മാഥേരാൻ
മഹാരാഷ്ട്രയിലെ റായ്ഗഡ് ജില്ലയിൽ സ്ഥിതിചെയ്യുന്ന ഒരു സുഖവാസകേന്ദ്രമാണ് മാഥേരാൻ. പശ്ചിമഘട്ടത്തിന്റെ ഭാഗമായ ഈ പ്രദേശം സമുദ്രനിരപ്പിൽ നിന്നും 800 മീറ്റർ ഉയരത്തിൽ നിലകൊള്ളുന്നു. മുംബൈയിൽ നിന്നും 90 കിലോമീറ്ററും പൂനെയിൽ നിന്നും 120 കിലോമീറ്ററുമാണ് ഇവിടേക്കുള്ള ദൂരം. വാഹനഗതാഗതം നിരോധിക്കപ്പെട്ട ഏഷ്യയിലെ ഏക മലയോരവിനോദസഞ്ചാരകേന്ദ്രമാണ് മാഥേരാൻ[1][2]. ടാർ ചെയ്യാത്ത ചെമ്മൺ റോഡുകളിലൂടെ കുതിര, കുതിരവണ്ടി എന്നിവ കൂടാതെ മനുഷ്യർ വലിക്കുന്ന റിക്ഷകളും ഗതാഗതത്തിനായി ഉപയോഗിക്കപ്പെടുന്നു.ഇതൊരു പരിസ്ഥിതിലോലപ്രദേശം കൂടിയാണ്.
മാഥേരാൻ माथेरान | |
|---|---|
സുഖവാസകേന്ദ്രം | |
 മാപ്പ് | |
  മാഥേരാൻ Location in Maharashtra, India | |
| Coordinates: 18°59′12″N 73°16′04″E / 18.9866°N 73.2679°E | |
| Country | ഇന്ത്യ |
| State | മഹാരാഷ്ട്ര |
| District | റായ്ഗഡ് |
| • ഭരണസമിതി | മാഥേരാൻ ഹിൽ സ്റ്റേഷൻ മുനിസിപ്പൽ കൗൺസിൽ |
| • ആകെ | 7 ച.കി.മീ.(3 ച മൈ) |
| ഉയരം | 800 മീ(2,600 അടി) |
(2001) | |
| • ആകെ | 5,139 |
| • ജനസാന്ദ്രത | 730/ച.കി.മീ.(1,900/ച മൈ) |
| • Official | മറാഠി |
| • Spoken | മറാഠി |
| സമയമേഖല | UTC+5:30 (IST) |
| PIN | 410102 |
| Telephone code | 02148 |
| വാഹന റെജിസ്ട്രേഷൻ | MH-46 |
| Nearest city | കർജത് |
ചരിത്രം
തിരുത്തുക1850 മേയിൽ, അന്ന് താനെ ജില്ലാ കളക്റ്ററായിരുന്ന ഹ്യൂ പോയിന്റ്സ് മാലറ്റ് ആണ് മാഥേരാന്റെ സാധ്യതകൾ ആദ്യമായി തിരിച്ചറിഞ്ഞത്. അന്നത്തെ ബോംബേ ഗവർണർ ആയിരുന്ന എൽഫിൻസ്റ്റൺ പ്രഭു ഈ പ്രദേശത്തെ ഒരു മലയോരവിനോദസഞ്ചാരകേന്ദ്രമാക്കി മാറ്റുവാനുള്ള പ്രവർത്തനങ്ങൾക്ക് തുടക്കം കുറിച്ചു. സ്വാതന്ത്ര്യസമരസേനാനിയായിരുന്ന വീർ ഭായ് കോത്വാൾ ഇവിടെയാണ് ജനിച്ചത്. 1912 ഡിസംബർ 1-ന് മാഥേരാനിലെ ഒരു ക്ഷുരകകുടുംബത്തിലായിരുന്നു അദ്ദേഹത്തിന്റെ ജനനം. 1907-ൽ സർ ആദംജി പീർബോയ് പണികഴിപ്പിച്ചതാണ് നെരൾ മുതൽ മാഥേരാൻ വരെ നീളുന്ന, 20 കിലോമീറ്റർ ദൈർഘ്യമുള്ള മാഥേരാൻ ഹിൽ റെയിൽവേ. ഇത് മാഥേരാൻ ലൈറ്റ് റെയിൽവേ (MLR) എന്നും അറിയപ്പെടുന്നു.[3] ഇതിനെ ലോകപൈതൃകപ്പട്ടികയിലേക്ക് പരിഗണിച്ചിരുന്നുവെങ്കിലും ആ ബഹുമതി ലഭിക്കുകയുണ്ടായില്ല. .[4]
പ്രശസ്ത നടനും സംവിധായകനുമായ ഗിരീഷ് കർണാട് ഇവിടെയാണ് ജനിച്ചത്.[5]
ജനസംഖ്യ
തിരുത്തുക2001-ലെ സെൻസസ് പ്രകാരം മാഥേരാനിലെ ജനസംഖ്യ 5139 ആണ്.[6] 58% പുരുഷൻമാരും 42% സ്ത്രീകളുമാണ്. ശരാശരി സാക്ഷരത 71% ആണ്. ജനസംഖ്യയുടെ 11% ആറു വയസ്സിൽ താഴെയുള്ളവരാണ്. മറാഠി, ഹിന്ദി, ഇംഗ്ലീഷ് എന്നിവയാണ് സംസാരഭാഷകൾ.
വന്യജീവികൾ
തിരുത്തുകതൊപ്പിക്കുരങ്ങ്, ഹനുമാൻ കുരങ്ങ് എന്നീ കുരങ്ങുവർഗ്ഗങ്ങൾ മാഥേരാനിൽ ധാരാളമായി കാണപ്പെടുന്നു. പുള്ളിപ്പുലി, മലയണ്ണാൻ, കേഴമാൻ, കുറുക്കൻ, കാട്ടുപന്നി, കീരി എന്നിവയും ഈ വനമേഖലയിൽ ഉണ്ട്.
ചിത്രശാല
തിരുത്തുക-
മാഥേരാനിലെ ചെമ്മൺ പാതകൾ -
ഷാർലറ്റ് തടാകം -
കാട് -
മാഥേരാൻ ലൈറ്റ് റെയിൽവേ -
വീർ കോത്വാൾ ഉദ്യാനം -
സൺസെറ്റ് പോയിന്റ് -
മലഞ്ചെരിവുകൾ
അവലംബം
തിരുത്തുക- ↑ Seminar. R. Thapar. 2003. Retrieved 8 July 2013.
- ↑ Shyam Kishor Agarwal (1991). Automobile pollution: concerns, priorities, and challenges. APH Publishing. p. 91. ISBN 978-81-7024-414-1. Retrieved 8 July 2013.
- ↑ "Neral-Matheran Toy Train Tour". www.irctcTourism.com. Retrieved 30 October 2017.
- ↑ Rangnekar, Prashant (3 August 2010). "Neral-Matheran misses world heritage site target". The Indian Express. Retrieved 9 September 2012.
- ↑ ഗിരീഷ് കർണാഡ് - എൻസൈക്ലോപീഡിയ ഓഫ് ഇന്ത്യൻ സിനിമ
- ↑ മാഥേരാൻ - എൻസൈക്ലോപീഡിയ ബ്രിട്ടാനിക്ക