ആനക്കര ഗ്രാമപഞ്ചായത്ത്

ആനക്കര
ആനക്കര
10.83°N 76.05°E / 10.83; 76.05
ഭൂമിശാസ്ത്ര പ്രാധാന്യം	ഗ്രാമപഞ്ചായത്ത്
രാജ്യം	ഇന്ത്യ
സംസ്ഥാനം	കേരളം
ജില്ല	പാലക്കാട്
വില്ലേജ്	{{{വില്ലേജ്}}}
താലൂക്ക്‌	{{{താലൂക്ക്‌}}}
നിയമസഭാ മണ്ഡലം	തൃത്താല
ലോകസഭാ മണ്ഡലം	പൊന്നാനി
ഭരണസ്ഥാപനങ്ങൾ
പ്രസിഡന്റ്	കെ മുഹമ്മദ്
വിസ്തീർണ്ണം	20.95 ച.കി.മീ.ചതുരശ്ര കിലോമീറ്റർ
വാർഡുകൾ	{{{വാർഡുകൾ}}} എണ്ണം
ജനസംഖ്യ	22,601
ജനസാന്ദ്രത	957/ച.കി.മീ
കോഡുകൾ   • തപാൽ   • ടെലിഫോൺ	679551 ++919496047102
സമയമേഖല	UTC +5:30
പ്രധാന ആകർഷണങ്ങൾ	ഉമ്മത്തൂർ നിരപ്പ് , ഭാരതപ്പുഴയും തൂതപുഴയും സംഗമകേന്ദ്രമായ കൂട്ടക്കടവിലെ എം ടി വാസുദേവൻ നായരുടെ ജന്മഗൃഹം , മലമക്കാവ് വെള്ളച്ചാട്ടം , പന്നിയൂർ തുറ , പന്നിയൂർ ശ്രീ വരാഹമൂർത്തി ക്ഷേത്രം,ആനക്കര വടക്കത്ത് വീട് , നന്നങ്ങാടി ആനക്കര , കാറ്റാടികടവ്,

പാലക്കാട് ജില്ലയിലെ പട്ടാമ്പി താലൂക്കിൽ തൃത്താല ബ്ളോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ്‌ ആനക്കര ഗ്രാമപഞ്ചായത്ത് .

