ചേമഞ്ചേരി നാരായണൻ നായർ
മലയാള നാടക, സീരിയൽ, ചലച്ചിത്രനടനായിരുന്നു ചേമഞ്ചേരി നാരായണൻ നായർ. മുന്നൂറിലേറെ നാടകങ്ങളിലും ഇരുപതോളം സിനിമകളിലും നിരവധി സീരിയലുകളിലും അഭിനയിച്ചു.
ചേമഞ്ചേരി നാരായണൻ നായർ | |
|---|---|
 ചേമഞ്ചേരി നാരായണൻ നായർ | |
| ജനനം | 1932 |
| മരണം | ഓഗസ്റ്റ് 25, 2014 |
| ദേശീയത | ഇന്ത്യൻ |
| തൊഴിൽ | നാടക നടൻ |
| ജീവിതപങ്കാളി | ദേവി |
| കുട്ടികൾ | ലത ജയദേവൻ സജീവൻ, ജയപ്രകാശ്. |
| മാതാപിതാക്കൾ | മൊകേരി രാവുണ്ണി നായർ ലക്ഷ്മി അമ്മ |
ജീവിതരേഖ
തിരുത്തുക1935-ൽ മൊകേരി രാവുണ്ണി നായരുടെയും ലക്ഷ്മി അമ്മയുടെയും മകനായി മചുകുന്നിൽ ജനിച്ചു.[1] [2]ഏഴാംക്ലാസിൽ സ്‌കൂൾ പഠനം നിർത്തി. സംഗീത വിദ്വാൻ ഒതയോത്ത്‌ കുട്ടിരാമൻ ആശാന്റെ കീഴിൽ കലാപഠനം നടത്തി. 1946 -ൽ പതിന്നാലാം വയസിൽ സത്യവാൻ സാവിത്രി എന്ന സംഗീത നാടകത്തിൽ സാവിത്രി എന്ന സ്‌ത്രീ കഥാപാത്രത്തെ അവതരിപ്പിച്ചാണ്‌ നാരായണൻ നായർ നാടക രംഗത്തേക്ക്‌ ചുവടുവച്ചത്‌.[3] സ്ത്രീകൾ പൊതുവേ അഭിനയത്തിൽ താൽപര്യം കാണിക്കാതിരുന്ന അക്കാലത്ത് നാരായണൻ നായർ ബാലൻ കെ. നായരുടെ ബ്രദേഴ്‌സ് ഡ്രാമാറ്റിക്‌ അസോസിയേഷന്റെ കുറ്റവാളി ആര്‌ എന്ന നാടകത്തിലും സ്‌ത്രീ വേഷമണിഞ്ഞു. 1971 -ൽ വിക്രമൻനായരുടെ കോഴിക്കോട് സംഗമം തിയേറ്റേഴ്‌സിൽ ചേർന്നു. 1979-ൽ കടലമ്മ എന്ന ചിത്രത്തിലൂടെ ചലച്ചിത്രലോകത്തും അരങ്ങേറ്റം കുറിച്ചു.[4] കെ.ടി. മുഹമ്മദിന്റെ സൃഷ്‌ടി, സ്‌ഥിതി, സംഹാരം, സാക്ഷാത്‌കാരം, സമന്വയം തുടങ്ങി നാടകങ്ങളിൽ അഭിനയിച്ചു. 1990 -കളിൽ അമേരിക്കയിലെ വിവിധ മലയാളി അസോസിയേഷന്റെ ആഭിമുഖ്യത്തിൽ സംഘടിപ്പിച്ച നാടകോത്സവത്തിലും പങ്കെടുത്തു.[5]
തകഴിയുടെ ചെമ്മീൻ എന്ന നോവലിന്റെ നാടകാവിഷ്‌കാരത്തിന്റെ സംവിധായകനായും പ്രവർത്തിച്ചു.
അഭിനയിച്ച സിനിമകൾ
തിരുത്തുകപുരസ്കാരങ്ങൾ
തിരുത്തുക- 1997-ൽ സംസ്ഥാന സർക്കാറിന്റെ പ്രൊഫഷണൽ നാടകത്തിനുളള സ്‌പെഷൽ ജൂറി പുരസ്‌കാരം (ഒരു പിടി വറ്റ്)
- 1998-ൽ കേരളസംഗീത നാടക അക്കാദമിയുടെ സി.ഐ. പരമേശ്വരൻ പിള്ള സ്മാരക അവാർഡ്
- 2001-ൽ നല്ല നടനുള്ള സംസ്ഥാന അവാർഡ് ('കിം കരണീയം' എന്ന നാടകത്തിലെ അഭിനയത്തിന്)[6]
- 2003-ൽ കായലാട്ട് രവീന്ദ്രൻ സ്മാരക പുരസ്‌കാരം
അവലംബം
തിരുത്തുക- ↑ "ചേമഞ്ചേരി നാരായണൻ നായർ". Chengottukave.
- ↑ "Chemancheri Narayanan Nair". MSIDB.
- ↑ "ചേമഞ്ചേരി നാരായണൻ നായർ അന്തരിച്ചു". ദേശാഭിമാനി ഓൺലൈൻ പതിപ്പ്. 2014-08-26. Archived from the original on 2014-08-26. Retrieved 2014-08-26.
{{cite news}}: CS1 maint: bot: original URL status unknown (link) - ↑ "ചേമഞ്ചേരി നാരായണൻ നായർ അന്തരിച്ചു". ദേശാഭിമാനി. Archived from the original on 2017-10-30.
- ↑ "നാട്യങ്ങളില്ലാതെ ഇനി ഓർമയുടെ അരങ്ങിൽ". മംഗളം ഓൺലൈൻ. 2014-08-26. Archived from the original on 2014-08-26. Retrieved 2014-08-26.
{{cite web}}: CS1 maint: bot: original URL status unknown (link) - ↑ "നടൻ ചേമഞ്ചേരി നാരായണൻ നായർ അന്തരിച്ചു". മാതൃഭൂമി ഓൺലൈൻ പതിപ്പ്. 2014-08-26. Archived from the original on 2014-08-26. Retrieved 2014-08-26.
{{cite web}}: CS1 maint: bot: original URL status unknown (link)
പുറത്തേക്കുള്ള കണ്ണികൾ
തിരുത്തുക- ചേമഞ്ചേരി നാരായണൻ നായർ. M3DB.COM