തെക്കൻ അരുവിയൻ
ശരീരത്തിന് കറുപ്പു ചുവപ്പും നിറവും ചിറകിൽ വലിയ ഒരു കറുത്ത പാടുമുള്ള അരുവിയൻ കുടുംബത്തിൽ ഉള്ള ഒരിനം സൂചിത്തുമ്പിയാണ് തെക്കൻ അരുവിയൻ[2] (ശാസ്ത്രീയനാമം: Euphaea cardinalis).[3][1]
| തെക്കൻ അരുവിയൻ | |
|---|---|
| |
| ആൺതുമ്പി | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Suborder: | |
| Family: | |
| Genus: | |
| Species: | Euphaea cardinalis
|
| Binomial name | |
| Euphaea cardinalis (Fraser, 1924)
| |
| Synonyms | |
| |
ആൺതുമ്പികളുട തവിട്ടു നിറത്തിലുള്ള ചുണ്ടും, ചുവന്ന കാലുകളും ചിറകിലെ വലിയ കറുത്ത പാടും മറ്റു അരുവിയന്മാരുമായി തിരിച്ചറിയുവാൻ സഹായിക്കുന്നു. പശ്ചിമഘട്ടത്തിൽ പാലക്കാടിന് തെക്കോട്ടു മാത്രമേ ഇവയെ കാണാറുള്ളു. ഉൾക്കാടുകളിൽ പ്രത്യേകിച്ച് ഉയർന്ന വനമേഖലകളിലെ അരുവികളിലെ തുറസ്സായ ഇടങ്ങളിൽ കാണപ്പെടുന്നു. കണ്ണുകൾക്ക് കടും തവിട്ടു നിറവും കീഴ്ഭാഗം മങ്ങിയ മഞ്ഞയുമാണ്. ഉരസ്സിന് കറുപ്പിൽ മഞ്ഞ വരകളും, കീഴ് പകുതിയിൽ മഞ്ഞയിൽ കറുത്ത ചെറിയ പൊട്ടുകളുമുണ്ട്. ചുവന്ന നിറമുള്ള കാലുകളുടെ അവസാന ഖണ്ഡങ്ങൾക്ക് കറുപ്പ് നിറമാണ്. ഉരുണ്ടതും നീളമുള്ളതുമായ ഉദരത്തിന് ചുവപ്പു നിറവും അഗ്രഭാഗങ്ങൾ കറുത്തതുമാണ്. സുതാര്യമായ നീളമുള്ള ചിറകാണ് ഇവയ്ക്കുള്ളത്. പിൻ ചിറകിൽ പകുതി മുതൽ അഗ്രഭാഗം വരെ കറുത്തതായിരിക്കും. മുൻ ചിറകുകൾക്ക് പിൻ ചിറകിനെക്കാൾ നീളം കൂടുതലായിരിക്കും. പിൻ ചിറകുകൾ തുറക്കുമ്പോൾ കറുത്ത ഭാഗങ്ങളിൽ തിളങ്ങുന്ന ചുവപ്പ് നിറം കാണാം. ഉരസ്സിനും ഉദരത്തിനും കടും തവിട്ടു നിറവും അതിൽ പച്ച കലർന്ന മങ്ങിയ മഞ്ഞ വരകളും കലകളുമുണ്ട്.സുതാര്യമായ ചിറകിനു നേരിയ തവിട്ടുനിറമുണ്ട്. പറന്നു വന്നിരുന്ന ഉടനെയും അപകട സൂചനയുള്ളപ്പോഴും ചിറകുകൾ വിരിച്ച് പിൻ ചിറകുകളിലെ തിളങ്ങുന്ന ചുവപ്പ് നിറം കാണിക്കാറുണ്ട്. പെൺതുമ്പികൾ ജലാശയത്തിനരികിൽ പൊക്കമുള്ള ചെടികളിൽ മാറി മാറി ഇരിക്കാറാണ് പതിവ്. ചിലപ്പോൾ ഇവ കൂട്ടമായും കാണാറുണ്ട്.[1][4][5][6][7]
ഇതും കാണുക
തിരുത്തുകഅവലംബം
തിരുത്തുക- ↑ 1.0 1.1 1.2 "Euphaea cardinalis". IUCN Red List of Threatened Species. 2010. IUCN: e.T175194A7120246. 2010. Retrieved 2017-03-07.
{{cite journal}}: Unknown parameter|authors=ignored (help) - ↑ കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
- ↑ "World Odonata List". Slater Museum of Natural History. Archived from the original on 2021-10-05. Retrieved 2017-03-07.
- ↑ C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
- ↑ Subramanian, K. A. (2005). Dragonflies and Damselflies of Peninsular India - A Field Guide.
- ↑ "Euphaea cardinalis Fraser, 1924". India Biodiversity Portal. Retrieved 2017-03-07.
- ↑ "Euphaea cardinalis Fraser, 1924". Odonata of India, v. 1.00. Indian Foundation for Butterflies. Retrieved 2017-03-07.
പുറത്തേക്കുള്ള കണ്ണികൾ
തിരുത്തുക
തെക്കൻ അരുവിയൻ എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
തെക്കൻ അരുവിയൻ എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
