വിക്കിപീഡിയ

ആർലി മൺസൺ ഹാരെ

ആർലി ഇസബെൽ മൺസൺ ഹാരെ, എംഡി (1871 - സി. 1941) ഒരു അമേരിക്കൻ ഭിഷഗ്വരയും, സർജനും, എഴുത്തുകാരിയും, പ്രഭാഷകയുമായിരുന്നു. ഇംഗ്ലീഷ്: Arley Isabel Munson Hare. ഇരുപതാം നൂറ്റാണ്ടിന്റെ തുടക്കത്തിൽ ഒരു യുവതിയെന്ന നിലയിൽ, ഇന്ത്യയിലെ ആന്ധ്രാപ്രദേശിലെ മേഡക്കിലുള്ള വെസ്ലിയൻ മെത്തഡിസ്റ്റ് മിഷനുമായി ചേർന്ന് മെഡിക്കൽ മിഷൻ പ്രവർത്തനരംഗത്ത് മുൻനിരയിൽ ആയിരുന്നു. ഇവാഞ്ചലിക്കൽ ഉദ്ദേശ്യങ്ങൾക്കൊപ്പം, ഇന്ത്യൻ സ്ത്രീകളുടെയും കുട്ടികളുടെയും ആരോഗ്യസ്ഥിതിയിലും കോളറ അല്ലെങ്കിൽ ക്ഷയം പോലുള്ള പകർച്ചവ്യാധികളുടെ ചികിത്സയിലും മൺസണിന് പ്രത്യേക താൽപ്പര്യമുണ്ടായിരുന്നു.

ആർലി മൺസൺ ഹാരെ
പ്രമാണം:Arley Munson Hare.jpg
Dr. Munson in her World War I uniform from ca. 1918
ജനനം
Arley Isabel Munson

(1871-11-14)നവംബർ 14, 1871
Bridgeport, Connecticut
ദേശീയതAmerican
തൊഴിൽPhysician, surgeon, author, lecturer
അറിയപ്പെടുന്നത്Medical mission work abroad

ഒന്നാം ലോകമഹായുദ്ധസമയത്ത് ആർലി ഫ്രാൻസിലും സേവനമനുഷ്ഠിച്ചു, ലാബുകൾ, ക്ലിനിക്കുകൾ, ഡിസ്പെൻസറികൾ എന്നിവയ്ക്ക് നേതൃത്വം നൽകി. അവളുടെ മെഡിക്കൽ സേവനത്തിന് ഫ്രഞ്ച് ഗവൺമെന്റ് അവർക്ക് മെഡയിൽ ഡി ഹോണർ ഡെസ് അഫയേഴ്‌സ് എട്രാഞ്ചേഴ്‌സ് പവർ ആക്റ്റസ് ഡി ഡെറെയ്‌സ് എറ്റ് ഡിവോവ്മെന്റ് ഓ പേഴ്‌സണൽ മിലിറ്റയർ എട്രാഞ്ചർ എന്ന് ബഹുമതി നൽകി ആദരിച്ചു.

52-ാം വയസ്സിൽ വിവാഹിതയായ അവർ എഴുപതുകളിലും നന്നായി ജോലി ചെയ്തു. അവൾ 1941-ൽ മരിച്ച ആർലിയെ കണക്റ്റിക്കട്ടിൽ അടക്കം ചെയ്തു

പശ്ചാത്തലവും വിദ്യാഭ്യാസവും

തിരുത്തുക

ആർലി ഇസബെൽ മൺസൺ 1871 നവംബർ 14 ന് കണക്റ്റിക്കട്ടിലെ ബ്രിഡ്ജ്പോർട്ടിൽ തോമസ് ഹാമിൽട്ടൺ മുൻസണിന്റെയും മേരി ഏറ്റ ഹിൽ മുൻസണിന്റെയും മകളായി ജനിച്ചു. [1] ബർട്ടൺ, ജോർജ്ജ്, ഗെർട്രൂഡ്, അലക്സാണ്ടർ, മേരി എന്നിവരുൾപ്പെടെ അഞ്ച് സഹോദരങ്ങളിൽ ഒരാളായിരുന്നു അവൾ. അലക്സാണ്ടർ ലിബർട്ടി നാഷണൽ ബാങ്കിലും മേരി ന്യൂജേഴ്‌സിയിലെ റെഡ് ബാങ്കിൽ പ്രമുഖ അധ്യാപികയും അഭിഭാഷകയുമായി ജോലി ചെയ്തുവന്നു. [1]

