വിക്ടേഴ്സ്

കേരളത്തിലെ സ്കൂൾ വിദ്യാഭ്യാസ മേഖലയിൽ വിദ്യഭ്യാസ വകുപ്പ് ആവിഷ്കരിച്ച പദ്ധതിയാണ് വിക്ടേഴ്സ്[1] എന്ന ചുരുക്കപ്പേരിലറിയപ്പെടുന്ന വെർസറ്റയിൽ ഐ സി ടി എനേബിൾഡ് റിസോർസ് ഫോർ സ്റ്റുഡന്റ്സ് " (Versatile ICT Enabled Resource for Students). വിദ്യാഭ്യാസാവശ്യങ്ങൾക്കായി വിക്ഷേപിച്ച കൃത്രിമോപഗ്രഹമായ എഡ്യുസാറ്റിൻറെ സഹായത്തോടെയാണ് ഈ പദ്ധതി നടത്തുന്നത്. സ്കൂൾ വിദ്യാഭ്യാസത്തിനുള്ള ഇന്ത്യയിലെ ആദ്യത്തെ ബ്രോഡ്‌ബാൻഡ് ഇന്ററാക്ടീവ് നെറ്റ്വർക്കാണ് ഇത്. 2005 ജൂലൈ 28-ന് എ.പി.ജെ. അബ്ദുൾ കലാം ഉദ്ഘാടനം നിർവ്വഹിച്ചു[1]. തിരുവനന്തപുരത്ത് ഗോർക്കി ഭവനത്തിൽ ഐ.റ്റി.@സ്കൂൾ പ്രോജക്ട് സി-ഡിറ്റ് സഹകരണത്തോടെ ഒരു കേന്ദ്ര സ്റ്റുഡിയോ സജ്ജീകരിച്ചിരിക്കുന്നു. വിക്ടേഴ്സ് പ്രോഗ്രാമുകൾ സ്വീകരിക്കാനും അപ്‌ലിങ്ക് ചെയ്യാനും സാറ്റലൈറ്റ് ഇൻറാറാക്ടീവ് ടെർമിനലുകൾ സംസ്ഥാനത്തുടനീളം സ്ഥാപിച്ചിട്ടിണ്ട്.

സാങ്കേതികതതിരുത്തുക

വിക്ടേഴ്സ് ഡി.റ്റി.എച്ച് സംവിധാനത്തിൽ 90 സെ.മീ. വലിപ്പമുള്ള ഒരു ആന്റിനയും സെറ്റ്-ടോപ്പ് ബോക്സും ഒരു കെ.യു ബാൻഡ് എൽ.എൻ.ബിയും ആവശ്യമാണ്.

വിക്ടേഴ്സ് പദ്ധതിയുടെ ഭാഗമായി വിദ്യാഭ്യാസ പരിപാടികൾ ഡയറക്ട്-ടു ഹോം സംവിധാനമുപയോഗിച്ച് വീടുകളിൽ ലഭിക്കുന്ന രീതിയിൽ രണ്ടാമതൊരു ചാനൽ കൂടി നിലവിൽ വന്നിട്ടുണ്ട്. ഇതിലൂടെയുള്ള സംപ്രേക്ഷണം 2006 ഫെബ്രുവരി 13-ആം തീയതി മുതൽ ആരംഭിച്ചു.


അവലംബംതിരുത്തുക

"https://ml.wikipedia.org/w/index.php?title=വിക്ടേഴ്സ്&oldid=2549624" എന്ന താളിൽനിന്നു ശേഖരിച്ചത്