ആനക്കര പഞ്ചായത്തിന് 20.95 ചതുരശ്രകിലോമീറ്റർ വിസ്തൃതിയുണ്ട്. ഈ പഞ്ചായത്തിന്റെ അതിരുകൾ വടക്കുഭാഗത്ത് ഭാരതപ്പുഴയും, തെക്കുഭാഗത്ത് കപ്പൂർ, പട്ടിത്തറ പഞ്ചായത്തുകളും, പടിഞ്ഞാറുഭാഗത്ത് ഭാരതപ്പുഴ, മലപ്പുറം ജില്ലയും കിഴക്കുഭാഗത്ത് പട്ടിത്തറ പഞ്ചായത്തുമാണ്. ആനക്കര ഗ്രാമപഞ്ചായത്തിന്റെ മൂന്നു ഭാഗവും ഭാരതപ്പുഴയുടെ തീരപ്രദേശമാണ്. ഭൂപ്രകൃതിയനുസരിച്ച് ഇടനാട്മേഖലയിൽ വരുന്ന ആനക്കര പഞ്ചായത്തിലെ പ്രധാന ജലസ്രോതസ്സ് പേരശ്ശന്നൂർ, കൂട്ടക്കടവ്, കാറ്റാടിക്കടവ്, അയ്യപ്പൻ‍കാവ് എന്നിവിടങ്ങളിലൂടെ ഒഴുകുന്ന ഭാരതപ്പുഴയാണ്. കേരളോൽപ്പത്തിയുമായി ബന്ധപ്പെട്ട ഐതിഹ്യത്തിൽ സ്ഥാനംപിടിച്ച കേരളത്തിലെ 64 ബ്രാഹ്മണ ഗ്രാമങ്ങളിലൊന്നായ പന്നിയൂർ ഗ്രാമത്തിന്റെ തലസ്ഥാനമായിരുന്ന പന്നിയൂർ വരാഹമൂർത്തി ക്ഷേത്രം സ്ഥിതി ചെയ്യുന്ന പ്രദേശമാണിത്. പൌരാണികകാലം മുതൽ ഈ ഗ്രാമം കേരളത്തിന്റെ സാമൂഹിക - സാംസ്ക്കാരിക രംഗങ്ങളിൽ ശ്രദ്ധേയമായ സ്ഥാനം അലങ്കരിച്ചുപോന്നു. ഉള്ളൂരിന്റെ കേരളസാഹിത്യ ചരിത്രത്തിൽ പന്നിയൂർ ഗ്രാമത്തെ സംബന്ധിച്ചും അതിന്റെ സാമൂഹിക-സാംസ്ക്കാരിക സംഭാവനകളെ സംബന്ധിച്ചും വളരെ വ്യക്തമായി പരാമർശിക്കുന്നുണ്ട്. 3 വേദങ്ങളും പഠിപ്പിച്ചുപോന്ന മഠങ്ങൾ അക്കാലത്ത് പന്നിയൂർ ക്ഷേത്രത്തിനോടനുബന്ധിച്ച് നിലനിന്നിരുന്നു. കേരളഭരണത്തിനു വേണ്ടി പെരുമാക്കൻമാരെ തെരഞ്ഞെടുക്കുന്നതിലും, വാഴിയ്ക്കുന്നതിലും ഈ ഗ്രാമം പ്രധാനമായ പങ്കു വഹിച്ചുപോന്നു. കൂടല്ലൂരിൽ നിന്നും പേരാറിന്റെ ഒരു കൈവഴി പന്നിയൂർ ക്ഷേത്രത്തിന്റെ വടക്കു വശത്തുകൂടെ ഒഴുകി തുറയാറ്റിൻകുന്നിനു സമീപത്തുവെച്ച് വീണ്ടും പേരാറുമായി സന്ധിച്ചിരുന്നതായും പിന്നീട് അന്തർവാഹിനിയായി പോയതായും വിശ്വസിക്കപ്പെടുന്നു. ഇവിടെയുള്ള പ്രസിദ്ധമായ പന്നിയൂർ ക്ഷേത്രത്തിലെ പ്രതിഷ്ഠ, വിഷ്ണു അവതാരമായ ശ്രീ ഭൂവരാഹമാണ്. കേരളത്തിൽ ഈ പ്രതിഷ്ഠയുള്ള അപൂർവം ക്ഷേത്രവും ഇതുതന്നെയാണ്. പെരുന്തച്ചന്റേതെന്ന് വിശ്വസിക്കപ്പെടുന്ന തുരുമ്പുകയറാത്ത ഉളിയും, കരിങ്കല്ലിൽ കൊത്തിവെച്ച മുഴക്കോലും ഇന്നും ഇവിടെയുണ്ടെന്നുള്ളത് ഒരു പ്രത്യേകതയാണ്. അഷ്ടവൈദ്യൻമാരിൽ പ്രധാനികളായ തൈക്കാട്ടു മൂസിന്റെ മൂലസ്ഥാനവും പന്നിയൂരിനോട് തൊട്ടുസ്ഥിതിചെയ്യുന്ന മുൺട്രക്കോട് ദേശത്താണ്. അനേകം അശ്വമേധങ്ങളുടെയും പടയോട്ടങ്ങളുടെയും കുതിരക്കുളമ്പടികൾ കേട്ട പേരാറിന്റെ ഈ തീരത്തിലൂടെയാണ് ടിപ്പുസുൽത്താൻ നിർമ്മിച്ച പാലക്കാട്ട്-ബേപ്പൂർ പാത കടന്നുപോകുന്നത്. ജ്ഞാനപീഠപുരസ്ക്കാരം ലഭിച്ച ബഹുമുഖപ്രതിഭ എം.ടി.വാസുദേവൻനായർ ഭാരതപ്പുഴയും തൂതപ്പുഴയുടെയും സംഗമകേന്ദ്രമായ കൂട്ടക്കടവ് ആണ് ജനിച്ചുവളർന്നത്. സ്വാതന്ത്ര്യ സമര ചരിത്രത്തിലെ പെൺകരുത്ത് എന്നറിയപ്പെട്ട , ഇന്ത്യൻ ഭരണഘടന നിർമ്മാണ സമിതി അംഗം കൂടി ആയിട്ടുള്ള സ്വാതന്ത്ര്യ സമര സേനാനി എം വി കുട്ടിമാളുഅമ്മ , സുശീലാമ്മ ജന്മഗൃഹം വടക്കത്ത് തറവാട് ആനക്കരയിൽ ആണ് സ്ഥിതി ചെയ്യുന്നത് . ലോകപ്രസിദ്ധ കലാകാരിയുമായി മൃണാളിനി സാരാഭായിയും ദേശീയോൽഗ്രഥനത്തിന് പ്രാമുഖ്യം കൊടുത്തുകൊണ്ടുള്ള നൃത്തശിൽപങ്ങളുടെ അവതരണത്തിലൂടെ ലോകശ്രദ്ധ പിടിച്ചുപറ്റിയ മല്ലിക സാരാഭായിയും ആനക്കര വടക്കത്ത് കുടുംബാംഗങ്ങളാണ് . .നിളയുടെ ഈ തീരത്ത് ജനിച്ചുവളർന്ന മറ്റൊരു പ്രതിഭയാണ് സുപ്രസിദ്ധ ചിത്രകാരനായ അച്യുതൻ കൂടല്ലൂർ.

