മല്ലിക (നടി)

ദക്ഷിണേന്ത്യൻ ചലച്ചിത്രനടിയാണ് മല്ലിക എന്നറിയപ്പെടുന്ന റീജ വേണുഗോപാൽ. തമിഴ്, മലയാളം, തെലുങ്ക്, ബ്യാരി എന്നീ ഭാഷകളിലായി പത്തിലധികം ചലച്ചിത്രങ്ങളിൽ അഭിനയിച്ചിട്ടുണ്ട്.

മല്ലിക
ജനനം	റീജ വേണുഗോപാൽ തൃശൂർ, കേരളം
തൊഴിൽ	ചലച്ചിത്രനടി
സജീവ കാലം	2002–

ചലച്ചിത്ര ജീവിതം

അടൂർ ഗോപാലകൃഷ്ണൻ സംവിധാനം ചെയ്ത നിഴൽക്കുത്ത് എന്ന ചിത്രത്തിൽ ബാലതാരമായി അഭിനയരംഗത്ത് കടന്നുവന്ന മല്ലിക, ചേരൻ സംവിധാനം ചെയ്ത ഓട്ടോഗ്രാഫ് എന്ന തമിഴ് ചലച്ചിത്രത്തിലൂടെയാണ് ശ്രദ്ധിക്കപ്പെടുന്നത്. ഈ ചിത്രത്തിലെ അഭിനയത്തിന് മികച്ച സഹനടിക്കുള്ള ഫിലിംഫെയർ പുരസ്കാരം മല്ലികയ്ക്ക് ലഭിച്ചു. അതിന് ശേഷം നിരവധി തമിഴ് ചലച്ചിത്രങ്ങളിൽ സഹനടിയായി വേഷമിട്ട മല്ലിക, പിന്നീട് ഇന്ത്യൻ റുപ്പി, സ്നേഹവീട് എന്നീ മലയാളചലച്ചിത്രങ്ങളിൽ ശ്രദ്ധേയമായ വേഷങ്ങൾ അവതരിപ്പിച്ചു. 2011-ൽ പുറത്തിറങ്ങിയ ബ്യാരി എന്ന ഭാഷയിലെ ആദ്യ ചലച്ചിത്രമായ ബ്യാരിയിലെ അഭിനയത്തിന് ആ വർഷത്തെ ദേശീയ ചലച്ചിത്രപുരസ്കാരങ്ങളിൽ പ്രത്യേക പരാമർശം ലഭിച്ചു.

അഭിനയിച്ച ചലച്ചിത്രങ്ങൾ

വർഷം	ചിത്രം	കഥാപാത്രം	ഭാഷ	കുറിപ്പ്
2003	നിഴൽക്കുത്ത്	മല്ലിക	മലയാളം	ആദ്യ ചിത്രം
2004	ഓട്ടോഗ്രാഫ്	കമല	തമിഴ്	മികച്ച സഹനടിക്കുള്ള ഫിലിംഫെയർ പുരസ്കാരം
2004	മഹാനടികൻ		തമിഴ്
2004	നാ ഓട്ടോഗ്രാഫ്	വിമല	തെലുഗു
2005	തിരുപാച്ചി	കറുപയി	തമിഴ്
2005	കുണ്ടക്ക മണ്ടക്ക	കവിത	തമിഴ്
2006	തിരുപതി		തമിഴ്
2006	സംത്തിംഗ് സംത്തിംഗ് ഉനക്കും എനക്കും	വല്ലി	തമിഴ്
2008	തോട്ട	ഗൗരി	തമിഴ്
2010	അമ്മനിലാവ്		മലയാളം
2011	ഇന്ത്യൻ റുപ്പി	സജി	മലയാളം
2011	സ്നേഹവീട്	ശാന്തി	മലയാളം
2011	ബ്യാരി	നാദിറ	ബ്യാരി	ദേശീയ ചലച്ചിത്രപുരസ്കാരം - പ്രത്യേക പരാമർശം
2012	മിസ്റ്റർ മരുമകൻ		മലയാളം