ഒരു പ്രൊട്ടസ്റ്റന്റ് എപ്പിസ്‌കോപ്പൽ പള്ളിയിലെ അംഗങ്ങളായിരുന്ന കുടുംബത്തിലെ കുട്ടികളിൽ ശക്തമായ മതമൂല്യങ്ങൾ വളർത്തുകയും ചെയ്തു. [2] :3

മൺസണിന് അമേരിക്കൻ വിപ്ലവ പ്രസ്ഥാനത്തിൽ നിന്നുള്ള പിൻഗാമികളായും അവളുടെ പിതൃ-മാതൃ പക്ഷത്തുള്ള പ്രമുഖ ഇംഗ്ലീഷ്, ഡച്ച് കുടിയേറ്റക്കാരായും പാരമ്പര്യം ഉണ്ടായിരുന്നു. [3]

ഉന്നത വിദ്യാഭ്യാസം

തിരുത്തുക

മൺസൺ തന്റെ ബിരുദ വിദ്യാഭ്യാസത്തിനായി 1899 മുതൽ 1901 വരെ കോർണൽ സർവകലാശാലയിൽ ചേർന്നു. [4] പെൻസിൽവാനിയയിലെ വിമൻസ് മെഡിക്കൽ കോളേജിൽ (ഇപ്പോൾ ഡ്രെക്സൽ യൂണിവേഴ്സിറ്റി കോളേജ് ഓഫ് മെഡിസിൻ ) പഠിച്ച അവർ 1902 [5] ൽ മെഡിക്കൽ ബിരുദം നേടി. ഡ്രെക്‌സൽ പ്രൊഫസർ സ്റ്റീവൻ ജെ. പീറ്റ്‌സ്‌മാൻ ഈ നൂറ്റാണ്ടിന്റെ തുടക്കത്തിൽ അവളുടെ സംരംഭകമായ മെഡിക്കൽ മിഷൻ പ്രവർത്തനത്തിന്റെ ഫലമായി വനിതാ മെഡിക്കൽ കോളേജിലെ "സുവർണ്ണ കാലഘട്ടത്തിലെ " ബിരുദധാരികളിൽ ഒരാളായി അവളെ ഉൾപ്പെടുത്തിയിട്ടുണ്ട്. [6]

ഇന്ത്യയിലെ മെഡിക്കൽ പ്രചരണ പ്രവർത്തനം

തിരുത്തുക

കുട്ടിക്കാലം മുതൽ വിദേശത്ത് ഡോക്ടറായി ജോലി ചെയ്യണമെന്ന ആഗ്രഹം മൺസണിനുണ്ടായിരുന്നു. [7] :viiക്രിസ്തുമതം പഠിപ്പിക്കുന്നതിനെതിരായ നിയന്ത്രണങ്ങൾ കാരണം വിദേശത്ത് സർക്കാർ തസ്തിക പോലും നിരസിച്ചുകൊണ്ട് തന്റെ ജോലിയിൽ ഉറച്ചു സ്ഥാപിതമായ സുവിശേഷ തത്വങ്ങൾ പിന്തുടരാൻ അവൾ തീരുമാനിച്ചു. [7] :22

“മിസ്സിസ്. കർമാർകർ,” എന്നു വിളിച്ചിരുന്ന ഒരു ഇന്ത്യൻ ബ്രാഹ്മണ ക്രിസ്ത്യാനിയുടെ കൂടെ വിമൻസ് മെഡിക്കൽ കോളേജിൽ പഠിച്ചു. ഇന്ത്യയിലെ സ്ത്രീകളുടെയും കുട്ടികളുടെയും ആവശ്യങ്ങളിൽ മൺസൺ ഒരു പ്രത്യേക താൽപര്യം വളർത്തിയെടുത്തു. [7] :4മെഡിക്കൽ സ്കൂളിൽ നിന്ന് ബിരുദം നേടിയ ശേഷം, ശ്രീമതി.കർമാർകറിന്റെ കൂടെ താമസിക്കുമ്പോൾ അവൾ ജോലി തേടി ഇന്ത്യയിലേക്ക് മാറി. [7] :3–5