അതിരുകൾ

• കിഴക്ക് - പട്ടിത്തറ ഗ്രാമപഞ്ചായത്ത്
• വടക്ക് - ഭാരതപ്പുഴ
• തെക്ക് - കപ്പൂർ ഗ്രാമപഞ്ചായത്ത്, പട്ടിത്തറ ഗ്രാമപഞ്ചായത്ത്
• പടിഞ്ഞാറ് - ഭാരതപ്പുഴ, മലപ്പുറം ജില്ല

വാർഡുകൾ

വാർഡ് നമ്പർ	വാർഡിന്റെ പേര്	മെമ്പർമാർ	സ്ഥാനം	പാർട്ടി	സംവരണം
1	ഉമ്മത്തൂർ	വി .പി .ഷിബു	മെമ്പർ	സി.പി.ഐ.(എം)	വനിത
2	തോട്ടഴിയം	ദീപ	വൈസ് പ്രസിഡന്റ്	സി.പി.ഐ.(എം)	ജനറൽ
3	മണ്ണിയംപെരുമ്പലം	കെ .പി .മുഹമ്മദ്	മെമ്പർ	ഐ.യു.എം.എൽ	ജനറൽ
4	മുത്തുവിളയുംകുന്ന്	റുബിയ റഹ്മാൻ	വൈസ് പ്രസിഡൻ്റ്	ഐ.യു.എം.എൽ	ജനറൽ വനിത
5	കൂട്ടക്കടവ്	ടി .സാലിഹ്	മെമ്പർ	ഐ.എൻ.സി	ജനറൽ
6	കൂടല്ലൂർ	വി .പി .സജിത	മെമ്പർ	ഐ.എൻ.സി	എസ് സി വനിത
7	മലമക്കാവ്	സി .പി .	മെമ്പർ	ഐ.എൻ.സി	ജനറൽ
8	കുറിഞ്ഞിക്കാവ്	ടി .സി .പ്രജീഷ	മെമ്പർ	സി.പി.ഐ.(എം)	ജനറൽ വനിത
9	നയ്യൂർ	വി .പി .ബീന	മെമ്പർ	സി.പി.ഐ.(എം)	ജനറൽ വനിത
10	പന്നിയൂർ	സി .പി .സവിത ടീച്ചർ	വികസന സ്റ്റാൻഡിംഗ് കമ്മിറ്റി ചെയർ പേഴ്സൺ	ഐ.എൻ.സി	ജനറൽ വനിത
11	പുറമതിൽശ്ശേരി	പി .കെ .സാബു	മെമ്പർ	സി.പി.ഐ.(എം)	എസ് സി പുരുഷൻ
12	മുണ്ടറക്കോട്	പി .സി .രാജു	ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ	സി.പി.ഐ.(എം)
13	ആനക്കര	കെ മുഹമ്മദ്	പ്രസിഡൻ്റ്	ഐ.എൻ.സി
14	മേലഴിയം	പി.കെ .ബാലചന്ദ്രൻ	ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ	സി.പി.ഐ.(എം)	ജനറൽ
15	കുമ്പിടി	ഗിരിജ മോഹനൻ	മെമ്പർ	ഐ.എൻ.സി	എസ് സി വനിത
16	പെരുമ്പലം	ജ്യോതിലക്ഷ്മി	മെമ്പർ	സി.പി.ഐ.(എം)	ജനറൽ വനിത

