ബ്യാരി (ബിയറി), നക്ക് നിക്ക് എന്നത് തെക്കൻ കർണ്ണാടക വടക്കൻ കേരളം സംസാരിച്ചു വരുന്ന ഒരു മൊഴിയാണ്. മലയാളം ഭാഷകളുടെ കൂട്ടത്തിൽ ഉൾപ്പെടുത്തിയിരിക്കുന്ന ബ്യാരി മംഗലാപുരം കടലോരപ്പരപ്പിലും കാഞ്ഞരങ്കോടിലെ മഞ്ജേശ്വരത്തും ആണ് കൂടുതലായി സംസാരിക്കപ്പെടുന്നത്. എതാണ്ട് ആയിരത്തിയിരുന്നൂറു കൊല്ലത്തെ പഴക്കം ഈ മൊഴിക്ക് ഉണ്ടെന്നു കരുതപ്പെടുന്നു. മലയാള മൊഴികളുടെ കൂട്ടത്തിലാണ് ബ്യാരിയെ ഉൾപ്പെടുത്തിയിട്ടുള്ളതെങ്കിലും തുടർച്ചയായ ഇടപെടലുകളാൽ തുളുവിന്റെ ഒരു ചുവ ഈ മൊഴിയുടെ ചൊലുത്തിൽ നന്നായി ഉണ്ട്. നിലവിൽ പതിനഞ്ചു ലക്ഷം ആളുകൾ ഈ മൊഴി സംസാരിക്കുന്നതായി കണക്കാക്കപെടുന്നു. ബ്യാരി സംസാരിക്കുന്നവരിൽ ഏറിയപങ്കും മുസ്ലീം ജനവിഭാഗത്തിൽ പെട്ടവരാണ്. അറബി, തുളു, കന്നഡ എന്നിവയുടെ പാങ്ങ് ബ്യാരിയിൽ ഏറെയുണ്ട്.

എഴുത്തു മുറതിരുത്തുക

വട്ടെഴുത്തിനാൽ ബ്യാരി എഴുതി വന്നിരുന്നു എന്നു ചില ഉറവിടകൾ എടുത്തുകാണിക്കുന്നുണ്ട്. നിലവിൽ ബ്യ്രി, കന്നഡ, മലയാളം എന്ന് ലിപികളിൽ ബ്യ്രി എഴുതി വരുന്ന്. ബ്യാരിക്ക് വേണ്ടി കർണാടക സാഹിത്യ കഴകത്തിന്റെ കീഴിലുള്ള ബ്യാരി അക്കാദമി പുതുതായി ഒരു ലിപി ചിട്ടപ്പെടുത്തിയിട്ടുണ്ട്.

ഒലിപ്പനുവൽതിരുത്തുക

മലയാളവുമായി ആണ് ബിയറി ഉറ്റുകിടക്കുന്നതെങ്കിലും തുളുനാടുമായുള്ള അടുപ്പം ബിയറിയുടെ ചൊലുത്തിലും തെളിഞ്ഞുകാണാൻ കഴിയും. മലയാളവുമായി ഒത്തുനോക്കുമ്പോൾ പുറകോട്ടുവളഞ്ഞ ഒലികളായ ‘റ’, ‘ള’, ‘ണ’ എന്നിവ ബിയറിയുടെ ചൊലുത്തിൽ തനതായി ഇല്ല. മലയാളത്തിലെ ‘ള’, ‘ണ’ എന്നീ ഒലികൾ ബിയറിയിൽ ‘ല’ യും ‘ള’ യും ആകുന്നു. തുളു ചൊലുത്തിലെ പോലെ ‘റ’ ബിയറിയിൽ ‘ത്ത’യും ‘ര’ യും ആയി ഇടകലരുന്നു.

എടുത്തു പറയത്തക്കവുള്ള മറ്റൊരു വേർതിരിവ് മലയാളത്തിന്റെ വടക്കൻ വാമൊഴികളിലുള്ള പോലെ ‘വ’ എന്ന ഒലി ബിയറിയിൽ ‘ബ’ ആയി മാറുന്നു എന്നതാണ്. അതുകൂടാതെ മ, ന എന്നീ ഒലികളിലൊടുങ്ങുന്ന മലയാള വാക്കുകൾ ബിയറിയിലെത്തുമ്പോൾ ഈയൊലികൾ ചൊലുത്തിൽ കാണികയില്ല. മലയാള വാക്കുകളിൽ തുടക്കത്തിൽ വരുന്ന ‘അ’ ബിയറിയിൽ എത്തുമ്പോൾ ‘എ’ എന്നായി മാറുന്നതും ഒരു ഈ മൊഴിയെ മലയാളത്തിൽ നിന്നും വേർതിരിക്കുന്ന ഒന്നാണ്.

ബ്യാരി മലയാളം ഒത്തുനോക്കൽതിരുത്തുക

ബ്യാരി മലയാളം
ഒന്ന് ഒന്ന്
ജണ്ഡു രണ്ട്
മൂന്ന് മൂന്ന്
നാല് നാല്
അഞ്ജി അഞ്ച്
ആര് ആറ്
ഏല് ഏഴ്
എട്ട് എട്ട്
ഒലിംബൊ ഒമ്പത്
പത്ത് പത്ത്

കലകൾതിരുത്തുക

നാടൻ പാട്ടുകളാലും പാനകളാലും പെരുമയേറിയതാണ് ബിയറിയുടെ എഴുത്തുകല. തങ്ങളുടെ കലമുറയുടെ ഈ നിറവ് ബിയറികൾക്ക് ഒഴിച്ചുകൂടാനാകാത്തവയാണ്. ‘ഗസൽ’ സംഗീതം എന്നറിയപ്പെടുന്ന ഇശൽ ശൈലി ഇന്ത്യയ്ക്ക് അകത്തും പുറത്തും പേരുകേട്ട ഒരു കലയാണ്. ബ്യാരിമൊഴിയിലെ മറ്റൊരു പേരെടുത്ത എഴുത്തുകലാരുപമാണ് ‘മുത്തു മാല’.

ഇതു കൂടാതെ പല ഏടുകളും, ആഴ്ചപതിപ്പുകളും ബിയറി ബ്യാരിയിൽ കിട്ടുന്നതാണ്. അമ്പത്തിയൊമ്പതാമത് ഇന്ത്യൻ നാഷണൽ ഫിലിം അവാർഡ്സിൽ ബ്യാരി എന്ന ചലചിത്രത്തിനു ഫിലിം” എന്ന തലക്കെട്ടിലുള്ള പതക്കം കിട്ടുകയുണ്ടായി.

വിവരം തേടൽതിരുത്തുക

പുറം കണ്ണികൾതിരുത്തുക

"https://ml.wikipedia.org/w/index.php?title=ബ്യാരി&oldid=3639436" എന്ന താളിൽനിന്ന് ശേഖരിച്ചത്