ജെയിംസ് ജോയ്സ്

ഐറിഷ് നോവലിസ്റ്റും കവിയും
(James Joyce എന്ന താളിൽ നിന്നും തിരിച്ചുവിട്ടതു പ്രകാരം)

ജെയിംസ് അഗസ്റ്റിൻ അലോഷ്യസ് ജോയ്സ് (ഐറിഷ് Séamus Seoighe; ജനനം: ഫെബ്രുവരി 2 1882 – മരണം: ജനുവരി 13 1941) ഒരു ഐറിഷ് പ്രവാസി എഴുത്തുകാരനായിരുന്നു. 20-ആം നൂ‍റ്റാ‍ണ്ടിലെ സാഹിത്യത്തിൽ ഏറ്റവും കൂടുതൽ സ്വാധീനം ചെലുത്തിയ എഴുത്തുകാരിൽ ഒരാളായി ജെയിംസ് ജോയ്സിനെ കരുതുന്നു. യൂളിസീസ് (1922), ഫിന്നെഗൻസ് വേക്ക് (1939) ആത്മകഥാ സ്പർശമുള്ള എ പോർട്രെയിറ്റ് ഓഫ് ദ് ആർട്ടിസ്റ്റ് ആസ് എ യങ്ങ് മാൻ (1916) എന്നീ‍ നോവലുകളും ഡബ്ലിനേഴ്സ് എന്ന ചെറുകഥാസമാഹാരവുമാണ് മുഖ്യ കൃതികൾ. ബോധധാര (stream of conciousneess) എന്ന ശൈലിയുടെ പ്രയോക്താവായിരുന്നു അദ്ദേഹം.

ജെയിംസ് ജോയ്സ്
Revolutionary Joyce.jpg
ജെയിംസ് ജോയ്സ്, ca. 1918
ജനനംഫെബ്രുവരി 2, 1882
മരണംജനുവരി 13, 1941
തൊഴിൽകവിയും നോവലിസ്റ്റും
സാഹിത്യപ്രസ്ഥാനംമോഡേണിസം
സ്വാധീനിച്ചവർഹോമർ, അരിസ്റ്റോട്ടിൽ, ഡാന്റെ, തോമസ് അക്വിനാസ്, വില്യം ഷേക്സ്പിയർ, ഇബ്സൻ, ജിയോർഡാനോ ബ്രൂണോ, ജിയാംബാറ്റിസ്റ്റ വിക്കൊ
സ്വാധീനിക്കപ്പെട്ടവർസാമുവെൽ ബെക്കെറ്റ്, ജോർജ്ജ് ലൂയിസ് ബോർഗ്ഗസ്, ഫ്ലാൻ ഓബ്രിയൻ, സൽമാൻ റുഷ്ദി, ജോസഫ് കാം‌പ്ബെൽ, ഉംബെർട്ടോ എക്കോ, വ്ലാഡിമിർ നബക്കോവ്, വില്യം ഫോക്നർ, വിർജിനിയ വുൾഫ്

കൌമാരത്തിനു ശേഷമുള്ള ജീവിതത്തിന്റെ ഭൂരിഭാഗവും അയർലാന്റിനു പുറത്തായിരുന്നു എങ്കിലും ജോയ്സിന്റെ കഥകളിലെ ലോകം ഡബ്ലിനിൽ ശക്തമായി ഉറച്ചിരിക്കുന്നു. ഡബ്ലിനും പരിസര പ്രദേശങ്ങളും അദ്ദേഹത്തിന്റെ എല്ലാ കഥകൾക്കും പശ്ചാത്തലം ഒരുക്കുന്നു. (ഉദാഹരണത്തിന് യൂളിസീസിന്റെ പശ്ചാത്തലം ഡബ്ലിനിൽ ലിയപോൽഡ് ബ്ലൂം എന്ന വ്യക്തി നടക്കാനിറങ്ങുമ്പോൾ അയാളുടെ ജീവിതത്തിൽ സംഭവിക്കുന്ന കാര്യങ്ങളാണ്. ഇതിന്റെ ഓർമ്മയ്ക്കായി ജൂൺ-16 ഇന്നും ഡബ്ലിനിൽ ബ്ലൂംസ് ഡേ എന്ന പേരിൽ ആഘോഷിക്കപ്പെടുന്നു.) ജോയ്സിന്റെറോമൻ കാത്തലിക്ക് പള്ളിയുമായുള്ള കോളിളക്കം നിറഞ്ഞ ബന്ധം ജോയ്സ് തന്റെ ആത്മകഥാപാത്രം (ആൾട്ടർ ഈഗോ) ആയ സ്റ്റീഫൻ ഡെഡാലസ് എന്ന കഥാപാത്രത്തിന്റെ ആന്തരിക സംഘർഷങ്ങളിലൂടെ കാണിക്കുന്നു. പ്രവാസ ജീവിതം വരിച്ചെങ്കിലും പിറന്ന ഇടത്തിൽ അദ്ദേഹം അതീവ തത്പരനായിരുന്നു. യൂറോപ്പിൽ അദ്ദേഹം ചെലുത്തിയ പ്രഭാവം വഴി സാർവ്വലൌകിക സ്വീകാരം ലഭിച്ചു. ജന്മനാടിലുള്ള ശ്രദ്ധ അദ്ദേഹത്തിന്റെ കൃതികൾക്ക് ദേശത്തനിമയും നല്കി[1].

കൃതികൾതിരുത്തുക

 
Dubliners, 1914
 
ഡബ്ലിൻ സെന്റ് സ്റ്റീഫൻസ് തോട്ടത്തിലെ‍ ജോയ്സിന്റെ അർധകായ പ്രതിമ

അവലംബംതിരുത്തുക

  1. Ellman, p. 505, citing Power, From an Old Waterford House (London, n.d.), pp. 63-64


"https://ml.wikipedia.org/w/index.php?title=ജെയിംസ്_ജോയ്സ്&oldid=3417469" എന്ന താളിൽനിന്ന് ശേഖരിച്ചത്