പരമാർത്ഥസാരം

ശേഷൻ രചിച്ച എൺപത്തഞ്ചു ശ്ലോകങ്ങളടങ്ങിയതും വേദാന്തരഹസ്യപ്രതിപാദകവുമായ ഒരു സംസ്കൃത ഗ്രന്ഥമാണ് പരമാർത്ഥസാരം. ഈ ഗ്രന്ഥത്തിനു ശേഷാര്യയെന്നും പേരുണ്ടു്. അല്പാക്ഷരവും ബഹ്വർത്ഥവുമായ ഈ കൃതിയെ രാഘവാനന്ദൻ ʻʻഅശേഷോപനിഷൽസിദ്ധവസ്തുതത്വാനുഷ്യന്ദിˮ എന്ന വിശേഷണം കൊണ്ടു വിശേഷിപ്പിക്കുന്നു. ആദ്യത്തെ രണ്ടു ശ്ലോകങ്ങൾ കഴിഞ്ഞാൽ ബാക്കിയെല്ലാം ആര്യാവൃത്തത്തിൽ നിബന്ധിച്ചിരിക്കുന്നതുകൊണ്ടാണു് അതിനു് ആ സംജ്ഞ സിദ്ധിച്ചതു്. ഗ്രന്ഥകാരനായ ശേഷൻ ആരെന്നു വെളിവാകുന്നില്ലെന്ന് ഉള്ളൂർ കേരള സാഹിത്യ ചരിത്രത്തിൽ പറയുന്നു.

വിവരണങ്ങളും വ്യാഖ്യാനങ്ങളും

അനേകം ഉത്തമഗ്രന്ഥങ്ങളുടെ വ്യാഖ്യാതാവായ രാഘവാനന്ദൻ, ശേഷന്റെ പരമാർത്ഥസാരത്തിനു വിവരണമെഴുതിയിട്ടുണ്ട്.

“ പരമാർത്ഥസാരവിവരണ–

മേതദ് ഗോവിന്ദചന്ദ്രചന്ദ്രികയാ സംഹൃതസംസൃതിതാപാൽ സംഭൂതം രാഘവാനന്ദാൽ

”

പുറം കണ്ണികൾ

• പരമാർത്ഥസാരം