ചോലവേങ്ങ

ചോലവേങ്ങ
	ചോലവേങ്ങയുടെ ഇലയും പൂക്കളും
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Malpighiales
Family:	Phyllanthaceae
Tribe:	Bischofieae
Genus:	Bischofia
Species:	B. javanica
Binomial name
	Bischofia javanica; Blume
Synonyms
	Andrachne apetala Roxb. ex Wall. [Invalid]; Andrachne trifoliata Roxb.; Bischofia cummingiana Decne.; Bischofia javanica var. lanceolata Müll.Arg.; Bischofia javanica var. oblongifolia (Decne.) Müll.Arg.; Bischofia javanica var. toui (Decne.) Müll.Arg.; Bischofia leptopoda Müll.Arg.; Bischofia oblongifolia Decne.; Bischofia roeperiana Decne.; Bischofia toui Decne.; Bischofia trifoliata (Roxb.) Hook.; Microelus roeperianus (Decne.) Wight & Arn.; Phyllanthus gymnanthus Baill.; Stylodiscus trifoliatus (Roxb.) Benn.;

തിരിപ്പൂ, നീലി, മ്ലാചെതയൻ, നിര, നന്നൽമരം, ചോരക്കാളി, രക്തവേങ്ങ എന്നെല്ലാം അറിയപ്പെടുന്ന് ചോലവേങ്ങ 30 മീറ്റർ വരെ ഉയരം വയ്ക്കുന്ന ഒരു മരമാണ്. (ശാസ്ത്രീയനാമം: Bischofia javanica). പശ്ചിമഘട്ടത്തിലെങ്ങും ഇന്തോമലേഷ്യയിലും കണ്ടുവരുന്നു ^[1]. ഇംഗ്ലീഷിൽ Bishop wood, Autumn Maple^[2] എന്നെല്ലാം അറിയപ്പെടുന്നു. ആസ്സാമിലെ കാടുകളിൽ കടുവകൾ ഈ മരത്തിൽ നഖം കൊണ്ട് പോറലേൽപ്പിച്ച് അതിർത്തി അടയാളപ്പെടുത്തുന്നു. അമേരിക്കയിലേക്ക് കൊണ്ടുചെന്ന ഈ മരം അവിടെ ഇപ്പോഴൊരു അധിനിവേശവൃക്ഷമായി കണക്കാക്കിവരുന്നു^[3]. വളരെപ്പെട്ടെന്നു വളരുന്ന ഈ മരം ഒരു അലങ്കാരവൃക്ഷമായും നട്ടുവളർത്താറുണ്ട്. മുറിച്ചയുടനെ മരത്തിന് വിനാഗിരിയുടെ മണമുണ്ട് ^[4]. പച്ചകളർന്ന പൂക്കുലകളും തുടർന്ന് ബ്രൌൺ-മഞ്ഞ നിറമുള്ള ഫലങ്ങളും ഇതിനെ ഒരു ഭംഗിയുള്ള വഴിയോരവൃക്ഷമാക്കി മാറ്റുന്നു ^[5]

ഉപയോഗങ്ങൾ

ഇരുണ്ടുചുവന്ന കടുപ്പമുള്ള തടി കെട്ടിടങ്ങൾ നിർമ്മിക്കാൻ ഉപയോഗിക്കുന്നു.
തടി വിറകായും ഉപയോഗിക്കുന്നു.
പേപ്പർ ഉണ്ടാക്കാൻ പറ്റിയ തടിയാണിത്.
പഴങ്ങൾ മദ്യമുണ്ടാക്കാൻ ഉപയോഗിക്കുന്നു.
ഭക്ഷ്യയോഗ്യമായ കുരുക്കളിൽ 30-54 % എണ്ണയടങ്ങിയിരിക്കുന്നു, ഇത്‌ ഘർഷണം കുറയ്ക്കാനുള്ള എണ്ണയായി ഉപയോഗിക്കുന്നു.
തടിയിൽനിന്നും കിട്ടുന്ന ചുവന്ന കറ ചായമുണ്ടാക്കാൻ ഉപയോഗിക്കുന്നു.
വേരുകൾക്ക്‌ ഔഷധഗുണമുണ്ട്‌.
ലാവോസിൽ ഇലകൾ ഭക്ഷണപദാർത്ഥങ്ങളുടെ കൂടെ ഉപയോഗിച്ചുവരുന്നു.