കേരള അഡ്മിനിസ്ട്രേറ്റീവ് സർവ്വീസ്
2018-ൽ ആരംഭിച്ച കേരള സർക്കാരിന്റെ അഡ്മിനിസ്ട്രേറ്റീവ് കേഡറാണ് കേരള അഡ്മിനിസ്ട്രേറ്റീവ് സർവീസ് (കെഎഎസ്). ഇതിലേക്ക് ഉദ്യോഗാർത്ഥികളെ റിക്രൂട്ട് ചെയ്യുന്നതിനായി കേരള പബ്ലിക് സർവീസ് കമ്മീഷൻ പരീക്ഷകൾ നടത്തുന്നു. രണ്ട് ഘട്ടങ്ങളുള്ള പരീക്ഷയിലൂടെയാണ് തിരഞ്ഞെടുപ്പ്, അതിനു ശേഷം 18 മാസത്തെ പരിശീലനവും ഉണ്ട്.
| Service overview | |
|---|---|
| Service recruitment board | കേരള പബ്ലിക് സർവീസ് കമ്മീഷൻ (KPSC) |
| Area served | Kerala , India |
| Legal personality | Governmental; civil service |
| Administration | കേരള സർക്കാർ |
സംസ്ഥാന സെക്രട്ടേറിയറ്റിലെ അണ്ടർ സെക്രട്ടറി റാങ്കിന് തുല്യമാണ് കെഎഎസിലെ ആദ്യ നിയമനത്തിന്റെ റാങ്ക്.[1] തുടക്കത്തിൽ, 29 സർക്കാർ വകുപ്പുകളിലെ രണ്ടാമത്തെ ഗസറ്റഡ് തസ്തികകൾ കെഎഎസിനായി സംവരണം ചെയ്തിരുന്നു.[2] ഐഎഎസിനുള്ള ഫീഡർ വിഭാഗമായി കണക്കാക്കുന്ന കെഎഎസിലെ ഉദ്യോഗസ്ഥർക്ക് 10 വർഷത്തെ സർവീസ് പൂർത്തിയാക്കി കഴിവ് തെളിയിച്ചാൽ ഐഎഎസ് കേഡറിൽ പ്രവേശിക്കാം.[1]
ചരിത്രം
തിരുത്തുകകേരള സംസ്ഥാന രൂപീകരണം മുതൽ ഭരണപരിഷ്കാര കമ്മീഷനുകൾ കേരള അഡ്മിനിസ്ട്രേറ്റീവ് സർവീസ് രൂപീകരിക്കാൻ നിർദ്ദേശിക്കുന്നു. 2016 ലെ കേരള നിയമസഭാ തെരഞ്ഞെടുപ്പിലെ എൽഡിഎഫ് പ്രകടനപത്രികയിലെ ഏറ്റവും പ്രധാനപ്പെട്ട വാഗ്ദാനങ്ങളിലൊന്നായിരുന്നു കെഎഎസ്. [3] തുടർന്ന് വന്ന അടുത്ത എൽഡിഎഫ് സർക്കാരാണ് ഇത് നടപ്പാക്കുന്നത്. 2018 ജനുവരി 1 [4] മുതൽ കെഎഎസ് നിലവിൽ വന്നു. ഒന്നാം പിണറായി സർക്കാരിന്റെ പ്രധാന നേട്ടങ്ങളിലൊന്നായി ഇത് കണക്കാക്കപ്പെടുന്നു. [5]
ലക്ഷ്യം