ഇന്ത്യയിലെ മെഡിക്കൽ സേവനം

തിരുത്തുക

ഇന്ത്യയിലെത്തിയതിന് തൊട്ടുപിന്നാലെ, സോലാപൂരിലെ ഒരു ക്രിസ്ത്യൻ, മിഷനറി അലയൻസ് ഡിസ്പെൻസറിയിൽ ബ്രാഹ്മണ ക്രിസ്ത്യാനികളായ ഡോ. പ്രഭാകർ ബാലാജി കേസ്കറിനും ഭാര്യയ്ക്കും ഒപ്പം മൺസൺ തന്റെ ആദ്യത്തെ മെഡിക്കൽ മിഷൻ ജോലി കണ്ടെത്തി. [8] :6–18അവൾ ഇടയ്ക്കിടെ കുഷ്ഠരോഗാശുപത്രികളും സോലാപൂരിലും പരിസരങ്ങളിലുമുള്ള "ആശ്വാസ കൂടാരങ്ങളും" സന്ദർശിക്കുമ്പോൾ, മിഷന്റെ അനാഥാലയത്തെ ബാധിക്കുന്ന ഗുരുതരമായ പ്ലേഗ് ബാധയെക്കുറിച്ചായിരുന്നു അവളുടെ പ്രാഥമിക ശ്രദ്ധ. [8] :9

നിലവിലുള്ള ഫിസിഷ്യൻ ഡോ. വാട്ട്‌സിന്റെ പെട്ടെന്നുള്ള വേർപാടിനെത്തുടർന്ന് ഒരു ബ്രിട്ടീഷ് വെസ്‌ലിയൻ മെത്തഡിസ്റ്റ് മിഷനിൽ ഡോക്ടറെ ആവശ്യപ്പെട്ട് അടിയന്തര അഭ്യർത്ഥനകൾ ലഭിച്ചതിനു പിന്നാലെ മൺസൺ ആന്ധ്രാപ്രദേശിലെ മേഡക്കിലേക്ക് സ്ഥലം മാറി. [9] :35,361887-ൽ സ്ഥാപിതമായ മേഡക് മിഷൻ മലയിലാണ് സ്ഥാപിച്ചത് (പല മിഷൻ സൈറ്റുകളുടെയും പതിവ് പോലെ). ഗേറ്റഡ് കമ്മ്യൂണിറ്റിയിൽ ഒരു സ്‌കൂൾ, ആശുപത്രി, സെനാന വനിതാ വാർഡ് എന്നിവ ഉൾപ്പെടുന്നു. ചർച്ച് ഓഫ് സൗത്ത് ഇന്ത്യയുടെ രൂപതയായ ബഹുമാനപ്പെട്ട മേഡക് കത്തീഡ്രലിന്റെ ആസ്ഥാനമായിരുന്നു ഈ മിഷൻ, അത് ഇന്നും നിലനിൽക്കുന്നു. [9] :37–46റെവറന്റ് ചാൾസ് വാക്കർ പോസ്‌നെറ്റ് മിഷനെ നയിച്ചെങ്കിലും, ഭൂമി ഹൈദരാബാദി നൈസാമിന്റെ അല്ലെങ്കിൽ മുസ്ലീം രാജാവിന്റെ നിയന്ത്രണത്തിലായിരുന്നു. [9] :40മൺസൺ പട്ടണത്തെ ഒരു വയൽ, അല്ലെങ്കിൽ മൈതാനം, മൺകുടിലുകൾ, ചന്തകൾ എന്നിവ ഉൾക്കൊള്ളുന്നതായി വിവരിക്കുന്നു, എന്നിരുന്നാലും അവളും മറ്റ് മിഷനറിമാരും ഗേറ്റഡ് കമ്മ്യൂണിറ്റിയിലെ “വിശാലവും സൗകര്യപ്രദവുമായ ബംഗ്ലാവുകളിൽ” താമസിച്ചിരുന്നു. [9] :41–42

