ആന്റിഫീഡന്റ്

വിഷാംശം അല്ലെങ്കിൽ അരുചിയിലൂടെ സസ്യഭുക്കുകളെ തുരത്താൻ സസ്യങ്ങൾ ഉത്പാദിപ്പിക്കുന്ന ജൈവ സംയുക്തങ്ങളാണ് ആന്റിഫീഡന്റുകൾ. ഈ രാസ സംയുക്തങ്ങളെ സാധാരണയായി ദ്വിതീയ മെറ്റബോളൈറ്റുകളായി തരംതിരിക്കുന്നു, കാരണം അവ സസ്യങ്ങളുടെ ഉപാപചയത്തിന് അത്യന്താപേക്ഷിതമല്ല പകരം അവ സസ്യങ്ങൾക്ക് ദീർഘായുസ്സ് നൽകുന്നു. ആന്റിഫീഡന്റുകൾ ജൈവകീടനാശിനികളായി ഉപയോഗിക്കാറുണ്ട്. ഉദാഹരണങ്ങളിൽ മരങ്ങൾക്കെതിരായ ആക്രമണത്തെ തടയുന്ന റോസിൻ, പ്രത്യേക പ്രാണികൾക്ക് വളരെ വിഷാംശമുള്ള നിരവധി ആൽക്കലോയിഡുകൾ എന്നിവ ഉൾപ്പെടുന്നു.

സസ്യഭുക്കുകളെ തടയാൻ ചില സസ്യങ്ങൾ സയനൈഡ് പുറത്തുവിടുന്ന സംയുക്തമായ അമിഗ്ഡലിൻ ഉത്പാദിപ്പിക്കുന്നു.

ലിമോണിൻ പോലെയുള്ള ലിമോണോയിഡുകൾ കുക്കുർബിറ്റേസീ റൂട്ടേസീ, മീലിയേസീ എന്നീ കുടുംബങ്ങളിലെ നിരവധി സസ്യങ്ങൾ ഉത്പാദിപ്പിക്കുന്ന ആന്റിഫീഡന്റുകളാണ്.

ചരിത്രം

"സസ്യങ്ങളിൽ നിന്ന് ലഭിക്കുന്ന കീടനാശിനികൾ (ഉദാ., റോട്ടനോൺ, വെരാട്രിഡിൻസ്, പൈറെത്രിൻസ്, നിക്കോട്ടിൻ ) പ്രാചീനകാലം മുതൽ കീട നിയന്ത്രണത്തിനായി ഉപയോഗിച്ചിരുന്നു." ഈ ചെടികളിലെ സജീവ ഘടകങ്ങൾ ശുദ്ധീകരിക്കുകയും പരിഷ്ക്കരിക്കുകയും ചെയ്തിട്ടുണ്ട്. ഉദാഹരണത്തിന്, പൈറെത്രൈനിൽ നിന്നും പൈറെത്രോയിഡുകൾ എന്നറിയപ്പെടുന്ന ധാരാളം സിന്തറ്റിക് കീടനാശിനികൾ സൃഷ്ടിച്ചിട്ടുണ്ട്.

പാചക ഉപയോഗങ്ങൾ

ചെടിയെ ആക്രമണങ്ങളിൽ നിന്നു പ്രതിരോധിക്കുന്നതിലെ അവയുടെ പങ്ക് കൂടാതെ, ആന്റിഫീഡന്റുകൾ പലപ്പോഴും രുചിയോ മണമോ നൽകുകയും ചില ചെടികളുടെ സ്വാദ് വർദ്ധിപ്പിക്കുകയും ചെയ്യുന്നു. കടുക്, കാബേജ്, പോലെയുള്ള ക്രൂസിഫറസ് പച്ചക്കറികൾ ഉദാഹരണങ്ങൾ ആണ്, സസ്യവസ്തുക്കൾ ചവയ്ക്കുകയോ മുറിക്കുകയോ മറ്റെന്തെങ്കിലും തരത്തിൽ കേടുപാടുകൾ വരുത്തുകയോ ചെയ്യുമ്പോൾ അവ ഗ്ലൂക്കോസിനോലേറ്റുകൾ അടങ്ങിയ തീവ്രമായ എണ്ണകൾ പുറത്തുവിടുന്നു. വെളുത്തുള്ളിയിലെ ദുർഗന്ധം വമിക്കുന്ന ഘടകങ്ങൾ പ്രാണികളെ തടയാൻ പരിണമിച്ചതായി കരുതപ്പെടുന്നു.

• ആൻറി ഫീഡന്റുകളുടെ ഉറവിടങ്ങൾ ആയി അറിയപ്പെടുന്ന സാധാരണ സസ്യങ്ങൾ
• 
  പച്ച വെളുത്തുള്ളി, അത് മുറിക്കുമ്പോൾ അല്ലിൻ പുറത്തുവിടുന്നു
• 
  നിക്കോട്ടിൻ ഉത്പാദിപ്പിക്കുന്ന പുകയില ചെടി
• 
  ക്രിസന്തമം പൂക്കൾ, അതിൽ പൈറെത്രിൻ കാണപ്പെടുന്നു
• 
  മുറിക്കുമ്പോൾ അല്ലൈൽ ഐസോത്തിയോസയനേറ്റ് പുറത്തുവിടുന്ന ഹോഴ്സ്റാഡിഷ് സസ്യങ്ങൾ