നിസാം
1719 മുതൽ ഹൈദരാബാദ് രാജ്യം ഭരിച്ചിരുന്ന അസഫ് ജാ രാജവംശത്തിലെ ഭരണാധികാരികളുടെ സ്ഥാനപ്പേരാണ്‌ നിസാം (ഉർദ്ദു: نظام ), നിസാം-ഉൾ-മുൽക് എന്നതിന്റെ ചുരുക്കരൂപമാണ്‌ നിസാം എന്നത്. മുഗൾ സാമ്രാജ്യത്തിനു കീഴിൽ 1713 മുതൽ 1721 വരെ ഡെക്കാൻ പ്രദേശത്തിന്റെ മാൻസബ്ദാറായിരുന്ന മിർ ഖമർ-ഉദ്-ദീൻ സിദ്ദിഖിയാണ്‌ ഈ രാജവംശത്തിന്റെ സ്ഥാപകൻ. 1724 ഇദ്ദേഹം അസഫ് ജാ എന്ന സ്ഥാനപ്പേര് വംശപ്പേരായി സ്വീകരിച്ചു. ആദ്യമൊക്കെ മുഗൾ ചക്രവർത്തിയുടെ പ്രതിനിധിയായി നിലകൊണ്ടെങ്കിലും മുഗൾ സാമ്രാജ്യം ക്ഷയിക്കാൻ തുടങ്ങിയതോടെ അസഫ് ജാ ഹൈദരാബാദിന്റെ സ്വതന്ത്ര ഭരണാധികാരിയായി മാറി.
The Nizam of Hyderabad | |||||||||
|---|---|---|---|---|---|---|---|---|---|
| 1720–1948 | |||||||||
 പതാക | |||||||||
| തലസ്ഥാനം | Hyderabad | ||||||||
| പൊതുവായ ഭാഷകൾ | Dakhni , later Urdu | ||||||||
| ഗവൺമെൻ്റ് | Monarchy | ||||||||
• 1720-1748 | അസഫ്_ജാ_ഒന്നാമൻ | ||||||||
• 1869-1911 | Mahbub Ali Khan, Asaf Jah VI | ||||||||
• 1911-1948 | ഉസ്മാൻ അലി ഖാൻ, ആസാഫ് ജാ VII | ||||||||
| ചരിത്രം | |||||||||
• സ്ഥാപിതം | 1720 | ||||||||
| 1948 | |||||||||
| വിസ്തീർണ്ണം | |||||||||
| 500,000 കി.m2 (190,000 ച മൈ) | |||||||||
| |||||||||
ദക്ഷിണേന്ത്യയിൽ ഏകദേശം പന്ത്രണ്ടര കോടി ഏക്കർ വിസ്തൃതമായ രാജ്യത്തിന്റെ അധിപരായിരുന്ന നിസാമുകൾ ലോകത്തിൽത്തന്നെ എറ്റവും ധനികരായവരിൽ ഒരു കൂട്ടരായിരുന്നു. 1947-ൽ ഇന്ത്യ സ്വതന്ത്രമാകുന്നതു വരെ ഏകദേശം രണ്ടു നൂറ്റാണ്ടു കാലം ഏഴു നിസാമുകൾ ഹൈദരാബാദ് ഭരിച്ചു. 1948-ൽ ഹൈദരാബാദ്, ഇന്ത്യൻ യൂണിയനിൽ ചേർക്കുന്നതു വരെ നിസാം ഭരണം നിലനിന്നു.
വംശചരിത്രം
തിരുത്തുകമുഗൾ സിംഹാസനം കരസ്ഥമാക്കാൻ ഔറംഗസേബ് നടത്തിയ പല യുദ്ധങ്ങളിലും വീരസാഹസികത പ്രകടിപ്പിച്ച ഹാജി നവാബ് ക്വാജാ അബീദ് സിദ്ധിഖിയുടെ പൗത്രനും മീർ സഹാബുദ്ദീൻ സിദ്ദിഖിയുടെ പുത്രനുമാണ് മിർ ഖമർ-ഉദ്-ദീൻ സിദ്ദിഖി. പിതാമഹനും പിതാവും ഔറംഗസേബിന്റെ വിശ്വസ്ത സേനാനായകന്മാരായിരുന്നു. മിർ ഖമർ-ഉദ്-ദീൻ സിദ്ദിഖിയും ഔറംഗസേബിന്റെ പ്രത്യേക പ്രീതിക്ക് പാത്രമായിരുന്നു. ഖമർ-ഉദ്-ദീൻ എന്ന പേർ നൽകിയത് ഔറംഗസേബ് ആണത്രെ.ഇവരെക്കുറിച്ച് രസകരമായ ഒരു കഥയുണ്ട്.ഒരിക്കൽ റോൾ റോയിസ് കാർ വാങ്ങാൻ ചെന്ന നൈസാമിനെ അതിന്റെ വില ചോദിച്ചപ്പോൾ കാർ കച്ചവടക്കാരൻ പരിഹസിക്കുകയും അതിന്റെ ദേഷ്യത്തിൽ ആ കാർ വാങ്ങി അതിന്മേൽ ചൂല് കെട്ടി നഗരം വൃത്തിയാക്കുകയും ചെയ്തതായി പറയപ്പെടുന്നു.മാത്രവുമല്ല ലോകത്തെ എറ്റവും വില കൂടിയ ഡയമണ്ട് ഇവർ പേപ്പർ വെയ്റ്റായി ഉപയോഗിച്ചിരുന്നു.