തിരുത്തുകഭരണം കൂടുതൽ കാര്യക്ഷമമാക്കുന്നതിന് ആധുനിക സാങ്കേതിക വിദ്യയുടെ സാധ്യതകൾ പ്രയോജനപ്പെടുത്തുന്നതിന് പുതിയ തലമുറയിലെ ഉദ്യോഗസ്ഥരെ സൃഷ്ടിക്കുക എന്നതാണ് കേരള അഡ്മിനിസ്ട്രേറ്റീവ് സർവീസിന്റെ പ്രഖ്യാപിത ലക്ഷ്യം. [6] കർശനമായ രണ്ട് ഘട്ട പരീക്ഷയിലൂടെ കഴിവുള്ള ഉദ്യോഗാർത്ഥികളെ കണ്ടെത്തി റിക്രൂട്ട് ചെയ്തുകൊണ്ട് സർക്കാർ സർവീസിലെ മിഡിൽ ലെവൽ മാനേജ്‌മെന്റിന്റെ കാര്യക്ഷമത മെച്ചപ്പെടുത്താനാണ് സർക്കാർ ലക്ഷ്യമിടുന്നത്. [7] കെ എ എസിലെ 18 മാസത്തെ പരിശീലനത്തിന്റെ ആദ്യ വർഷം പ്രീ-സർവീസ് പരിശീലനമാണ്, തുടർന്നുള്ള ആറ് മാസത്തെ പരിശീലനം സർവീസിൽ പ്രവേശിച്ചതിന് ശേഷം പ്രൊബേഷൻ പൂർത്തിയാക്കുന്നതിന് മുമ്പ് നടത്തണം. [8] സർക്കാർ സംവിധാനത്തിന്റെ രണ്ടാം നിരയിൽ പ്രൊഫഷണലുകളുടെ ഗണ്യമായ കുറവുമൂലം സർക്കാർ പദ്ധതികളുടെ ലക്ഷ്യസാക്ഷാത്കാരത്തിന് തടസ്സം നിൽക്കുന്നത് ഒഴിവാക്കാനുള്ള വഴിയാണ് കെഎഎസിലൂടെ സർക്കാർ തേടുന്നത്. [6]
തിരഞ്ഞെടുക്കൽ
തിരുത്തുകകേരള പബ്ലിക് സർവീസ് കമ്മീഷൻ നടത്തുന്ന ഏറ്റവും ഉയർന്ന തലത്തിലുള്ള പരീക്ഷയാണ് കേരള അഡ്മിനിസ്ട്രേറ്റീവ് സർവീസ് പരീക്ഷ. താഴെ വിവരിച്ചിരിക്കുന്ന 3 സ്ട്രീമുകളിൽ ഏതെങ്കിലുമൊരു വഴിയിലൂടെയാണ് തിരഞ്ഞെടുക്കുന്നത്: [9]
- സ്ട്രീം-1: നേരിട്ടുള്ള റിക്രൂട്ട്മെന്റ്
- സ്ട്രീം-2: അംഗീകൃത പ്രൊബേഷണർമാരിൽ നിന്നോ കേരള സർക്കാരിന്റെ വിവിധ വകുപ്പുകളിൽ വിജയകരമായി പ്രൊബേഷൻ പൂർത്തിയാക്കിയ അംഗങ്ങളിൽ നിന്നോ നേരിട്ടുള്ള റിക്രൂട്ട്മെന്റ്.
- സ്ട്രീം-3: 2018-ൽ പ്രസിദ്ധീകരിച്ച കേരള അഡ്മിനിസ്ട്രേറ്റീവ് സർവീസ് സ്‌പെഷ്യൽ റൂളിലെ ഷെഡ്യൂൾ 1-ൽ പരാമർശിച്ചിരിക്കുന്ന സർക്കാർ വകുപ്പുകളിൽ ആദ്യ ഗസറ്റഡ് തസ്‌തികയോ അതിനു മുകളിലോ ഉള്ള അല്ലെങ്കിൽ ഷെഡ്യൂൾ 1-ൽ പറഞ്ഞിരിക്കുന്ന പൊതുവിഭാഗങ്ങളിൽ തത്തുല്യ തസ്തികയിലുള്ള സർക്കാർ ജീവനക്കാരിൽ നിന്നുള്ള നേരിട്ടുള്ള റിക്രൂട്ട്മെന്റ്.