മേഡക് മിഷനിലെ സെനാന അല്ലെങ്കിൽ വനിതാ ആശുപത്രിയുടെ സൂപ്രണ്ടായി മൺസൺ നിയമിക്കപ്പെട്ടു [10] അവിടെ അവർ മിഷന്റെ ഇന്ത്യൻ നഴ്‌സുമാർക്കും ചീഫ് കോമ്പൗണ്ടറായ "അഭ്ഭിഷകമ്മ" എന്നറിയപ്പെടുന്ന "ബൈബിൾ-വനിതയ്ക്കും" ഒപ്പം പ്രവർത്തിച്ചു. [11] :42വാതം, മലേറിയ, പരു, മന്ത്, പ്രാദേശിക വന്യമൃഗങ്ങളിൽ നിന്നുള്ള മുറിവുകൾ, ശിശുവധുക്കളുടെ മാതൃ ആരോഗ്യപ്രശ്നങ്ങൾ, ഗാർഹിക പീഡനം, ഹക്കീംമാരുടെയോ പ്രാദേശിക ഡോക്ടർമാരുടെയോ മനഃപൂർവമല്ലാത്ത പീഡനം എന്നിവയുൾപ്പെടെ പ്രാദേശിക സാംസ്കാരിക ആചാരങ്ങളിൽ നിന്നുള്ള പരിക്കുകൾക്കും മൺസൺ ചികിത്സ നൽകി. [11] 500 ചതുരശ്ര മൈലിനുള്ളിലെ ഒരേയൊരു ഫിസിഷ്യൻ എന്ന നിലയിൽ, മിഷന്റെ ഫലപ്രദമായ വൈദ്യ പരിചരണത്തിനായി രോഗികൾ ദൂരെ നിന്ന് യാത്ര ചെയ്യുമെന്ന് മൺസൺ രേഖപ്പെടുത്തിയിരിക്കുന്നു. [11] :36

ഇന്ത്യയിലുടനീളമുള്ള യാത്രകൾ

തിരുത്തുക

ഇന്ത്യയിൽ താമസിക്കുന്ന കാലത്ത് ഒരു പ്രാദേശികനായ "ശാസ്ത്രി"യിൽ നിന്നുള്ള അവളുടെ ദൈനംദിന തെലുങ്ക് പാഠങ്ങൾക്കൊപ്പം, [12] :51 മൺസൺ മിക്കവാറും യൂറോപ്യൻ ജീവിതശൈലി ആസ്വദിച്ചു, ഗേറ്റഡ് മിഷനിലെ പാശ്ചാത്യ ശൈലിയിലുള്ള ബംഗ്ലാവുകളിലും സ്യൂട്ടുകളിലും താമസിച്ചു. [12] :41അവളും മറ്റ് മിഷനറിമാരും ഇന്ത്യയിലുടനീളമുള്ള നഗരങ്ങളിലേക്കുള്ള വണ്ടികളിലോ ട്രെയിനുകളിലോ പതിവ് യാത്ര ആസ്വദിച്ചു. ആഗ്ര, മുസ്സൂറി, സിംല, ഹോഷിയാപൂർ, യെല്ലറെഡ്ഡിപേട്ട്, പാപണ്ണപേട്ട്, തണ്ടൂർ, കാശ്മീർ, ലാഹോർ, റാവൽപിണ്ടി, ഖൈബർ പാസ്, അമൃത്സർ, ലഖ്നൗ, കാൺപൂർ, സെക്കന്തരാബാദ് എന്നിവയായിരുന്നു അവളുടെ ചില യാത്രകൾ. [12] ഈ യാത്രകൾ പ്രാഥമികമായി ആസ്വാദനത്തിനായിരുന്നുവെങ്കിലും ഗ്രാമങ്ങളിൽ കൂടാരം സ്ഥാപിക്കാനും രോഗികളെ ചികിത്സിക്കാനും മിഷനറിമാർക്ക് പ്രാദേശിക "പട്ടേലുകളിൽ" അല്ലെങ്കിൽ തലവൻമാരിൽ നിന്ന് ചിലപ്പോൾ അനുമതി ലഭിക്കുമായിരുന്നു. ഈ അവസരങ്ങളിൽ, മേഡക് ഇന്ത്യൻ നഴ്‌സുമാരും "ചപ്രസ്സി" എന്നു വിളിച്ചിരുന്ന സന്ദേശവാഹകനും മിഷനറിമാരെ അനുഗമിക്കുമായിരുന്നു. [12] :100

