അല്ലു അർജുൻ

അല്ലു അർജുൻ
അല്ലു അർജുൻ
	അല്ലു അർജുൻ, 2015 ജൂൺ മാസം 62-ാമത് ഫിലിംഫെയർ ദക്ഷിണേന്ത്യൻ പുരസ്കാരചടങ്ങിൽ പങ്കെടുത്തപ്പോൾ
ജനനം	8 ഏപ്രിൽ 1982 (40 വയസ്സ്); ചെന്നൈ, തമിഴ്നാട്, ഇന്ത്യ
ദേശീയത	ഇന്ത്യൻ
മറ്റ് പേരുകൾ	ബണ്ണി, മല്ലു അൎജുൻ
തൊഴിൽ	നടൻ, നിർമ്മാതാവ്, നർത്തകൻ, പിന്നണി ഗായകൻ
സജീവ കാലം	2001–ഇപ്പോഴും
ജീവിതപങ്കാളി(കൾ)	സ്നേഹ റെഡ്ഡി (m. 2011)
കുട്ടികൾ	2
മാതാപിതാക്ക(ൾ)	അല്ലു അരവിന്ദ് (പിതാവ്); നിൎമ്മല (മാതാവ്);
ബന്ധുക്കൾ	അല്ലു രാമലിംഗയ്യ (പിതാമഹൻ); അല്ലു സിരീഷ് (അനുജൻ); ചിരഞ്ജീവി, പവൻ കല്യാൺ (ചിറ്റപ്പന്മാർ); റാംചരൺ തേജ;

അല്ലു അർജുൻ തെലുഗു ചലച്ചിത്ര അഭിനേതാവാണ്. 1983 ഏപ്രിൽ 08 ന്‌ ചെന്നൈയിൽ ജനനം. മൊഴിമാറ്റ ചിത്രങ്ങളിലൂടെ മലയാളികൾക്കിടയിലും സുപരിചിതനാണ് അല്ലു അർജുൻ. ഇപ്പോൾ കേരളത്തിൽ ധാരാളം അല്ലു അർജുൻ ഫാൻസ്‌ ക്ലബ്ബുകൾ നിലവിലുണ്ട്.^{[അവലംബം ആവശ്യമാണ്]} മല്ലു അർജുൻ എന്നാണ് കേരളീയര് അല്ലു അർജുനേ വിളിക്കുന്നത്.

ഇദ്ദേഹത്തിന് 2 ഫിലിംഫെയർ പുരസ്കാരങ്ങൾ ലഭിച്ചിട്ടുണ്ട്. പരുഗുവിലേയും വേദത്തിലേയും പ്രകടനങ്ങൾക്ക് ഒരു "CineMAA" പുരസ്കാരവും രണ്ട് "നന്ദി" പുരസ്കാരവും ലഭിച്ചിട്ടുണ്ട്.

ജീവചരിത്രംതിരുത്തുക

ജനനം, കുടുംബംതിരുത്തുക

1983 ഏപ്രിൽ 08 ന്‌ തെലുങ്കിലെ പ്രശസ്ത ചലച്ചിത്രനിർമ്മാതാവായ അല്ലു അരവിന്ദിന്റെയും ഗീതയുടെയും രണ്ടാമത്തെ മകനായി ചെന്നൈയിൽ ജനനം. ഇദ്ദേഹത്തിന്‌ ഒരു ജ്യേഷ്ഠനും (അല്ലു വെങ്കിടേഷ്) അനുജനുമുണ്ട് (അല്ലു സിരീഷ്). തെലുഗു ചലച്ചിത്ര മേഖലയിൽ വളരെയധികം സ്വാധീനമുള്ള കുടുംബത്തിലാണ് അല്ലു അർജുന്റെ ജനനം. മുത്തച്ഛൻ അല്ലു രാമലിംഗയ്യ തെലുങ്കിലെ പ്രശസ്തനായ ഹാസ്യതാരമായിരുന്നു. അമ്മാവന്മാരായ ചിരഞ്ജീവിയും പവൻ കല്യാണും തെലുങ്കിലെ പ്രശസ്ത അഭിനേതാക്കളാണ്. അദ്ദേഹത്തിന്റെ കസിൻ (ചിരഞ്ജീവിയുടെ മകൻ) രാം ചരൺ തേജയും തെലുങ്കിലെ നടനാണ്. 2011 മാർച്ച് 6 ന് അദ്ദേഹം സ്നേഹ റെഡ്ഡിയെ വിവാഹം ചെയ്തു.^[1]