വിദ്യാഭ്യാസ സ്ഥാപനങ്ങൾ

ആനക്കര ഗ്രാമപഞ്ചായത്തിൽ 8 സർക്കാർ സ്കൂളുകളും 4 എയ്ഡഡ് സ്കൂളുകളുമാണ് ഉള്ളത്.

കോഡ്	പേര്	തരം	ക്ലാസ്സുകൾ	ഫോൺ
20005	ജി.എച്ച്.എസ്സ്.എസ്സ്.ആനക്കര[1]	ഗവൺമെന്റ്	8-12	04662254765
20062	ജി.എച്ച്.എസ്.കൂടല്ലൂർ[2]	ഗവൺമെന്റ്	5-10	04662253446
20503	ജി.എച്ച്.ഡബ്യു.എൽ.പി.എസ്.ആനക്കര[3]	ഗവൺമെന്റ്	1-4	9895414375
20506	ജി.ബി.എൽ.പി.എസ്.കൂടല്ലൂർ[4]	ഗവൺമെന്റ്	1-4	04662253221
20509	ജി.എൽ.പി.എസ്.മലമക്കാവ്[5]	ഗവൺമെന്റ്	1-4	04662253253
20511	ജി.എൽ.പി.എസ്.നയ്യൂർ[6]	ഗവൺമെന്റ്	1-4	04662253655
20521	ജി.എൽ.പി.എസ്.മേലഴിയം[7]	ഗവൺമെന്റ്	1-4	04662254181
20530	എ.ജെ.ബി.എസ്.കൂടല്ലൂർ[8]	എയ്ഡെഡ്	1-4	04662253107
20538	എ.ജെ.ബി.എസ്.ഉമ്മത്തൂർ[9]	എയ്ഡെഡ്	1-4	04662253477
20542	ജി.ടി.ജെ.ബി.എസ്.കുമ്പിടി[10]	എയ്ഡെഡ്	1-5	04662254293
20556	എ.യു.പി.എസ്.മലമക്കാവ്[11]	എയ്ഡെഡ്	5-7	9447622364
20557	സ്വാമിനാഥ വിദ്യാലയം, ഡയറ്റ് ലാബ് സ്കൂൾ, ആനക്കര[12]	ഗവൺമെന്റ്	1-7	9496352164

പുറത്തേക്കുള്ള കണ്ണികൾ

• http://www.trend.kerala.gov.in Archived 2019-09-02 at the Wayback Machine.
• http://lsgkerala.in/ Archived 2016-11-10 at the Wayback Machine.
• Census data 2001

ഇതും കാണുക

• കേരളത്തിലെ ഗ്രാമപഞ്ചായത്തുകളുടെ പട്ടിക

പുറമെ നിന്നുള്ള കണ്ണികൾ

• ആനക്കര ഗ്രാമപഞ്ചായത്ത് Archived 2013-06-11 at the Wayback Machine.