മിഷണറി പ്രവർത്തനം

തിരുത്തുക

ഇന്ത്യയിലെ മിഷനറി പ്രവർത്തനത്തിനിടെ മൺസൺ നിരവധി സാംസ്കാരികവും ധാർമ്മികവുമായ ബുദ്ധിമുട്ടുകൾ നേരിട്ടു. ആദ്യം, വെസ്ലിയൻ മെത്തഡിസ്റ്റ് മിഷന്റെ സുവിശേഷവൽക്കരണത്തിന്റെ ലക്ഷ്യങ്ങളോടുള്ള വിയോജിപ്പ് വന്നു. പ്രാദേശിക ഹിന്ദു, മുസ്ലീം നേതാക്കളിൽ നിന്ന് കാര്യമായ എതിർപ്പ് ഉണ്ടായില്ലെങ്കിലും, വിദേശത്ത് നിന്നുള്ള വിമർശകർ മേഡ്ക്കിലെ മതം മാറിയവരെ " അരി ക്രിസ്ത്യാനികൾ " അല്ലെങ്കിൽ ഭക്തി കാരണങ്ങളേക്കാൾ പ്രായോഗിക നേട്ടങ്ങൾക്കായി മതപരിവർത്തനം ചെയ്യുന്ന ക്രിസ്ത്യാനികൾ എന്ന് പരസ്യമായി മുദ്രകുത്തുകയും ചെയ്തു. [13] :125തുടക്കത്തിൽ പലരും ഭൗതിക നേട്ടങ്ങൾക്കായി മതപരിവർത്തനം നടത്തിഉഎങ്കിലും , നിരവധി ആത്മീയ അനുഭവങ്ങൾക്ക് ശേഷം ഇന്ത്യൻ ക്രിസ്ത്യാനികൾ പൂർണ്ണമായും ഭക്തരായിരുന്നുവെന്ന് മൺസൺ സമ്മതിച്ചു. [13] :125

സാമൂഹിക ചിന്താരീതികളെക്കുറിച്ചും പ്രാദേശിക സാംസ്കാരിക സമ്പ്രദായങ്ങളെക്കുറിച്ചും മൺസൺ അസ്വസ്ഥയായിരുന്നു. ഈ സമയത്താണ്, അമേരിക്കയിൽ വിമൻസ് സഫ്രജിസ്റ്റ് മൂവ്മെന്റ് നടന്നത്. [14] :168–182ഒരു സ്വതന്ത്ര അമേരിക്കൻ വനിത എന്ന നിലയിൽ, ആർലി ഈ സംരംഭത്തെ ശക്തമായി പിന്തുണച്ചു, ഇന്ത്യൻ സ്ത്രീകൾ തനിക്ക് തോന്നുന്നത്ര സ്ത്രീകളുടെ അവകാശ വിഷയങ്ങളിൽ ഉത്കണ്ഠാകുലരല്ലെന്ന നിരാശയും ഉണ്ടായിരുന്നു. ഗാർഹിക പീഡനത്തിന്റെ പ്രബലമായ കേസുകളിൽ അസ്വസ്ഥനായ മൺസൺ, ഇന്ത്യക്കാർക്കിടയിൽ അന്തർലീനമായ പുരുഷ വർഗീയതയാണെന്ന് താൻ വിശ്വസിക്കുന്ന കാര്യം ചർച്ച ചെയ്തു: "ആൺ-കുട്ടിയുടെ സിരകളിൽ പോലും പുരുഷ മേധാവിത്വം നിറഞ്ഞിരിക്കുന്നു." [14] :172ഈ മനോഭാവങ്ങളെ പ്രോത്സാഹിപ്പിക്കുന്ന നിരവധി പുരാതന പഴഞ്ചൊല്ലുകൾ അവർ ഉദ്ധരിച്ചു, "ഭാര്യയെ തന്റെ സുഹൃത്തായി കണക്കാക്കുന്നവൻ വിഡ്ഢിയാണ്", "ഒരു സ്ത്രീയെ പഠിപ്പിക്കുന്നത് കുരങ്ങിന്റെ കൈയിൽ കത്തി കൊടുക്കുന്നതിന് തുല്യമാണ്." [14] :177മൺസൺ സ്ത്രീകളെ "കുട്ടികളെപ്പോലെ പെരുമാറുന്നു എന്നു പറഞ്ഞ" കുറ്റപ്പെടുത്തി [14] :173അവരുടെ വിദ്യാഭ്യാസമില്ലായ്മ "ഇന്ത്യൻ സ്ത്രീകളെ കുടുംബത്തിലെ പുരുഷന്മാർക്ക് അവളെ അടിമയാക്കുന്നതിനു കാരണമാകുമെന്ന് ഉറപ്പിച്ചു പറഞ്ഞു. [14] :171

