കരിക്കകം

തിരുവനന്തപുരം കോർ‍പ്പറേഷനിലെ 15-ആം വാർഡും നഗരത്തിൽ നിന്നും ഏകദേശം 7 കിലോമീറ്ററിനുള്ളിൽ പാർവതി പുത്തനാറിന് സമീപത്ത് സ്ഥിതിചെയ്യുന്ന ഒരു ഗ്രാമപ്രദേശവുമാണ്‌ കരിക്കകം. തിരുവനന്തപുരം ജില്ലയിലെ പ്രസിദ്ധ ഭഗവതീ ക്ഷേത്രമായ കരിക്കകം ശ്രീ ചാമുണ്ഡി ക്ഷേത്രം ഇവിടെ സ്ഥിതിചെയ്യുന്നു.

കരിക്കകം ചാമുണ്ഡീ ദേവീക്ഷേത്രം, തിരുവനന്തപുരം

ഗതാഗതം

തിരുവനന്തപുരം നഗരകേന്ദ്രമായ കിഴക്കേക്കോട്ടയിൽ നിന്നും കെ.എസ്.ആർ.ടി.സിയുടെ ബസുകളും ചില സ്വകാര്യ ബസുകളും ഈ പ്രദേശത്തേക്ക് സർവ്വീസ് നടത്തുന്നു.

• ഏറ്റവും അടുത്ത റെയിൽവേ സ്റ്റേഷൻ - തിരുവനന്തപുരം കൊച്ചുവേളി.
• ഏറ്റവും അടുത്ത വിമാനത്താവളം- തിരുവനന്തപുരം അന്താരാഷ്ട്ര വിമാനത്താവളം - കരിക്കകത്തിന്‌ അടുത്തായി സ്ഥിതിചെയ്യുന്നു.
• ഏറ്റവും അടുത്ത വിനോദസഞ്ചാര കേന്ദ്രം- വേളി ടൂറിസ്റ്റ് വില്ലേജ്
• നാഷണൽ ഹൈവേ തൊട്ടടുത്തുകൂടി കടന്നുപോകുന്നു

വിദ്യാഭ്യാസം

സർക്കാർ ഉടമസ്ഥതയിലുള്ള ചാക്ക ഐ.റ്റി.ഐ., ആൾ സെയിന്റ്സ് വനിതാ കോളേജ്, ഗവ. ഹൈസ്ക്കൂൾ കരിക്കകം, കരിക്കകം ചാമുണ്ഡീ ക്ഷേത്രട്രസ്റ്റിനു കീഴിൽ പ്രവർത്തിക്കുന്ന സി.ബി.എസ്സി. വിദ്യാലയം എന്നിവ ഈ പ്രദേശത്തും സമീപത്തുമായി സ്ഥിതിചെയ്യുന്നു.

ആശുപത്രി

• ഗവ. ഹോമിയോ ആശുപത്രി, കരിക്കകം