ജോൺ മോഷ്ലി
ജോൺ വില്യം മോഷ്ലി (ജനനം:1907 മരണം:1980)ജെ പ്രെസ്പർ എക്കർട്ടിനോടൊപ്പം എനിയാക് എന്ന ആദ്യകാല കമ്പ്യൂട്ടറിന് രൂപം നൽകിയ അമേരിക്കൻ ശാസ്ത്രജ്ഞനാണ് ജെ ഡബ്ള്യൂ മോഷ്ലി. കമ്പ്യൂട്ടർ ചരിത്രത്തിലെ ഒരു നാഴികക്കല്ലായിരുന്നു "എനിയാക്" ൻറെ സൃഷ്ടി. പ്രവർത്തനയോഗ്യമായ ആദ്യത്തെ ഇലക്ട്രോണിക് കമ്പ്യൂട്ടറായിരുന്നു 'ENIAC' എനിയാകിനു ശേഷം 'എഡ് വാക്' എന്ന കമ്പ്യൂട്ടറും ഇരുവരും ചേർന്ന് നിർമ്മിച്ചു. ഇതിലാണ് ശേഖരിച്ച് വെക്കപ്പെട്ട പ്രോഗ്രാം എന്ന ജോൺ ന്യൂമാൻറെ തത്ത്വം ആദ്യമായി പരീക്ഷിക്കപ്പെട്ടത്. തുടർന്ന് 'BINAC' എന്ന ഒരു കമ്പ്യൂട്ടറും നിർമ്മിക്കുകയുണ്ടായി.
ജോൺ മോഷ്ലി | |
|---|---|
| ജനനം | ഓഗസ്റ്റ് 30, 1907 |
| മരണം | ജനുവരി 8, 1980 (പ്രായം 72) |
| ദേശീയത | American |
| കലാലയം | Johns Hopkins University |
| അറിയപ്പെടുന്നത് | ENIAC, UNIVAC, Mauchly's sphericity test |
| പുരസ്കാരങ്ങൾ | Harry H. Goode Memorial Award (1966) Harold Pender Award (1973) IEEE Emanuel R. Piore Award (1978) |
| ശാസ്ത്രീയ ജീവിതം | |
| പ്രവർത്തനതലം | Physics |
| സ്ഥാപനങ്ങൾ | Ursinus College University of Pennsylvania |
അവർ ഒന്നിച്ച് ആദ്യത്തെ കമ്പ്യൂട്ടർ കമ്പനിയായ എക്കേർട്ട്-മോഷ്ലി കമ്പ്യൂട്ടർ കോർപ്പറേഷൻ (ഇഎംസിസി) ആരംഭിച്ചു, കൂടാതെ സ്റ്റോർഡ് പ്രോഗ്രാം, സബ്റൂട്ടീനുകൾ, പ്രോഗ്രാമിംഗ് ഭാഷകൾ എന്നിവയുൾപ്പെടെയുള്ള അടിസ്ഥാന കമ്പ്യൂട്ടർ ആശയങ്ങൾക്ക് തുടക്കമിട്ടു. എഡ്വാക്കി(EDVAC-1945)നെക്കുറിച്ചുള്ള ഒരു റിപ്പോർട്ടിന്റെ വ്യാപകമായി വായിക്കപ്പെടുന്നതും, മൂർ സ്കൂൾ പ്രഭാഷണങ്ങളിൽ (1946) പഠിപ്പിച്ചതുമായ അവരുടെ കൃതികൾ 1940 കളുടെ അവസാനത്തിൽ ലോകമെമ്പാടുമുള്ള കമ്പ്യൂട്ടർ വികസനത്തിൽ വിപ്ലവം സൃഷ്ടിക്കുന്നതിന് കാരണമായി.
