സുദീപ് പാലനാട്
ഒരു ഇന്ത്യൻ പിന്നണി ഗായകനും സംഗീതസംവിധായകനുമാണ് സുദീപ് പാലനാട് [1] . സൂഫിയും സുജാതയും എന്ന ചിത്രത്തിലെ അൽഹംദുലില്ലാഹ് എന്ന ഗാനത്തിലൂടെ അദ്ദേഹം ശ്രദ്ധേയനായി [2] .പ്രശസ്ത കഥകളി സംഗീതജ്ഞൻ പാലനാട് ദിവാകരന്റെ മകനാണ് [3] . കഥകളിപ്പദം ആലപിച്ചാണ് അദ്ദേഹം സംഗീതത്തിൽ അരങ്ങേറ്റം കുറിച്ചത്. കർണ്ണാടകസംഗീതത്തിലും കഥകളി സംഗീതത്തിലും പിതാവ് ശ്രീ പാലനാട് ദിവാകരൻ തന്നെയാണ് ആദ്യ ഗുരു. പിന്നീട് വെള്ളിനേഴി സുബ്രഹ്മണ്യന്റേയും പുന്നപ്പുഴ രാമനാഥന്റേയും കീഴിൽ ഉപരിപഠനം നടത്തി. അമൃത സ്കൂൾ ഓഫ് വിഷ്വൽ മീഡിയ സ്റ്റഡീസിൽ നിന്ന് വിഷ്വൽ കമ്മ്യൂണിക്കേഷൻ ആൻഡ് സൌണ്ട് എഞ്ചിനീയറിങ്ങ് പഠിച്ചു. ഒരു ഗായകൻ എന്നതിലുപരി, ഇദ്ദേഹം ഒരു സൗണ്ട് എഞ്ചിനീയർ കൂടിയാണ്. സംഗീത സംവിധായകൻ ഔസേപ്പച്ചന്റെ സഹായിയായി അദ്ദേഹം നിരവധി സിനിമകളിൽ പ്രവർത്തിച്ചിട്ടുണ്ട് [4] . ആൾ ഇന്ത്യാ റേഡിയോയിൽ കഥകളി സംഗീതവിഭാഗത്തിൽ ഗ്രേഡഡ് ആർട്ടിസ്റ്റ് ആണ്
സുദീപ് പാലനാട് | |
|---|---|
| ജനനം | |
| ദേശീയത |  ഇന്ത്യ |
| തൊഴിൽ | പിന്നണി ഗായകൻ , സംഗീത സംവിധായകൻ , സൗണ്ട് എൻജിനീയർ |
| ജീവിതപങ്കാളി(കൾ) | സിനി |
| കുട്ടികൾ | ദേവസൂര്യ |
| മാതാപിതാക്ക(ൾ) | പാലനാട് ദിവാകരൻ സുധ |
| ബന്ധുക്കൾ | ദീപ പാലനാട് |
കരിയർ
തിരുത്തുക2014ൽ പ്രദർശനത്തിനെത്തിയ അപ്പോത്തിക്കിരി എന്ന ചിത്രത്തിലെ 'ഈറൻ കണ്ണിലോ' എന്ന ഗാനം ആലപിച്ചുകൊണ്ട് ചലച്ചിത്രരംഗത്തേക്ക് കടന്നുവന്നു. 2015ൽ പ്രദർശനത്തിനെത്തിയ കരിയാണ് സംഗീതം നിർവ്വഹിച്ച ആദ്യചിത്രം. പിന്നീട് ശിഖാമണി, അവിചാരിത, ലസാഗു ഉസാഗ എന്നീ ചിത്രങ്ങൾക്ക് സംഗീതം നിർവ്വഹിച്ചു. മലയാള ചിത്രങ്ങൾക്കുപുറമെ തമിഴ് ചലച്ചിത്രഗാനങ്ങളും ആലപിച്ചിട്ടുണ്ട്. 2021 ൽ മിസിലാം പെട്ടി രാജ എന്ന ചിത്രത്തിന് സംഗീത സംവിധാനം നിർവഹിച്ചു തമിഴ് സിനിമയിലും അരങ്ങേറ്റം കുറിച്ചു. ഇന്ത്യയിലും വിദേശത്തും സോളോ കച്ചേരികൾ നടത്തി. സ്റ്റോറി ടെല്ലർ, രസിക പോലുള്ള ബാൻഡുകളുമൊത്തുള്ള സംഗീതകച്ചേരികളും അവതരിപ്പിക്കുന്നു. കുറത്തി, യാമി, രസ, ദ വില്ലൻമാർ, നായിക തുടങ്ങിയ തിയേറ്റർ പ്രൊഡക്ഷനുകൾക്കായി സംഗീതവും ശബ്ദവും രൂപകൽപ്പന ചെയ്‌തു. ഇപ്പോൾ സംഗീതവും സിനിമകളും നിർമ്മിക്കുന്നു, "സുദീപ് പാലനാട് മ്യൂസിക്കൽ"എന്ന ബ്രാൻഡിന് കീഴിൽ സാംസ്കാരിക ഉള്ളടക്കങ്ങൾ തത്സമയം അവതരിപ്പിക്കുകയും ആർക്കൈവ് ചെയ്യുകയും ചെയ്യുന്നു. വേൾഡ് മ്യൂസിക് ഫെസ്റ്റിവൽ ഫൗണ്ടേഷൻ (സ്വന്തം ഓർഗനൈസേഷൻ) നിർമ്മിച്ച ബാലെ, ചാരുലത, ചിരുത എന്നിവ ലോകമെമ്പാടുമുള്ള പ്രശംസയും അവാർഡുകളും നേടിയ അദ്ദേഹത്തിന്റെ പ്രശസ്തമായ രണ്ട് സംഗീതആൽബങ്ങളാണ്.