നിസാം ഉൾ മുൽക്ക്, അസഫ് ജാ പദവികൾ
തിരുത്തുകമുഗൾ ദർബാറിലെ തുറാനിസംഘത്തിൻറെ മുഖ്യ നേതാക്കളിൽ ഒരാളായിരുന്നു മിർ ഖമർ-ഉദ്-ദീൻ സിദ്ദിഖി. 1713-ൽ മുഗൾ സാമ്രാട്ട് ഫറൂഖ് സിയാർ ഡക്കാൻ പ്രദേശത്തെ 6 പ്രവിശ്യകളുടെ അധികാരവും അതോടൊപ്പം പ്രാദേശിക ഭരണാധികാരി എന്നർത്ഥം വരുന്ന നിസാം ഉൾ മുൽക്ക് എന്ന പദവിയും സിദ്ദിഖിക്ക് നൽകി. പിന്നീട് വന്ന മുഗൾ സാമ്രാട്ട് മുഹമ്മദ് ഷായാണ്, അസഫ് ജാ [൧] എന്ന പദവി നൽകിയത്. മിർ ഖമർ-ഉദ്-ദീൻ സിദ്ദിഖി, നിസാം എന്നത് തൻറെ സ്ഥാനപ്പേരായും അസഫ് ജാ എന്നത് വംശപ്പേരായും സ്വീകരിച്ച് ഹൈദരാബാദും ചുറ്റുവട്ടങ്ങളും ഭരിച്ചു.
രാജ്യാതിർത്തികൾ
തിരുത്തുകനിസാം ഉൾ മുൽക്കിന് ഫറൂഖ് സിയാർ ഭരണാധികാരം നൽകിയ ഡക്കാനിൽ 6 സൂബകളാണുണ്ടായിരുന്നത്: ഖണ്ഡേശ്,ഔറംഗബാദ്,ബേരാർ, ബീഡാർ, ബീജാപ്പൂർ, ഹൈദരാബാദ്. എന്നാൽ മറാഠ ശക്തികളുമായി നിത്യേനയെന്നോണം ഉണ്ടായിരുന്ന ബലപരീക്ഷണങ്ങളിൽ സൂബകളുടെ കൈവശാവകാശം മാറിക്കൊണ്ടേയിരുന്നു. എങ്കിലും ഹൈദരാബാദ് നഗരം എന്നും നിസാമിൻറെ തലസ്ഥാനമായി നിലനിന്നു.
ബാഹ്മിനി സാമ്രാജ്യം വിച്ഛിന്നമായപ്പോൾ രൂപം കൊണ്ട ഗോൽക്കൊണ്ട രാജ്യമാണ് ഹൈദരാബാദ് രാജ്യത്തിൻറെ മൂലരൂപം.കൃഷ്ണാ ഗോദാവരി നദികൾക്കിടക്കുളള ഫലഭൂയിഷ്ടമായ ഗോൽക്കൊണ്ട രാജ്യത്തിൻറെ തലസ്ഥാനമായിരുന്നു ഗോൽക്കൊണ്ട നഗരി. എന്നാൽ 1589-ൽ, അന്നത്തെ ഭരണാധികാരി മുഹമ്മദ് കുലി കുത്തുബ് ഷാ തലസ്ഥാനം അല്പം ദൂരെയുളള ഭാഗ്യനഗറിലേക്ക് മാറ്റി. ഭാഗ്യനഗറാണ് പിന്നീട് ഹൈദരാബാദ് ആയത്. ഡക്കാൻ പൂർണ്ണമായും, (ഗോൽക്കൊണ്ട രാജ്യമടക്കം) മുഗൾ സാമ്രാട്ടിൻറെ അധീനതയിലായത് 1681 മുതൽ 1686 വരെ നിണ്ടുനിന്ന ഔറംഗസേബിൻറെ നേതൃത്വത്തിലുണ്ടായ സൈനിക നടപടികളിലൂടെയാണ്. ഗോൽക്കൊണ്ട കോട്ട കീഴടക്കുന്നതിൽ അസഫ് ജാ ഒന്നാമൻറെ പിതാമഹനും പിതാവും പ്രധാന പങ്കു വഹിച്ചു. യുദ്ധത്തിൽ മാരകമായി മുറിവേറ്റ പിതാമഹൻ നിര്യാതനായി.
