക ഈ നക്ഷത്രരാശിയുടെ പശ്ചാത്തലത്തിലാണ്. ഹിയാഡെസ് (Hyades) എന്ന നക്ഷത്രക്കൂട്ടത്തേയും ഈ രാശിയിൽ കാണാം. ഏതാണ്ട് 150 പ്രകാശവർഷം അകലെയാണ് ഹിയാഡെസ്. M45 എന്ന നമ്പറുള്ള കാർത്തിക എന്ന നക്ഷത്രവൃന്ദവും ഇടവം രാശിയിലുണ്ട്. ജ്യോതിഷ ശാസ്ത്ര പ്രകാരം വ്യാഴത്തിന്റെ മാറ്റം ഇടവം നക്ഷത്ര രാശിയിൽ ജനിച്ചവർക്ക് ജീവിതത്തിൽ മാറ്റങ്ങൾ ഉണ്ടാകുന്നതായി പറയപ്പെടുന്നു.

കാളയുടെ ആകൃതി കണക്കാക്കുന്ന നക്ഷത്രരാശിയാണ്‌ ഇടവം ഇതിന്റെ തലഭാഗത്തുള്ള നക്ഷത്രങ്ങൾ ചേർന്ന് രോഹിണി ചാന്ദ്രഗണം ഉണ്ടാകുന്നു.

നക്ഷത്രങ്ങൾ

പേര്	കാന്തിമാനം	അകലം (പ്രകാശവർഷത്തിൽ)
ആൽഡെബറാൻ	0.85 മാഗ്നിറ്റ്യൂഡ്	69
അൽനാഥ്	1.65 മാഗ്നിറ്റ്യൂഡ്	130
അൽസിയോൺ	2.87 മാഗ്നിറ്റ്യൂഡ്	238
ഹിയാഡം പ്രമുസ്	3.63 മാഗ്നിറ്റ്യൂഡ്	160
അൽനെക	3.0 മാഗ്നിറ്റ്യൂഡ്	49