ടിന്റു ലൂക്ക

കേരളത്തിലെ ഒരു രാജ്യാന്തര കായിക താരമാണ് ടിന്റു ലൂക്ക. കണ്ണൂർ ജില്ലയിലെ ഇരിട്ടി കരിക്കോട്ടക്കരി സ്വദേശിനിയാണ് ടിന്റു. പി.ടി. ഉഷയുടെ ഉഷ സ്കൂൾ ഓഫ് അത‌ലറ്റിക്സിലാണ് (കൊയിലാണ്ടി) ടിന്റു പരിശീലനം നേടിയത്. ഒളിമ്പിക് ഗോൾഡ് ക്വസ്റ്റ് ആണ് ടിന്റുവിന്റെ സ്പോൺസർ..

ടിന്റു ലൂക്ക

ടിന്റു ലൂക്ക, ഇന്ത്യയിലെ ഭുവനേശ്വറിലെ കലിംഗ സ്റ്റേഡിയത്തിൽ 2017 ഏഷ്യൻ അത്‌ലറ്റിക്സ് ചാമ്പ്യൻഷിപ്പ്
വ്യക്തി വിവരങ്ങൾ
പൗരത്വം	ഇന്ത്യ
ജനനത്തീയതി	1989 ഏപ്രിൽ 21
ജന്മസ്ഥലം	കണ്ണൂർ ജില്ല, കേരളം
Sport
രാജ്യം	ഇന്ത്യ
കായികമേഖല	ഓട്ടം
ഇനം(ങ്ങൾ)	800 മീറ്റർ
മെഡലുകൾ Women's athletics Representing ഇന്ത്യ Asian Games 2010 Guangzhou 800m 2014 Encheon 800m

800 മീറ്റർ ഓട്ടത്തിൽ ഇന്ത്യയുടെ ദേശീയ റെക്കോർഡായ 1:59.17 സെക്കന്റ് ടിന്റുവിന്റെ പേരിലാണ്. ഷൈനി വിൽ‌സന്റെ 1:59.85 സെക്കന്റ് എന്ന 15 വർഷം പഴക്കമുള്ള റെക്കോർഡാണ് ടിന്റു ഇതിനായി മറികടന്നത്.

2008-ൽ, ജക്കാർത്തയിൽ വച്ച് നടന്ന ഏഷ്യൻ ജൂനിയർ അത്‌ലറ്റിക്സ് ച്യാമ്പൻഷിപ്പിൽ വെള്ളിമെഡൽ നേടാൻ ടിന്റുവിന് കഴിഞ്ഞിരുന്നു.. 2010 ഡൽഹി കോമൺ വെൽത്ത് ഗെയിംസിൽ വനിതകളുടെ 800 മീറ്റർ ഓട്ടത്തിൽ 2:01.25 സെക്കന്റു കൊണ്ട് പൂർത്തിയാക്കി ടിന്റു ആറാം സ്ഥാനത്തെത്തി

ഏഷ്യൻ ഗെയിംസ് 2010

2010 ഗ്വാങ്ഷു ഏഷ്യൻ ഗെയിംസിൽ ടിന്റു വെങ്കല മെഡൽ നേടി (2:01.36) ഇതു ടിന്റുവിന്റെ വ്യക്തിഗത സമയത്തേക്കാൾ വളരെ കൂടുതൽ ആയിരുന്നു ഹീറ്റ്‌സിലെ പ്രകടനത്തിന്റെ ബലത്തിൽ റേസിലെ ഫേവറിറ്റായ ടിന്റുവിന് ഉജ്വാല സ്റ്റാർട്ടാണ് ലഭിച്ചത്. ഈ ലീഡ് അവസാന നാൽപ്പത് മീറ്റർ വരെ ടിന്റു കാക്കുകയും ചെയ്തു. അവസാന നാൽപ്പതു മീറ്റർ വരെ മൂന്ന് മീറ്റർ പിറകിലായിരുന്ന മത്‌സകോയും യാൻ ഹാങ്ങും ടിന്റുവിനെ മൂന്നാമതാക്കി ഒന്നും രണ്ടും സ്ഥാനങ്ങൾ നേടി.

പങ്കെടുത്ത പ്രധാന കായിക മത്സരങ്ങൾ

1. 2008 ഏഷ്യൻ ജൂനിയർ അത്‌ലറ്റിക്സ് ച്യാമ്പൻഷിപ്പ്, ജക്കാർത്ത
2. ഡൽഹി കോമൺവെൽത്ത് ഗെയിംസ്
3. ഏഷ്യൻ ഗെയിംസ് 2010

പുരസ്കാരങ്ങൾ

• അർജുന അവാർഡ് (2014)

പുറമെ നിന്നുള്ള കണ്ണികൾ

• ഹിന്ദു പത്രത്തിൽ നിന്ന് Archived 2006-12-09 at the Wayback Machine.
• Tintu Luka (USHA) Archived 2010-10-07 at the Wayback Machine.
• http://www.dnaindia.com/sport/report_luka-out-for-tintu_1434458