കോഴിക്കോട് – വയനാട് തുരങ്കപാത
| Overview | |
|---|---|
| Location | Anakkampoyil Meppadi, Kerala, India |
| Start | 2024 |
| End | 2028 |
| Operation | |
| Traffic | Automotive |
| Character | Passenger and Freight |
| Technical | |
| Length | 8,100 മീ (26,600 അടി) |
കേരളത്തിൽ നി‍ർമ്മിക്കാനുദ്ദേശിക്കുന്ന ഇരട്ട തുരങ്കപാത പദ്ധതിയാണ് കോഴിക്കോട്-വയനാട് തുരങ്കപാത അഥവാ ആനക്കാംപൊയിൽ - കള്ളാടി - മേപ്പാടി തുരങ്ക പാത. ഇന്ത്യയിലെ ഏറ്റവും നീളമേറിയ മൂന്നാമത്തെ അടിപ്പാതയായി വിശേഷിപ്പിക്കപ്പെടുന്ന നിർദ്ദിഷ്ട തുരങ്കം പശ്ചിമഘട്ടത്തിലെ കുന്നുകൾക്കും വനങ്ങൾക്കും ഇടയിലൂടെ കടന്നുപോകും. [1] താമരശേരി ചുരത്തിനു ബദലായി തിരുവമ്പാടി പഞ്ചായത്തിലെ ആനക്കാംപൊയിൽ (സ്വർഗംകുന്ന്) മുതൽ വയനാട്ടിലെ കള്ളാടി വരെ എത്തുന്നതാണ് പുതിയ തുരങ്കപ്പാത. ഈ തുരങ്കപാത ആനക്കാംപൊയിലിനും മേപ്പാടിക്കും ഇടയിലുള്ള ദൂരം 42 കിലോമീറ്ററിൽ നിന്ന് 20 കിലോമീറ്ററിൽ താഴെയായി കുറയ്ക്കുകയും ചെയ്യും. തുരങ്കപാത മേഖലയിൽ മികച്ച സാമ്പത്തിക വളർച്ചയ്ക്കും വികസനത്തിനും വഴിയൊരുക്കുമെന്നും പ്രതീക്ഷിക്കുന്നു. നിർമാണം പൂർത്തിയാകുന്നതോടെ കൊച്ചിയും ബെംഗളൂരുവും തമ്മിലുള്ള ദൂരം കുറയുകയും താമരശ്ശേരി ചുരത്തിലൂടെ സഞ്ചരിക്കാതെ വയനാട്, കോഴിക്കോട് ജില്ലകളെ ബന്ധിപ്പിക്കുകയും ചെയ്യും. 1500 കോടി രൂപ ചെലവിൽ തുരങ്ക പാതയുടെ സ്പെഷ്യൽ പർപ്പസ് വെഹിക്കിൾ ആയി കൊങ്കൺ റെയിൽവേയെ കേരള സർക്കാർ നിയമിച്ചു. 2024ൽ കൊങ്കൺ റെയിൽവേ ടെൻഡർ തുറന്നു ഭോപ്പാൽ ആസ്ഥാനമായ ദിലീപ് ബിൽഡ്കോൺ ലിമിറ്റഡ് എന്ന കമ്പനിക്ക് 1341 കോടി രൂപക്ക് നിർമാണ കരാർ കൊടുത്തു. 4 വർഷമാണ് നിർമാണ കരാർ.
അവലോകനം
തിരുത്തുകമുഖ്യമന്ത്രി നേരിട്ട് അവലോകനം ചെയ്ത കേരളത്തിലെ 30 സുപ്രധാന പദ്ധതികളിൽ ഒന്നാണ് ഈ തുരങ്കപാത പദ്ധതി. ബെംഗളൂരു, മൈസൂരു തുടങ്ങിയ ബിസിനസ്, വ്യാവസായിക, ടൂറിസം മേഖലകളെ കേരളവുമായി എളുപ്പത്തിൽ ബന്ധിപ്പിക്കുന്നതിനാൽ ഇത് പ്രാധാന്യമുള്ളതായി കണക്കാക്കപ്പെടുന്നു. താമരശ്ശേരി ചുരം വഴി നിലവിലുള്ള പാത സമയമെടുക്കുന്നതും മണ്ണിടിച്ചിലിലും മഴയും മൂലം ഇടയ്ക്കിടെ തടസ്സപ്പെടുന്നതും ഈ പാതവളരെ ആവശ്യമുള്ള പദ്ധതിയായി മാറ്റുന്നു. റെയിൽവേ സ്റ്റേഷനുകളിലേക്കും വിമാനത്താവളങ്ങളിലേക്കും സൂപ്പർ സ്പെഷ്യലൈസ്ഡ് ആശുപത്രികളിലേക്കും വയനാട്ടുകാർക്ക് എത്തിച്ചേരാനുള്ള ഏറ്റവും നേരിട്ടുള്ള പാതയാണ് താമരശ്ശേരി ചുരം. വാഹനാപകടങ്ങളും സാങ്കേതിക തകരാറുകളും ഈ പാതയിൽ മണിക്കൂറുകളോളം ഗതാഗതക്കുരുക്കിന് കാരണമാകാറുണ്ട്. പുതിയ തുരങ്കപാത താമരശ്ശേരി ചുരത്തിലെ ഗതാഗതക്കുരുക്ക് കുറയ്ക്കുമെന്നും കർണാടകയിൽ നിന്നുള്ള ചരക്ക് ഗതാഗതം സുഗമമാക്കുമെന്നും പ്രതീക്ഷിക്കുന്നു. [2]
ഇരട്ടക്കുഴൽ തുരങ്കത്തിന്റെ മുഴുവൻ നീളം 8.17 കിലോമീറ്ററും സ്വർഗം കുന്ന്-കല്ലടി ഭാഗം 6.8 കിലോമീറ്ററുമാണ്. ഏകദേശം 1500 കോടി രൂപയാണ് പദ്ധതിയുടെ ഏകദേശ ചെലവ്. 2020 സെപ്റ്റംബറിൽ തുരങ്ക നിർമ്മാണ സർവേ ആരംഭിച്ചു. പദ്ധതിക്കായി ഉപയോഗിച്ച ഭൂമിക്ക് പകരം 17.263 ഹെക്ടറിൽ മരങ്ങൾ നട്ടുപിടിപ്പിച്ച് റിസർവ് വനമായി പ്രഖ്യാപിക്കണമെന്നാണ് കേന്ദ്ര വനം മന്ത്രാലയത്തിന്റെ നിർദേശം. സംസ്ഥാന സർക്കാർ ഈ ദൗത്യം പൂർത്തിയാക്കി അഞ്ച് വർഷത്തിനകം കേന്ദ്ര വനം മന്ത്രാലയത്തെ അറിയിക്കണം. [3]
ഇതും കാണുക
തിരുത്തുകഅവലംബങ്ങൾ
തിരുത്തുക- ↑ "A proposed road tunnel beneath Western Ghats in Kerala: purpose, concerns". The Indian Express (in ഇംഗ്ലീഷ്). 2020-10-07. Retrieved 2023-10-09.
- ↑ "Wayanad tunnel road gets preliminary approval from union environment ministry". English.Mathrubhumi. 2023-04-08. Retrieved 2023-10-09.
- ↑ "Decades of wait is over; construction of tunnel road to Wayanad to begin in January". OnManorama. Retrieved 2023-10-09.