നവധാര തിയറ്റേഴ്സ്, പൂഞ്ഞാർ

കേരളത്തിലെ ഒരു നാടകസമിതിയായിരുന്നു കോട്ടയം ജില്ലയിലെ പൂഞ്ഞാർ ആസ്ഥാനമായുള്ള പൂഞ്ഞാർ നവധാര. ഗാനമേള ട്രൂപ്പ്. ഗായക സംഘം, ബാലെ, ബാന്റ് സെറ്റ് എന്നിവയും സമിക്കുണ്ടായിരുന്നു. കേരളത്തിൽ നാടകങ്ങൾക്കുണ്ടായ തകർച്ചയിൽ ഈ സമിതി പിന്നീട് മറ്റുടമസ്ഥതയിൽ ഗാനമേള മാത്രമായി ചുരുക്കി. കേരളത്തിൽ അങ്ങോളമിങ്ങോളം സമിതി നിരവധി നാടകങ്ങൾ അവതരിപ്പിച്ചു.

1976 ആഗസ്റ്റ് 15നാ ണ് ഈ സമിതി പ്രവർത്തനം തുടങ്ങിയത്. ഒരു സാമൂഹ്യ സംഗീത നാടകമായ ഹേബിയസ് കോർപ്പസ് ആയിരുന്നു ആദ്യാവതരണം. 1986 ൽ ദശാബ്ദി പ്രമാണിച്ച് സമിതി ഒരു സുവനീർ പുറത്തിറക്കി. റവ. ഫാദർ ഈപ്പൻ ഏർത്തയിൽ ഈ സമിതിയുടെ രക്ഷാധികാരിയായിരുന്നു. തിലകനെപോലെയും ജോസ് ആലഞ്ചേരിയെപ്പോലെയും പ്രമുഖരായ നിരവധി സംവിധായകർ സമിതിയുമായി ബന്ധപ്പെട്ട് പ്രവർത്തിച്ചു. മോചനം എന്ന നാടകത്തിലെ അഭിനയത്തിന് എം.എസ്. തൃപ്പൂണിത്തുറക്ക് നല്ല നാടക നടനുള്ള സംസ്ഥാന അവാർഡ് ലഭിച്ചു. നിരവധി വേദികൾ ലഭിച്ച ഈ നാടത്തിന്റെ അവതരണത്തോടെ ഈപ്പനച്ചന്റെ നേതൃത്വത്തിൽ കേരളത്തിലെ പ്രധാന സമിതികളിലൊന്നായി നവധാര വളർന്നു. മോചനത്തിന് പ്രൊഫഷണൽ നാടകങ്ങൾക്കുള്ള മൂന്നു സംസ്ഥാന അവാർഡുകൾ ലഭിച്ചു. കേരളത്തിലും വടക്കേ ഇന്ത്യയിലും ധാരാളം വേദികൾ ലഭിച്ചു.

നാടകങ്ങൾ

• ഹേബിയസ് കോർപ്പസ്
• പിപാസ
• അനന്തം അജ്ഞാതം
• പശ്ചിമഘട്ടം
• തീരം കാശ്മീരം
• സ്വപ്ന രഥം
• മോചനം (നാടകകൃത്ത്: വർഗീസ് പോൾ)
• ജസ്റ്റിസ് (നാടകകൃത്ത്: വർഗീസ് പോൾ)
• സാഗരം
• വസന്തം
• പണ്ട് പണ്ട് പണ്ടൊരിക്കൽ

സമിതിയുമായി സഹകരിച്ചിരുന്ന പ്രമുഖർ

• തിലകൻ
• പങ്കജവല്ലി
• കെ.എം. ധർമ്മൻ
• ജോസ് ആലഞ്ചേരി
• വർഗീസ് പോൾ
• പി. ഭാസ്കരൻ
• ആർട്ടിസ്റ്റ് കേശവൻ
• സുന്ദരൻ കല്ലായി
• ശ്രീമൂലനഗരം വിജയൻ
• ചൊവ്വല്ലൂർ കൃഷ്ണൻകുട്ടി
• കുമരകം രാജപ്പൻ
• ആർട്ടിസ്റ്റ് സുജാതൻ

പുറം കണ്ണികൾ

• നവധാര തിയറ്റേഴ്സ് പൂഞ്ഞാർ – ദശാബ്ദി സ്മരണിക