നാരായണ ഭട്ടതിരി

മലയാളത്തിലെ പ്രമുഖ കാലിഗ്രാഫിക് ആർട്ടിസ്റ്റാണ് നാരായണ ഭട്ടതിരി (Narayana Bhattathiri). തിരുവനന്തപുരം ഫൈൻ ആർട്സ് കോളേജിൽ നിന്ന് ചിത്രകലയിൽ പഠനം പൂർത്തിയാക്കിയ ഭട്ടതിരി കഴിഞ്ഞ 30 വർഷമായി നിരവധി വാരികകളിലും മറ്റുമായി അനേകതരത്തിലുള്ള വ്യത്യസ്തമായ മലയാളം ടൈറ്റിലുകൾ ചെയ്തിട്ടുണ്ട്.

നാരായണ ഭട്ടതിരി സ്വതന്ത്ര മലയാളം കമ്പ്യൂട്ടിങ്ങ് കൂട്ടായ്മയുടെ 2014 വാർഷിക മീറ്റപ്പിൽ (തിരുവനന്തപുരം)

കലാകൗമുദിയിലും പിന്നീട് മലയാളം വാരികയിലും പ്രവർത്തിച്ച ഭട്ടതിരി ഇപ്പോൾ വിവിധ പ്രസിദ്ധീകരണങ്ങൾക്കുവേണ്ടി ഡിസൈൻ ജോലികൾചെയ്യുന്നു. നിലവിൽ തിരുവനന്തപുരം വഴുതക്കാട്ട് താമസം. ഭാര്യ: മിനി. മക്കൾ: അപ്പു, രാമു.