ഇന്ത്യൻ മിഷനറി സേവനത്തിനു ശേഷമുള്ള ജീവിതം

തിരുത്തുക

1908-ൽ മൺസൺ അമേരിക്കയിലേക്ക് മടങ്ങി. ഇടയ്ക്കിടെയുള്ള സ്ഥലംമാറ്റങ്ങളും വ്യത്യസ്ത സ്പെഷ്യാലിറ്റികളിലേക്കുള്ള നിരവധി മാറ്റങ്ങളും കാരണം അവളുടെ ഔദ്യോഗിക പാത കൂടുതൽ അസ്ഥിരമായ പാതയിലൂടെ കടന്നുപോയി, തുടക്കത്തിൽ, യുണൈറ്റഡ് സ്റ്റേറ്റ്സിലെയും ഇംഗ്ലണ്ടിലെയും മെഡിക്കൽ, മതപരമായ പ്രവർത്തനങ്ങളെക്കുറിച്ച് സർവകലാശാലകളിലും കോൺഫറൻസുകളിലും പ്രഭാഷണങ്ങൾ നടത്തി, അവിടങ്ങളിൽ അവളുടെജോലി പ്രോത്സാഹിപ്പിക്കുന്നത് തുടർന്നു. [15] മൺസൺ പിന്നീട് ഇന്ത്യാനയിലെ ഇവാൻസ്‌വില്ലിലുള്ള ഭ്രാന്തൻമാർക്കുള്ള സതേൺ ഇന്ത്യാന ഹോസ്പിറ്റലിലെ വനിതാ വിഭാഗത്തിൽ കുറച്ചുകാലം ജോലി ചെയ്തു. [16] ഈ സ്ഥാനത്തെത്തുടർന്ന്, ന്യൂജേഴ്‌സിയിലെ വൈൻലാൻഡിലുള്ള സ്റ്റേറ്റ് ഹോം ഫോർ ദ ഫീബിൾ മൈൻഡ് വിമൻസിൽ അസിസ്റ്റന്റ് സൂപ്രണ്ടായി ജോലി ചെയ്തു. [17] ന്യൂയോർക്ക് സിറ്റിയിലെ പോസ്റ്റ്-ഗ്രാജുവേറ്റ് മെഡിക്കൽ സ്കൂൾ ആൻഡ് ഹോസ്പിറ്റലിലെ സീറോളജി ഡിപ്പാർട്ട്മെന്റിൽ ഡയറക്ടറും ഇൻസ്ട്രക്ടറുമായി മാറാൻ അവർ ഈ ജോലി ഉപേക്ഷിച്ചു. [15] ഈ സ്ഥാനത്തെത്തുടർന്ന്, 1914-ൽ, മൺസൺ എൻജെയിലെ റെഡ് ബാങ്കിൽ ഗൈനക്കോളജിയിലും ഓർത്തോപീഡിക്‌സിലും ഒരു സ്വകാര്യ പ്രാക്ടീസ് ആരംഭിച്ചു, അവിടെ അവൾ സഹോദരിയും അളിയനും മേരിയും വില്യം സട്ടണുമൊത്ത് താമസിച്ചു. [15]