പിൻഗാമികൾ
തിരുത്തുകഅസഫ് ജാ I എന്ന പേരിൽ മിർ ഖമർ-ഉദ്-ദീൻ സിദ്ദിഖി 1721 മുതൽ 1748 വരെ ( മരണം വരെ) ഭരിച്ചു. 1748 മേയ് 21നു ബുർഹാൻപൂരിൽ വച്ച് നിര്യാതനാകുമ്പോൾ വയസ്സ് 77. അദ്ദേഹത്തിന് 6 പുത്രന്മാരും 7 പുത്രിമാരും ഉണ്ടായിരുന്നു. ഇവരിൽ അഞ്ചു പുത്രന്മാരുടേയും ഒരു പുത്രിയുടേയും പേരു കൾ മാത്രമേ ലഭ്യമായിട്ടുളളു. 1.സാഹബ്സാദ മീർ ഗാസി ഉദ്ദീൻ ഖാൻ സിദ്ദിഖി ( ഫിറോസ് ജംഗ് ) 2.സാഹബ്സാദ് മീർ അഹ്മദ് അലി ഖാൻ സിദ്ദിഖി ബഹാദൂർ, (നസീർ ജംഗ്) 3.സാഹബ്സാദ സയ്യദ് മൊഹമ്മദ് ഖാൻ സിദ്ദിഖി ബഹാദൂർ,(സലബത് ജംഗ്) 4.സാഹബ്സാദ മീർ നിസാം അലി ഖാൻ സിദ്ദിഖി ബഹാദൂർ,(ഫതേ ജംഗ്) 5.സാഹബ്സാദ മീർ മൊഹമ്മദ് ഷരീഫ് ഖാൻ സിദ്ദിഖി ബഹാദൂർ,(ബസലത് ജംഗ്). പുത്രി സാഹബ്സാദി ഖൈറുന്നീസാ ബേഗം
അസഫ് ജാ ഒന്നാമൻറെ മരണ ശേഷം അധികാരമോഹികളായിരുന്ന പിൻഗാമികൾ തമ്മിൽ വടംവലിയായി. മൂന്നു പേരായിരുന്നു ഈ മത്സരത്തിൽ പ്രമുഖർ പുത്രന്മാർ നസീർ ജംഗും,സലബത് ജംഗും ദൗഹിത്രൻ മുസ്സാഫർ ജംഗും. മുഗൾ ദർബാറിൽ മന്ത്രിയായിരുന്ന മൂത്ത മകൻ ഫിറോസ് ജംഗും ഭാഗ്യപരീക്ഷണത്തിന് മുതിർന്നെങ്കിലും ആ ശ്രമം വിഫലമായി. 12 വർഷക്കാലം നീണ്ടുനിന്ന ഈ കുടുംബകലഹസമയത്ത് ഇവരെ മൂന്നു പേരേയും അംഗീകരിക്കാൻ മുഗൾ സാമ്രാട്ട് തയ്യാറായില്ല. അതുകൊണ്ട് അസഫ് ജാ എന്ന ഔദ്യോഗിക പദവി അവർക്ക് ലഭ്യമായില്ല.