സംഗീതം പകർന്ന ചലച്ചിത്രങ്ങൾ
തിരുത്തുക| വർഷം | ചിത്രം | ഭാഷ |
|---|---|---|
| 2015 | കരി | മലയാളം |
| 2016 | ശിഖാമണി | മലയാളം |
| 2020 | സമീർ | മലയാളം |
| 1987 | മിസിലാം പെട്ടി രാജ | തമിഴ് |
സ്വതന്ത്ര സംഗീത ആൽബങ്ങൾ
തിരുത്തുക| വഷം | ഗാനം | ആൽബം |
|---|---|---|
| ബാലേ | ബാലേ | |
| അതിരെഴാ മുകിലേ | ചാരുലത | |
| കണ്ണിലെ മാനത്തെ | ചിരുത |
ആലപിച്ച ഗാനങ്ങൾ
തിരുത്തുക| വർഷം | ഗാനം | ചിത്രം |
|---|---|---|
| 2014 | ഈറൻ കണ്ണിലോ | അപ്പോത്തിക്കിരി |
| 2015 | പറയൻ മലയുടെ | കരി |
| 2016 | ചുരം ഇറങ്ങണ | ശിഖാമണി |
| 2020 | സ്വപ്ന ഭൂവിലെ | സമീർ |
| 2020 | അൽഹംദുലില്ലാഹ് | സൂഫിയും സുജാതയും |
സ്വകാര്യ ജീവിതം
തിരുത്തുകമലപ്പുറം ജില്ലയിലെ പുലാമന്തോൾ പഞ്ചായത്തിലെ കട്ടുപ്പാറയിലാണ് സുദീപ് ജനിച്ചത്. സംസ്ഥാനത്തെ ചുരുക്കം ചില വനിതാ കഥകളി സംഗീത ഗായകരിൽ ഒരാളായ ദീപ പാലനാട് സഹോദരിയാണ്[5].
പുരസ്ക്കാരങ്ങൾ
തിരുത്തുക- സ്വരലയ കൈരളി ടി വി ഗന്ധർവ്വ സംഗീത പരിപാടിയിൽ റണ്ണറപ്പ് ആണ്
- ലളിതസംഗീതത്തിലും ശാസ്ത്രീയ സംഗീതത്തിലും 5 വർഷം തുടർച്ചയായി സംസ്ഥാന യുവജനോത്സവത്തിൽ ഒന്നാം സ്ഥാനം നേടിയിട്ടുണ്ട്
- ചാരുലത എന്ന സംഗീത ആൽബത്തിന് കേരളത്തിൽ ആദ്യമായി, സ്വതന്ത്ര സംഗീത വിഭാഗത്തിൽ, 2018-ലെ റെഡ് എഫ്എം മ്യൂസിക് അവാർഡ് സ്വന്തമാക്കി.
- 2018ലെ മികച്ച സംഗീത വീഡിയോയ്ക്കുള്ള സത്യജിത് റേ അവാർഡ് ചാരുലതയ്ക്ക് ലഭിച്ചു
- പാട്ടിൻ തേൻകണം അവാർഡ്
- റിത്വ എന്ന പ്രോജക്റ്റിന് മികച്ച സംഗീത സംവിധായകനുള്ള ഐ വി ശശി മെമ്മോറിയൽ അവാർഡ് 2020ൽ ലഭിച്ചു.
- ശ്രുത എന്ന ഗാനത്തിന് 2021 ലെ മികച്ച ഗായകനുള്ള ഭരത് മുരളി അവാർഡ്
- അസർ എന്ന പ്രോജക്റ്റിന് , മികച്ച പശ്ചാത്തല സംഗീതത്തിനും പിന്നണി ഗാനത്തിനും ട്രാവൻകൂർ ഇന്റർനാഷണൽ ഫിലിം അവാർഡ്സ് 2021-ൽ
അവലംബം
തിരുത്തുക- ↑ "Sudeep Palanad-". nettv4u.com.
- ↑ "അൽഹംദുലില്ലാഹ് (സൂഫിയും സുജാതയും) -". malayalam.samayam.com.
- ↑ "പാലനാട് സംഗീതം-". www.manoramaonline.com.
- ↑ "സംഗീതമാണ് സുദീപ് പാലനാടിന്റെ ജീവവായു.-". www.mathrubhumi.com. Archived from the original on 2021-10-09. Retrieved 2021-10-09.
- ↑ "കഥകളിപ്പദങ്ങളിൽ അലയടിക്കുന്ന പെൺശബ്ദം ഇതാ ഇവിടെയുണ്ട്!-". malayalam.samayam.com.