ഒന്നാം ലോകമഹായുദ്ധസമയത്ത്

തിരുത്തുക

1918-ൽ ഒന്നാം ലോകമഹായുദ്ധത്തിന്റെ അവസാനത്തിൽ, മൺസൺ റോക്ക്ഫെല്ലർ ഫൗണ്ടേഷന്റെ ആഭിമുഖ്യത്തിൽ ചേരുകയും ഫ്രാൻസിലെ പാരീസിലെ റെഡ് ക്രോസ് മിലിട്ടറി ഹോസ്പിറ്റലിൽ ഡിസ്പെൻസറികളുടെ മേധാവിയായി ജോലി ചെയ്യുകയും ചെയ്തു. [18] 1919-ൽ അവർ ഫ്രാൻസിലെ യൂറെ-എറ്റ്-ലോയറിലേയ്ക്ക് താമസം മാറുകയും താൽക്കാലിക ചാർട്ട്രസ് ക്ഷയരോഗ ആശുപത്രി നടത്തുകയും ചെയ്തു. [18] ഫ്രാൻസിൽ ആയിരുന്ന കാലത്ത് മൺസൺ ഒരു ലാബ് സ്ഥാപിക്കുകയും 1922 വരെ ടിബി ആശുപത്രി നടത്തുകയും ചെയ്തു. ഒന്നാം ലോകമഹായുദ്ധസമയത്ത് അവളുടെ പ്രതിബദ്ധതയ്ക്കും മാന്യമായ പ്രവർത്തനത്തിനും ഫ്രഞ്ച് സർക്കാർ അവർക്ക് മെഡയിൽ ഡി ഹോണർ (മെഡൽ ഓഫ് ഓണർ) നൽകി. [18] ഫ്രാൻസിലെ ലെ ഹാവ്രെയിൽ നിന്ന് റോച്ചാംബോ കപ്പലിൽ അവർ ഫ്രാൻസ് വിട്ട് 1922-ൽ അമേരിക്കയിലേക്ക് മടങ്ങി. [19]

അമേരിക്കയിൽ

തിരുത്തുക

യുണൈറ്റഡ് സ്റ്റേറ്റ്സിലേക്ക് മടങ്ങിയെത്തിയ മൺസൺ "ഇന്റർനാഷണൽ മെഡിക്കൽ ആൻഡ് സർജിക്കൽ സർവേ"യിൽ ഗവേഷണ വകുപ്പിന്റെ അസോസിയേറ്റ് എഡിറ്ററും ഡയറക്ടറുമായി. അമേരിക്കൻ മെഡിക്കൽ അസോസിയേഷൻ, NJ സ്റ്റേറ്റ് മെഡിക്കൽ സൊസൈറ്റി, NY കൗണ്ടി മെഡിക്കൽ സൊസൈറ്റി, മോൺമൗത്ത് കൗണ്ടി മെഡിക്കൽ സൊസൈറ്റി, അമേരിക്കൻ വിപ്ലവത്തിന്റെ പുത്രിമാർ, അമേരിക്കൻ അസോസിയേഷൻ ഓഫ് യൂണിവേഴ്സിറ്റി വുമൺ എന്നിവയിലും അവർ അംഗമായി തുടർന്നു. [20]