അസഫ് ജാഹി ഭരണാധികാരികൾ (1724-1948)
തിരുത്തുക| Image | സ്ഥാനപ്പേര് | യഥാർത്ഥ പേര് | ജനനം | നിസാം വാഴ്ച തുടക്കം | നിസാം വാഴ്ച അവസാനം | മരണം |
|---|---|---|---|---|---|---|
 |
നിസാം ഉൾ മുൽക്ക്, അസഫ് ജാ I نظامالملک آصف جاہ |
മീർ ഖമർ-ഉദ്-ദീൻ ഖാൻ | 20 ഓഗസ്റ്റ് 1671 | 31 ജൂലൈ 1720 | 1 ജൂൺ 1748 | |
 |
നസീർ ജംഗ് نصیرجنگ |
മീർ അഹമദ് അലി ഖാൻ | 26 ഫെബ്രുവരി 1712 | 1 ജൂൺ 1748 | 16 ഡിസംബർ 1750 | |
 |
മുസ്സാഫർ ജംഗ് مظفرجنگ |
മീർ ഹിദായത് മുഹ്യിദ്ദീൻ സാദുളള ഖാൻ | ? | 16 ഡിസംബർ 1750 | 13 ഫെബ്രുവരി 1751 | |
| |
സലബത് ജംഗ് صلابت جنگ |
മീർ സായിദ് മുഹമ്മദ് ഖാൻ | 24 നവംബർ 1718 | 13 ഫെബ്രുവരി 1751 | 8 ജൂലൈ 1762 (സ്ഥാനനഷ്ടം) |
16 സെപ്റ്റംബർ 1763 |
 |
നിസാം ഉൾ മുൽക്ക്, അസഫ് ജാ II نظامالملک آصف جاہ دوم |
മീർ നിസാം അലി ഖാൻ | 7 മാർച്ച് 1734 | 8 ജൂലൈ 1762 | 6 ഓഗസ്റ്റ് 1803 | |
 |
സിക്കന്ദർ ജാ, അസഫ് ജാ III سکندر جاہ ،آصف جاہ تریہم |
മീർ അക്ബർ അലി ഖാൻ | 11 നവംബർ 1768 | 6 ഓഗസ്റ്റ് 1803 | 21 മേയ് 1829 | |
 |
നസീർ ഉദ്ദൗള, അസഫ് ജാ IV ناصر الدولہ ،آصف جاہ چارہم |
മീർ ഫർക്കുന്ദ അലി ഖാൻ | 25 ഏപ്രിൽ 1794 | 21 മേയ് 1829 | 16 മേയ് 1857 | |
 |
അഫ്സൽ ഉദ്ദൗള, അസഫ് ജാ V افضال الدولہ ،آصف جاہ پنجم |
മീർ തഹ്നിയാത് അലി ഖാൻ | 11 ഒക്ടോബർ 1827 | 16 മേയ് 1857 | 26 ഫെബ്രുവരി 1869 | |
 |
അസഫ് ജാ VI آصف جاہ شیشم |
മഹ്ബൂബ് അലിഖാൻ | 17 ഓഗസ്റ്റ് 1866 | 26 ഫെബ്രുവരി 1869 | 29 ഓഗസ്റ്റ് 1911 | |
 |
അസഫ് ജാ VII آصف جاہ ہفتم |
മീർ ഒസ്മാൻ അലി ഖാൻ | 6 ഏപ്രിൽ 1886 | 29 ഓഗസ്റ്റ് 1911 | 17 സെപ്റ്റംബർ 1948 (സ്ഥാനനഷ്ടം) |
24 ഫെബ്രുവരി 1967 |
നാമ മാത്രരായ നിസാമുകൾ(1948 മുതൽ)
തിരുത്തുക| Image | പദവി | പേര് | ജനനം | തുടക്കം | അവസാനം | മരണം |
|---|---|---|---|---|---|---|
| അസഫ് ജാ VII آصف جاہ ہفتم |
മീർ ഒസ്മാൻ അലി ഖാൻ | 6 ഏപ്രിൽ 1886 | 17 സെപ്റ്റംബർ 1948 | 24 ഫെബ്രുവരി 1967 | ||
 |
മുക്കറം ജാ, അസഫ് ജാ VIII مکرم جاہ ،آصف جاہ ہشتم |
മീർ ബർഖത് അലി ഖാൻ | 6 ഒക്ടോബർ 1933 | 24 ഫെബ്രുവരി 1967 | ജീവിച്ചിരിപ്പുണ്ട് | |
ഇതും കാണുക
തിരുത്തുകഅവലംബം
തിരുത്തുക- Mughal Administration of Deccan Under Nizamul Mulk Asaf Jah, 1720-48 A.D.By M. A. Nayeem, Indian Council of Historical Research, University of Poona, Dept. of History [1]
- Sastri, Srinivasa (1975). Advanced History of India. New Delhi: Allied Publishers Pvt. Ltd.
- http://www.maharashtra.gov.in/pdf/gazeetter_reprint/History-III/chapter_8.pdf
|
ഇന്ത്യൻ ചരിത്രത്തെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
[[വർഗ്ഗം::ഹൈദരാബാദ് (നാട്ടുരാജ്യം)]]