വിമർശനങ്ങളും വിവാദങ്ങളും
തിരുത്തുകകേരള അഡ്മിനിസ്ട്രേറ്റീവ് സർവീസ് ഓഫീസർമാരുടെ അടിസ്ഥാന ശമ്പളമായ 81,800 രൂപയ്‌ക്കെതിരെ ഇന്ത്യൻ അഡ്മിനിസ്ട്രേറ്റീവ് സർവീസ് (ഐഎഎസ്) ഉദ്യോഗസ്ഥർ പ്രതിഷേധിച്ചു. [10] മന്ത്രിസഭാ തീരുമാനം പുനഃപരിശോധിക്കണമെന്നാവശ്യപ്പെട്ട് കേരള ഐഎഎസ് ഓഫീസേഴ്‌സ് അസോസിയേഷനും ഐപിഎസ്, ഐഎഫ്എസ് അസോസിയേഷനുകളുടെ കേരള ഘടകവും മുഖ്യമന്ത്രിക്ക് കത്ത് നൽകി. [10] കെഎഎസ് ഉദ്യോഗസ്ഥരുടെ ഉയർന്ന ശമ്പളം ജില്ലാ ഭരണകൂടത്തിൽ പ്രശ്നങ്ങൾ സൃഷ്ടിക്കുമെന്ന് അവർ കത്തിൽ ചൂണ്ടിക്കാട്ടി. [10]
സ്ഥലംമാറ്റത്തിലൂടെയുള്ള നിയമനങ്ങളിൽ സംവരണം ഏർപ്പെടുത്താനുള്ള സർക്കാർ നീക്കത്തിനെതിരെയും പ്രതിഷേധമുയർന്നിട്ടുണ്ട്. കേരള അഡ്മിനിസ്ട്രേറ്റീവ് സർവീസിലെ തസ്തികമാറ്റത്തിലൂടെയുള്ള നിയമനങ്ങളിൽ സംവരണം ഏർപ്പെടുത്താനുള്ള സർക്കാർ നീക്കത്തെ ചോദ്യം ചെയ്ത് സമസ്ത നായർ സമാജവും ഏതാനും ഉദ്യോഗസ്ഥരും സമർപ്പിച്ച ഹർജികൾ 2020-ൽ കേരള ഹൈക്കോടതി ഡിവിഷൻ ബെഞ്ച് തള്ളി. [11]
അവലംബം
തിരുത്തുക- ↑ 1.0 1.1 "Kerala Administrative Service starts functioning, advice memo for first batch of recruits". OnManorama.
- ↑ "Kerala govt likely to include more departments under KAS". OnManorama.
- ↑ "കേരള അഡ്മിനിസ്ട്രേറ്റീവ് സർവീസ് യാഥാർത്ഥ്യമാക്കാൻ കഴിഞ്ഞത് ചരിത്ര നേട്ടം: എ വിജയരാഘവൻ". Deshabhimani. Retrieved 2022-05-22.
- ↑ "Kerala to Get a New Administrative Services Cadre in 2018. Here Are the Details!". The Better India (in ഇംഗ്ലീഷ്). 2017-12-29. Retrieved 2022-05-22.
- ↑ praveena. "Kas: കെഎഎസുകാർക്ക് മൂന്നുമാസമായി ശമ്പളമില്ല ; പ്രതിസന്ധിക്ക് കാരണം ധനവകുപ്പിന്റെ തൊടുന്യായങ്ങൾ". Asianet News Network Pvt Ltd. Retrieved 2022-05-22.
- ↑ 6.0 6.1 "കെ.എ.എസ്: ഒരുങ്ങാം, കേരളത്തിന്റെ സ്വന്തം സിവിൽ സർവീസ് പരീക്ഷയ്ക്ക്". Mathrubhumi Archives (in ഇംഗ്ലീഷ്). Retrieved 2022-05-22.
- ↑ Oct 9, TNN / Updated:; 2021; Ist, 07:47. "Kerala Administrative Service: 105 toppers to get advice memo on November 1 | Thiruvananthapuram News - Times of India". The Times of India (in ഇംഗ്ലീഷ്). Retrieved 2022-05-22.
{{cite web}}:|last2=has numeric name (help)CS1 maint: extra punctuation (link) CS1 maint: numeric names: authors list (link) - ↑ നെറ്റ്‌വർക്ക്, റിപ്പോർട്ടർ (2021-12-01). "കേരള അഡ്മിനിട്രേറ്റീവ് സർവ്വീസ്: അടിസ്ഥാന ശമ്പളം 81,800 രൂപയായി നിശ്ചയിച്ച് മന്ത്രിസഭായോഗം". www.reporterlive.com. Archived from the original on 2022-08-15. Retrieved 2022-05-22.
- ↑ "KAS, കേരളത്തിന്റെ IAS". ManoramaOnline. Retrieved 2022-05-22.
- ↑ 10.0 10.1 10.2 "KAS vs IAS| കെഎഎസുകാർക്ക് അടിസ്ഥാന ശമ്പളം 81,800 രൂപ; എതിർപ്പുമായി ഐഎഎസ്, ഐപിഎസ് ഉദ്യോഗസ്ഥർ". News18 Malayalam. 2021-12-03. Retrieved 2022-05-22.
- ↑ "കെഎഎസ്: സർക്കാരിന്റെ സംവരണ നയം ഹൈക്കോടതി ശരിവെച്ചു". Indian Express Malayalam. Retrieved 2022-05-22.