ജീവചരിത്രം
തിരുത്തുക1907 ഓഗസ്റ്റ് 30 ന് ഒഹായോയിലെ സിൻസിനാറ്റിയിൽ സെബാസ്റ്റ്യൻ മോഷ്ലി, റേച്ചൽ(സ്കൈഡർമാന്റൽ)മോഷ്ലി എന്നിവരുടെ മകനായി ജോൺ ഡബ്ല്യു. ചെറുപ്രായത്തിൽ തന്നെ മാതാപിതാക്കളോടും സഹോദരിയായ ഹെലൻ എലിസബത്തിനോടും(ബെറ്റി) കൂടി മേരിലാൻഡിലെ ചെവി ചേസിലേക്ക് താമസം മാറി. സെബാസ്റ്റ്യൻ മോഷ്ലി വാഷിംഗ്ടണിലെ കാർനെഗീ ഇൻസ്റ്റിറ്റ്യൂഷനിൽ ടെറസ്ട്രിയൽ ഇലക്ട്രിസിറ്റി വിഭാഗത്തിന്റെ തലവനായി. ചെറുപ്പത്തിൽ തന്നെ, മോഷ്ലിയ്ക്ക് ശാസ്ത്രത്തിലും പ്രത്യേകിച്ചും വൈദ്യുതിയോടും താൽപ്പര്യമുണ്ടായിരുന്നു, ഒരു കൗമാരക്കാരനെന്ന നിലയിൽ അയൽവാസികളുടെ വൈദ്യുത സംവിധാനങ്ങൾ പരിഹരിക്കുന്നതിൽ വിദഗ്ധനായി തീർന്നു. മക്കിൻലിയിൽ, മോഷ്ലി സംവാദ സംഘത്തിൽ വളരെ സജീവമായിരുന്നു, ദേശീയ ബഹുമതി സൊസൈറ്റിയിൽ അംഗമായിരുന്നു, കൂടാതെ സ്കൂളിന്റെ പത്രമായ ടെക് ലൈഫിന്റെ എഡിറ്റർ-ഇൻ-ചീഫ് ആയി. 1925 ൽ ഹൈസ്കൂളിൽ നിന്ന് ബിരുദം നേടിയ ശേഷം ജോൺസ് ഹോപ്കിൻസ് സർവകലാശാലയിൽ എഞ്ചിനീയറിംഗ് പഠിക്കാൻ സ്കോളർഷിപ്പ് നേടി. പിന്നീട് ഭൗതികശാസ്ത്ര വിഭാഗത്തിലേക്ക് മാറി, ഭൗതികശാസ്ത്രത്തിൽ 1932 ൽ ബിരുദാനന്തര ബിരുദം പൂർത്തിയാക്കാതെ പിഎച്ച്ഡി നേടി.[1]
1932 മുതൽ 1933 വരെ മൗച്ലി ജോൺസ് ഹോപ്കിൻസ് സർവകലാശാലയിൽ ഒരു ഗവേഷണ സഹായിയായി സേവനമനുഷ്ഠിച്ചു. അവിടെ ഫോർമാൽഡിഹൈഡ് സ്പെക്ട്രത്തിന്റെ ഊർജ്ജ നിലകൾ കണക്കാക്കുന്നതിൽ ശ്രദ്ധ കേന്ദ്രീകരിച്ചു. മോഷ്ലിയുടെ അദ്ധ്യാപന ജീവിതം യഥാർത്ഥത്തിൽ ആരംഭിച്ചത് 1933 ൽ ഉർസിനസ് കോളേജിലാണ്. അവിടെ അദ്ദേഹത്തെ ഭൗതികശാസ്ത്ര വിഭാഗം മേധാവിയായി നിയമിച്ചു. അവിടെ അദ്ദേഹം സ്റ്റാഫ് അംഗമായിരുന്നു.[1]
1941 ലെ വേനൽക്കാലത്ത്, മോഷ്ലി പെൻ‌സിൽ‌വാനിയ യൂണിവേഴ്സിറ്റി മൂർ സ്കൂൾ ഓഫ് ഇലക്ട്രിക്കൽ എഞ്ചിനീയറിംഗിൽ ഇലക്ട്രോണിക്സിനായി ഒരു പ്രതിരോധ പരിശീലന കോഴ്സ് എടുത്തു. അവിടെ വെച്ച് അദ്ദേഹം ലാബ് ഇൻസ്ട്രക്ടർ ജെ. പ്രെസ്പർ എക്കേർട്ടിനെ (1919–1995) കണ്ടുമുട്ടി. കോഴ്‌സിന് ശേഷം മോഷ്ലിയെ ഇലക്ട്രിക്കൽ എഞ്ചിനീയറിംഗ് ഇൻസ്ട്രക്ടറായി നിയമിക്കുകയും 1943 ൽ ഇലക്ട്രിക്കൽ എഞ്ചിനീയറിംഗ് അസിസ്റ്റന്റ് പ്രൊഫസറായി സ്ഥാനക്കയറ്റം നൽകുകയും ചെയ്തു. രണ്ടാം ലോകമഹായുദ്ധം പൊട്ടിപ്പുറപ്പെട്ടതിനെത്തുടർന്ന്, യുണൈറ്റഡ് സ്റ്റേറ്റ്സ് ആർമി ഓർഡനൻസ് ഡിപ്പാർട്ട്മെന്റ് ഒരു ഇലക്ട്രോണിക് കമ്പ്യൂട്ടർ നിർമ്മിക്കാൻ മൂർ സ്കൂളിനെ കരാർ ചെയ്തു, ഇതുമൂലം പീരങ്കി ഫയറിംഗ് ടേബിളുകളുടെ റീകമ്പ്യൂട്ടേഷനെ ത്വരിതപ്പെടുത്തിനെ സഹായിക്കും.[1]
1959-ൽ, മോഷ്ലി സ്പെറി റാൻഡിനെ ഉപേക്ഷിച്ച് മോഷ്ലി അസോസിയേറ്റ്സ്, ഐഎൻസി. എന്ന സ്ഥാപനം ആരംഭിക്കുകയും, ഓട്ടോമാറ്റിക് കൺസ്ട്രക്ഷൻ ഷെഡ്യൂളിംഗിനായി നൽകിയ ക്രിട്ടിക്കൽ പാത്ത് മെത്തേഡിന്റെ (സിപിഎം) വികസനമാണ് മോഷ്ലി അസോസിയേറ്റ്സിന്റെ ശ്രദ്ധേയമായ നേട്ടങ്ങളിലൊന്ന്. മോഷ്ലി 1967 ൽ ഡൈനട്രെൻഡ് എന്ന കൺസൾട്ടിംഗ് ഓർഗനൈസേഷൻ ആരംഭിക്കുകയും 1973 മുതൽ 1980 വരെ മരണം വരെ സ്പെറി യുനിവാക്കിന്റെ ഉപദേഷ്ടാവായി പ്രവർത്തിക്കുകയും ചെയ്തു.
