പുള്ളി നിഴൽത്തുമ്പി

(Protosticta gravelyi എന്ന താളിൽ നിന്നും തിരിച്ചുവിട്ടതു പ്രകാരം)

കറുത്ത ശരീരത്തിൽ വെളുത്ത വരകളും ഉദരത്തിൽ വെളുത്ത വളയങ്ങളുമുള്ള നിഴൽത്തുമ്പി കുടുംബത്തിൽ ഉള്ള ഒരു സൂചിത്തുമ്പിയാണ് പുള്ളി നിഴൽത്തുമ്പി (ശാസ്ത്രീയനാമം: Protosticta gravelyi).[2][3][4] ഇത് പശ്ചിമഘട്ടത്തിലെ ഒരു തദ്ദേശീയ തുമ്പിയാണ്.[1]

പുള്ളി നിഴൽത്തുമ്പി
Protosticta gravelyi-Kadavoor-2016-06-25-002.jpg
ആൺതുമ്പി
Protosticta gravelyi-Kadavoor-2016-06-23-004.jpg
പെൺതുമ്പി
ശാസ്ത്രീയ വർഗ്ഗീകരണം
സാമ്രാജ്യം:
ഫൈലം:
ക്ലാസ്സ്‌:
നിര:
കുടുംബം:
ജനുസ്സ്:
വർഗ്ഗം:
Protosticta gravelyi
ശാസ്ത്രീയ നാമം
Protosticta gravelyi
(Laidlaw, 1915)
പര്യായങ്ങൾ
  • Protosticta mortoni Fraser, 1924
  • Protosticta stevensi Fraser, 1922

നീളമുള്ള ഉദരവും, ഉദരത്തിന്റെ പകുതിയിൽ താഴെ മാത്രം നീളമുള്ള ചിറകുകളും, കടും തവിട്ട് നിറമുള്ള കണ്ണുകളുമുള്ള ആൺതുമ്പിയെ തിരിച്ചറിയാൻ എളുപ്പമാണ്. പശ്ചിമഘട്ട വനമേഖലയിൽ ഇവ സാധാരണമാണ്. ജലാശയത്തിനു ചുറ്റുമുള്ള വനങ്ങളുടെ അടിക്കാടുകളിൽ കാണപ്പെടുന്നു. പായലും പന്നൽ ചെടികളും നിറഞ്ഞ പാറയിടുക്കുകൾ, മണൽത്തിട്ടകൾ, എന്നിവിടങ്ങളിലായി കാണുന്നു. കണ്ണുകൾക്ക് കടും തവിട്ടു നിറമാണ്. ഇവയുടെ കഴുത്തിന് മങ്ങിയ വെളുപ്പു നിറമാണ്. തിളങ്ങുന്ന കറുപ്പു നിറമുള്ള ഉരസ്സിൽ രണ്ട് വെളുത്ത വരകൾ കാണാം. ഇവയുടെ കാലുകൾക്ക് മങ്ങിയ വെളുപ്പു നിറവും കാൽമുട്ടുകൾക്ക് കറുപ്പുനിറവുമാണ്. കറുത്ത ഉദരത്തിന്റെ ഖണ്ഡങ്ങൾക്കിടയിൽ വെളുത്ത വളയങ്ങളുണ്ട്. പെൺതുമ്പികളുടെ ഉദരം നീളം കുറഞ്ഞതും തടിച്ചതുമാണ്. പിൻകഴുത്തിലെ വെളുത്ത നിറം ആൺതുമ്പികളെക്കാളും കൂടുതലായിരിക്കും. ചെറിയ ദൂരം മാത്രം സഞ്ചരിക്കുന്ന ഇവ പതുക്കെയാണ് പറക്കുക. മുന്നോട്ടും പിന്നോട്ടും പറക്കാനുള്ള കഴിവും ഇവയ്ക്കുണ്ട്. ഇരുട്ടുള്ള പ്രദേശങ്ങളിൽ ഉദരത്തിലെ വെള്ളപ്പാടുകൾ മാത്രമായിരിക്കും കണ്ണിൽപ്പെടുന്നത്. അരുവികളിലാണ് ഇവ മുട്ടയിടാറുള്ളത്. കൂട്ടമായിട്ടാണ് ഇവ ജീവിക്കുന്നത്.[5][6][7][3]

ഇതും കാണുകതിരുത്തുക

അവലംബംതിരുത്തുക

  1. 1.0 1.1 Subramanian, K.A. (2011). "Protosticta gravelyi". IUCN Red List of Threatened Species. IUCN. 2011: e.T175162A7115762. ശേഖരിച്ചത് 2017-03-13.CS1 maint: uses authors parameter (link)
  2. "World Odonata List". Slater Museum of Natural History. ശേഖരിച്ചത് 2017-03-09.
  3. 3.0 3.1 "Protosticta gravelyi Laidlaw, 1915". Odonata of India, v. 1.00. Indian Foundation for Butterflies. ശേഖരിച്ചത് 2017-03-13.
  4. കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
  5. C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
  6. Subramanian, K. A. (2005). Dragonflies and Damselflies of Peninsular India - A Field Guide.
  7. "Protosticta gravelyi Laidlaw, 1915". India Biodiversity Portal. ശേഖരിച്ചത് 2017-03-13.

പുറത്തേക്കുള്ള കണ്ണികൾതിരുത്തുക

"https://ml.wikipedia.org/w/index.php?title=പുള്ളി_നിഴൽത്തുമ്പി&oldid=2501723" എന്ന താളിൽനിന്ന് ശേഖരിച്ചത്