ദ്രാവിഡ മുന്നേറ്റ കഴകം
ദ്രാവിഡ മുന്നേറ്റ കഴകം (തമിഴ്: திராவிட முன்னேற்றக் கழகம்) [1] 1949-ൽ തമിഴ്‌നാട്ടിൽ രൂപീകൃതമായ ഒരു പ്രാദേശിക രാഷ്ട്രീയ പാർട്ടിയാണ്‌. തമിഴ്‌നാടിന്റെ സമീപ പ്രദേശമായ പുതുച്ചേരിയിലും ഇതിനു സാന്നിദ്ധ്യമുണ്ട്. ഇ.വി. രാമസ്വാമി നായ്‌കർ സ്ഥാപിച്ച ദ്രാവിഡർ കഴകം (1944 വരെ ജസ്റ്റിസ് പാർട്ടി എന്നറിയപ്പെട്ടു) പാർട്ടിയിൽ നിന്നു വേർപെടുത്തു സി.എൻ. അണ്ണാദുരൈ1949 ൽ സ്ഥാപിച്ച പാർട്ടിയാണിത്.ഹിന്ദിക്കെതിരായും ഒരു സ്വതന്ത്രരാഷ്ട്രം സ്ഥാപിക്കുന്നതിനു വേണ്ടിയും നില കൊണ്ട ഈ പ്രസ്ഥാനം 1956-നു ശേഷം രാഷ്ട്രീയ പാർട്ടിയായി മാറി. 1957-ൽ ആദ്യമായി തിരഞ്ഞെടുപ്പിൽ പങ്കെടുത്തു. 1962-ൽ പാർട്ടി 50 സീറ്റുകൾ നേടി. `സ്വതന്ത്രദ്രാവിഡനാട് വാദം' ഉപേക്ഷിച്ച അവർ 1967 ൽ അധികാരത്തിൽ വന്നു. 1969ൽ മുഖ്യമന്ത്രി അണ്ണാദുരൈ അന്തരിച്ചതിനെത്തുടർന്ന് കരുണാനിധി അധികാരമേറ്റെടുത്തു. 1973ൽ ഡി.എം.കെ. പിളർന്നു. എം.ജി. ആറിന്റെ നേതൃത്വത്തിൽ അണ്ണാ ഡി.എം.കെ. രൂപം കൊണ്ടു. എം.ജി.ആറിന്റെ ജനസ്വാധീനം വർധിക്കുകയും 1987 ൽ മരിക്കുന്നതു വരെ മുഖ്യമന്ത്രിയായി തുടരുകയും ചെയ്തു. തുടർന്ന് എം.ജി. ആറിന്റെ ഭാര്യ വി.എൻ. ജാനകി പാർട്ടിനേതാവും മുഖ്യമന്ത്രിയുമായി (1988). ജാനകിയുടെ മരണത്തെത്തുടർന്ന് ജയലളിത അണ്ണാ ഡി.എം.കെ. ജനറൽ സെക്രട്ടറിയായി; മുഖ്യമന്ത്രിയും. ഇരുഗ്രൂപ്പുകളും കേന്ദ്രമന്ത്രിസഭയിൽ പങ്കാളികളായിരുന്നിട്ടുണ്ട് . 1969 മുതൽ 2018 ൽ മരിക്കുന്നതു വരെ കരുണാനിധി ആയിരുന്നു ഈ പാർട്ടിയുടെ നേതാവ്.
ദ്രാവിഡ മുന്നേറ്റ കഴകം | |
|---|---|
| ചെയർപേഴ്സൺ | എം.കെ. സ്റ്റാലിൻ |
| ലോക്സഭാ നേതാവ് | ടി. ആർ. ബാലു |
| രൂപീകരിക്കപ്പെട്ടത് | 1949 |
| മുഖ്യകാര്യാലയം | അറിവാലയം, അണ്ണാ സാലൈ, ചെന്നൈ - 600018 |
| തൊഴിലാളി വിഭാഗം | തൊഴിലാളി പുരോഗമന ഫെഡെറേഷൻ |
| പ്രത്യയശാസ്‌ത്രം | സാമൂഹിക ജനാധിപത്യം/മതേതരത്വം/ദ്രാവിഡ ദേശീയത |
| സഖ്യം | I.N.D.I.A. (ഇന്ത്യ) |
| വെബ്സൈറ്റ് | |
| http://www.dmk.in | |
.jpg)
അവലംബം
തിരുത്തുക- ↑ Rao, MSA (1979) Urban Sociology in India[പ്രവർത്തിക്കാത്ത കണ്ണി] Orient Longman Publishers.
|
രാഷ്ട്രീയപ്പാർട്ടികളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |