ജോബ് (സംഗീത സംവിധായകൻ)

വർഗ്ഗീസ് കിണറ്റിൻകരയുടെയും അന്നയുടെയും മകനായി 1929-ൽ ജോബ് എറണാകുളത്തു ജനിചു. നാടകഗാനങ്ങൾക്കു സംഗീതം നൽകിക്കൊണ്ട് സംഗീത ജീവിതം ആരംഭിച്ചു.

ജോബ്
ജനനം	1929 എറണാകുളം
തൊഴിൽ	സഗീത സവിധാനം ഗായകൻ
സജീവ കാലം	1955 - ഇതുവരെ

ജീവിതരേഖ

കർണ്ണാടകസംഗീതത്തിലെ ഗുരുക്കന്മാർ എം.എസ്. രാജഗോപാലൻ ഭാഗവതർ, വി.കെ. രാഘവമേനോൻ, എം.ആർ. ശിവരാമൻനായർ എന്നിവരായിരുന്നു. ജിതേന്ദ്ര പ്രതാപിൽനിന്ന് ഹിന്ദുസ്ഥാനി സംഗീതം അഭ്യസിച്ചു. നാടകങ്ങൾക്ക് സംഗീതം നൽകിക്കൊണ്ടായിരുന്നു തുടക്കം. എറണാകുളത്തെ ആസാദ് ആർട്സ് ക്ലബുമായുള്ള ബന്ധമാണ് ജോബിനെ നാടകങ്ങളിലെത്തിച്ചത്. 1955-ൽ ഭാരമുള്ള കുരിശുകൾ എന്ന നാടകത്തിലെ ഗാനങ്ങൾക്ക് ഈണമിട്ട് പ്രശസ്തനായി.

സിനിമയിലേക്ക്

മലയാളത്തിലെ എക്കാലത്തെയും ഹിറ്റായ അല്ലിയാമ്പൽക്കടവിലന്നരയക്കുവെള്ളം എന്ന ഗാനത്തിന് സംഗീതം നിർവഹിച്ച ജോബ് ഒരാൾകൂടി കള്ളനായി എന്ന ചിത്രത്തിലെ ഗാനങ്ങൾക്ക് ഈണമിട്ടാണ് സിനിമയിലെത്തിയത്. 1965-ൽ പ്രദർശനം തുടങ്ങിയ റോസിയിലെ ഗാനങ്ങളിലൂടെ ശ്രദ്ധേയനായി. മൊത്തം അഞ്ച് സിനിമകളിൽ ഇരുപതോളം ഗാനങ്ങൾക്ക് സംഗീതം നൽകി.

സംഗീതം പകർന്നഗാനങ്ങൾ

ഗാനം	ചിത്രം	പാടിയത്
മനസ്സിന്റെ കിത്താബിലെ	ബല്ലാത്ത പഹയൻ	കെ ജെ യേശുദാസ്, എസ് ജാനകി
അല തല്ലും കാറ്റിന്റെ	ബല്ലാത്ത പഹയൻ	എസ് ജാനകി
ഭൂമിയിൽ തന്നെ സ്വർഗ്ഗം	ബല്ലാത്ത പഹയൻ	എൽ ആർ ഈശ്വരി
സ്നേഹത്തിൽ വിടരുന്ന	ബല്ലാത്ത പഹയൻ	എ എം രാജ, പി സുശീല
എങ്കിലോ പണ്ടൊരു കാലം	റോസി (1965)	പി ലീല
വെളുക്കുമ്പൊ പുഴയൊരു കളിക്കുട്ടി	റോസി (1965)	കെ ജെ യേശുദാസ്
കണ്ണു പൊത്തിക്കളിക്കണ	പെങ്ങൾ	കെ ജെ യേശുദാസ്, എൽ ആർ ഈശ്വരി
വ്യാമോഹം വ്യാമോഹം	പെങ്ങൾ	കെ ജെ യേശുദാസ്
തമ്പുരാട്ടി നിനക്കൊരു	നിധി	കെ ജെ യേശുദാസ്
നീരാഴിപ്പെരുമാളേ	നിധി	കെ ജെ യേശുദാസ്
പൊന്നുപൊന്നു താരകളാം	നിധി	കെ ജെ യേശുദാസ്
മാകന്ദപുഷ്പമേ	നിധി	എസ് ജാനകി
പെരിയാറേ പെരിയാറേ	പെരിയാർ	കെ ജെ യേശുദാസ്
അന്തിവിളക്ക് പ്രകാശം	പെരിയാർ	എസ് ജാനകി
കിനാവിലെന്നും വന്നെന്നെ	ഒരാൾ കൂടി കള്ളനായി	കെ ജെ യേശുദാസ്, പി ലീല
ചായക്കടക്കാരൻ ബീരാൻ	ഒരാൾ കൂടി കള്ളനായി	കെ ജെ യേശുദാസ്, പി ലീല
സ്വർഗ്ഗപ്പുതുമാരൻ	ബല്ലാത്ത പഹയൻ	പി ലീല, എൽ ആർ ഈശ്വരി, കോറസ്
ചാലക്കുടിപ്പുഴയും വെയിലിൽ	റോസി(1965)	എൽ ആർ ഈശ്വരി
കണ്ണിലെന്താണ്	റോസി(1965)	എൽ ആർ ഈശ്വരി
അല്ലിയാമ്പൽ കടവിലന്നരയ്ക്കു വെള്ളം	റോസി(1965)	കെ ജെ യേശുദാസ്