52-ആം വയസ്സിൽ ആർലി, ജെയിംസ് അലക്സാണ്ടർ ഹാരെയെ 1924 ഫെബ്രുവരി 16-ന് വിവാഹം കഴിച്ചു [21] 1874-ൽ സ്‌കോട്ട്‌ലൻഡിൽ ജനിച്ച ജെയിംസ് 1874-ൽ അമേരിക്കയിലേക്ക് കുടിയേറി. ഹാർവാർഡ് കോളേജിൽ ജർമ്മൻ പഠിച്ച അദ്ദേഹം ഫോർസ്റ്റ്മാൻ & ഹഫ്മാൻ ടെക്സ്റ്റൈൽ കമ്പനിയിൽ ജോലി ചെയ്തു. [21] മസാച്യുസെറ്റ്സിലെ ക്രിസ്റ്റീൻ സി ഓഡൻവെല്ലറുമായുള്ള മുൻ വിവാഹത്തിൽ അദ്ദേഹത്തിന് ആനി എന്ന് പേരുള്ള ഒരു മകളുണ്ടായിരുന്നു. [22] ദമ്പതികൾ ന്യൂജേഴ്‌സിയിലെ പാസായിക്കിൽ സ്ഥിരതാമസമാക്കി, അവർക്ക് സ്വന്തമായി കുട്ടികളുണ്ടായില്ല.

മരണം

തിരുത്തുക

1941-ൽ മരിക്കുന്നതുവരെ ആർലി ന്യൂയോർക്ക് സിറ്റിയിൽ ജോലി തുടരുകയും, [23] ഏകദേശം 70 വയസ്സ് പ്രായമുള്ളപ്പോൾ, കണക്റ്റിക്കട്ടിലെ ഗ്രോട്ടണിൽ അടക്കം ചെയ്തുവെന്ന് തെളിവുകൾ സൂചിപ്പിക്കുന്നു. [24]

റഫറൻസുകൾ

തിരുത്തുക
  1. ↑ 1.0 1.1 The National Cyclopedia of American Biography, 1927, Pg. 393
  2. ↑ Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  3. ↑ Woman's Who's Who of America : a biographical dictionary of contemporary women of the United States and Canada, 1914-1915
  4. ↑ The National Cyclopedia of American Biography, 1927, Pg. 393
  5. ↑ Drexel University College of Medicine Legacy Center
  6. ↑ Peitzman, Steven (2000). A New and Untried Course: Woman's Medical College and Medical College of Pennsylvania 1850-1998. New Brunswick, New Jersey: Rutgers University Press. p. 115.
  7. ↑ 7.0 7.1 7.2 7.3 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  8. ↑ 8.0 8.1 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  9. ↑ 9.0 9.1 9.2 9.3 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  10. ↑ Woman's Who's Who of America : a biographical dictionary of contemporary women of the United States and Canada, 1914-1915
  11. ↑ 11.0 11.1 11.2 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  12. ↑ 12.0 12.1 12.2 12.3 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  13. ↑ 13.0 13.1 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  14. ↑ 14.0 14.1 14.2 14.3 14.4 Munson, Arley Isabel (1913). Jungle Days, being the Experiences of An American Woman Doctor in India. D. Appleton and Co.
  15. ↑ 15.0 15.1 15.2 The National Cyclopedia of American Biography, 1927, Pg. 393
  16. ↑ Peitzman, Steven (2000). A New and Untried Course: Woman's Medical College and Medical College of Pennsylvania 1850-1998. New Brunswick, New Jersey: Rutgers University Press. p. 115.
  17. ↑ "St. Valentine's Week Gay with Dances for Charity: Munson-Hare Wedding" (PDF).
  18. ↑ 18.0 18.1 18.2 "St. Valentine's Week Gay with Dances for Charity: Munson-Hare Wedding" (PDF).
  19. ↑ "Ellis Island Records". FamilySearch. Retrieved 21 December 2013.
  20. ↑ The National Cyclopedia of American Biography, 1927, Pg. 393
  21. ↑ 21.0 21.1 "St. Valentine's Week Gay with Dances for Charity: Munson-Hare Wedding" (PDF).
  22. ↑ "Family Search Records". FamilySearch. Retrieved 21 December 2013.
  23. ↑ Peitzman, Steven (2000). A New and Untried Course: Woman's Medical College and Medical College of Pennsylvania 1850-1998. New Brunswick, New Jersey: Rutgers University Press. p. 115.
  24. ↑ "Family Search Records". FamilySearch. Retrieved 21 December 2013.
"https://ml.wikipedia.org/w/index.php?title=ആർലി_മൺസൺ_ഹാരെ&oldid=3840181" എന്ന താളിൽനിന്ന് ശേഖരിച്ചത്