കാരക്കുന്തിരിക്കം

ഡിപ്റ്ററോകാർപേസീ സസ്യകുടുംബത്തിലെ ഒരു മരമാണ് കാരക്കുന്തിരിക്കം. (ശാസ്ത്രീയനാമം: Shorea tumbuggaia). ഇന്ത്യയിലെ തദ്ദേശവാസിയാണ്. ആന്ധ്രയിലെ ചിറ്റൂർ ജില്ലയിലെ ശേഷാചലം, വേലിഗോണ്ട എന്നിവിടങ്ങളിലും തമിഴ്‌നാട്ടിലെ ചിലയിടങ്ങളിലും വ്യാപകമായി കാണാറുണ്ട്. ഈ വൃക്ഷം വംശനാശഭീഷണി നേരിടുന്നുണ്ട്.

കാരക്കുന്തിരിക്കം
പരിപാലന സ്ഥിതി
വംശനാശത്തിന്റെ വക്കിൽ  (IUCN 2.3)
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Malvales
Family:	Dipterocarpaceae
Genus:	Shorea
Species:	S. tumbuggaia
Binomial name
Shorea tumbuggaia Roxb.

ഉപയോഗങ്ങൾ

തടിക്കും ഔഷധാവശ്യങ്ങൾക്കുമായി നശിപ്പിക്കപ്പെടുന്ന ഈ മരം മരപ്പണികൾക്ക് ഉത്തമമാണ്. ഇതിൽ നിന്നും കിട്ടുന്ന ഉൽപ്പന്നം ചെവി വേദനക്ക് ഉത്തമമാണത്രേ. അൾസറിനെതിരെ തഒലി ഉപയോഗിക്കുന്നു. സുഗന്ധമുള്ള ഒരു പശ ഈ മരത്തിൽ നിന്നും ലഭിക്കുന്നുണ്ട്.

വംശനാശഭീഷണി

തടിക്കും മരത്തിൽ നിന്നും ലഭിക്കുന്ന പശയ്ക്കുമായി വലിയതോതിൽ ഈ മരം നശിപ്പിക്കപ്പെടുന്നുണ്ട്. ഇപ്പോഴും നിയന്ത്രണമില്ലാതെ ഈ രീതി തുടരുന്നു. വ്യാവസായികമായ ആവശ്യം ഇതിന്റെ തടിക്കും എണ്ണയ്ക്കും കൂടുതലാണ്. സ്വാഭാവിക പുനരുദ്ഭവം കുറവുമാണ്. (M.R. Bhanja, APCCF, pers. comm. 2015). പ്രധാനമായി ഈ മരം കാണുന്ന പ്രദേശത്തിന്റെ വിസ്തീർണ്ണം വെറും 150 ചതുരശ്രകിലോമീറ്ററും കാണപ്പെടുന്ന് ഇടങ്ങളുടേ വ്യാപ്തി 1500 ചതുരശ്രകിലോമീറ്ററും ആണ്. ഇതു രണ്ടും അനുദിനം കുറഞ്ഞുകൊണ്ടിരിക്കുകയുമാണ്. കഴിഞ്ഞ 40-50 വർഷത്തിനിടയിൽ കാരക്കുന്തിരിക്കത്തിന്റെ എണ്ണം 40 ശതമാനത്തോളം കുറയുകയുമുണ്ടായി.

സ്രോതസ്സുകൾ

• Ashton, P. 1998. Shorea tumbuggaia. 2006 IUCN Red List of Threatened Species. Downloaded on 23 August 2007.
• http://www.iucnredlist.org/details/32105/0

പുറത്തേക്കുള്ള കണ്ണികൾ

• കൂടുതൽ വിവരവും കാണുന്ന ഇടങ്ങളും

• Media related to Shorea tumbuggaia at Wikimedia Commons
• Shorea tumbuggaia എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.