ജോൺ മോഷ്ലി 1980 ജനുവരി 8 ന് പെൻ‌സിൽ‌വാനിയയിലെ ആംബ്ലറിൽ [2] ഹൃദയ ശസ്ത്രക്രിയക്കിടയിൽ ഉണ്ടായ രോഗത്തെത്തുടർന്ന് മരിച്ചു. അദ്ദേഹത്തിന്റെ ആദ്യ ഭാര്യ, മേരി അഗസ്റ്റ വാൾസ്, ഗണിതശാസ്ത്രയായിരുന്നു, 1930 ഡിസംബർ 30 ന് വിവാഹം കഴിച്ചു, 1946-ൽ മുങ്ങിമരിച്ചു. ജോണിനും മേരി മോഷ്ലിക്കും കൂടി ജെയിംസ് (ജിമ്മി), സിഡ്നി എന്നീ രണ്ട് മക്കളുണ്ടായിരുന്നു. 1948-ൽ മോഷ്ലി ആറ് യഥാർത്ഥ എനിയാക്(ENIAC) പ്രോഗ്രാമർമാരിൽ ഒരാളായ കാത്‌ലീൻ കേ മക്ലോട്ടിയെ (1921–2006) വിവാഹം കഴിച്ചു; അവർക്ക് സാറ (സാലി), കാത്‌ലീൻ (കാതി), ജോൺ, വിർജീനിയ (ജിനി), ഇവാ എന്നീ അഞ്ച് മക്കളുണ്ടായിരുന്നു.[1]
മൂർ സ്കൂൾ
തിരുത്തുക1941 ൽ മോഷ്ലി പെൻ‌സിൽ‌വാനിയ സർവകലാശാലയുടെ ഭാഗമായ മൂർ സ്കൂൾ ഓഫ് ഇലക്ട്രിക്കൽ എഞ്ചിനീയറിംഗിൽ യുദ്ധകാല ഇലക്ട്രോണിക്സിൽ ഒരു കോഴ്സ് ചെയ്തു. അവിടെവെച്ച് മൂർ സ്കൂൾ ബിരുദധാരിയായ ജെ. പ്രെസ്പർ എക്കേർട്ടിനെ കണ്ടുമുട്ടി. യുദ്ധകാല കമ്പ്യൂട്ടിംഗിന്റെ കേന്ദ്രമായ മൂർ സ്കൂളിൽ അദ്ധ്യാപക സ്ഥാനം മോഷ്ലി സ്വീകരിച്ചു. ശരിയായ എഞ്ചിനീയറിംഗ് രീതികളിലൂടെ വാക്വം ട്യൂബുകൾ വിശ്വസനീയമാക്കുമെന്ന് എക്കേർട്ട് മോഷ്ലിയോട് പറഞ്ഞു. മൂർ സ്കൂൾ നേരിട്ട ഗുരുതരമായ പ്രശ്നം ബാലിസ്റ്റിക്സിന്റെ ഉപയോഗമായിരുന്നു: യുദ്ധാവശ്യത്തിനായി യുഎസ് സൈന്യം വികസിപ്പിച്ചുകൊണ്ടിരുന്ന ധാരാളം പുതിയ തോക്കുകളുടെ ഫയറിംഗ് ടേബിളുകളുടെ കണക്കുകൂട്ടൽ നടത്തേണ്ടതുണ്ടായിരുന്നു.
ഇവയും കാണുക
തിരുത്തുക
|
കമ്പ്യൂട്ടർ ശാസ്ത്രജ്ഞരുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |
അവലംബം
തിരുത്തുക- ↑ 1.0 1.1 1.2 1.3 "John W. Mauchly Papers". Penn Libraries. University of Pennsylvania. Archived from the original on 2020-08-09. Retrieved April 4, 2020.
- ↑ "Computer Inventor John Mauchly Dies". Detroit Free Press. January 10, 1980. p. 7. Retrieved July 18, 2020 – via Newspapers.com.