വിദ്യാഭ്യാസംതിരുത്തുക

ചെന്നൈയിലെ സെന്റ്. പാട്രിക് സ്കൂളിൽ നിന്നും സ്കൂൾ വിദ്യാഭ്യാസം പൂർത്തിയാക്കിയ അല്ലു അർജുൻ ഹൈദരാബാദിലെ എം. എസ്. ആർ. കോളേജിൽ നിന്നും ബി. ബി. എ. ബിരുദം നേടി.

സിനിമാജീവിതംതിരുത്തുക

ആദ്യ കാല ചിത്രങ്ങൾതിരുത്തുക

വിജേത എന്ന ചിത്രത്തിൽ ബാലതാരമായാണ് അല്ലു അർജുന്റെ സിനിമാ പ്രവേശനം. അമ്മാവനായ ചിരഞ്ജീവിയുടെ ഡാഡി എന്ന ചിത്രത്തിൽ ഒരു ഗാനരംഗത്ത് മാത്രമായി അല്ലു അർജുൻ അഭിനയിച്ചിരുന്നു.

2003 - 2006തിരുത്തുക

അല്ലു അർജുൻ നായകനായുള്ള ആദ്യ ചലച്ചിത്രം കെ. രാഘവേന്ദ്ര റാവു സംവിധാനം ചെയ്ത ഗംഗോത്രി(സിംഹകുട്ടി) ആണ്. 2003 ൽ ഇത് പുറത്തിറങ്ങി. ആദ്യ ചിത്രം തന്നെ ശരാശരി വിജയം നേടി. അതോടൊപ്പം എം. എം. കീരവാണിയുടെ ഗാനങ്ങളും ശ്രദ്ധിക്കപ്പെട്ടു.^[2] അല്ലു അർജുന്റെ അഭിനയ ജീവിതത്തിലെ വഴിത്തിരിവ് എന്ന് പറയാവുന്ന ആര്യ എന്ന ചിത്രം 2004 ൽ പുറത്തിറങ്ങി. ദിൽ രാജു ആയിരുന്നു ഈ ചിത്രത്തിന്റെ നിർമ്മാതാവ്. സുകുമാർ ആണ് ആര്യ സംവിധാനം ചെയ്തത്. ഈ ചിത്രം വളരെ വലിയൊരു വിജയം നേടി.^[3] യുവാക്കൾക്കിടയിൽ അദ്ദേഹത്തിന്‌ ധാരാളം ആരാധകരെ നേടിക്കൊടുക്കാൻ ഈ ചിത്രത്തിനു കഴിഞ്ഞു. ഇപ്പോഴും അദ്ദേഹത്തിന്റെ ആരാധകരിൽ ഭൂരിഭാഗവും യുവാക്കൾ തന്നെയാണ്. ദേവി ശ്രീ പ്രസാദ് ഈണം നൽകിയ ഗാനങ്ങളും ഈ ചിത്രത്തിന്റെ വിജയത്തിൽ നിർണ്ണായക പങ്ക് വഹിച്ചു.

2005 ൽ മൂന്നാമത്തെ ചിത്രമായ ബണ്ണി പുറത്തിറങ്ങി. ഇതും ഒരു വിജയമായിരുന്നു. നാലാമത്തെ ചിത്രമായ ഹാപ്പി 2006 ൽ പുറത്തിറങ്ങി. കരുണാകരനായിരുന്നു ആ ചിത്രത്തിന്റെ സംവിധായകൻ. ആ ചിത്രം ബോക്സ് ഓഫീസിൽ ഒരു വലിയ വിജയം ആയിരുന്നു കേരളത്തിൽ 160 ലും കൂടുതൽ ദിവസം ഓടിയ സിനിമ അല്ലു അർജുൻ നു കേരളത്തിൽ ഒരു വലിയ ഫാൻ ബേസ് സൃഷ്ടിച്ചു, .^[4] എന്നാൽ അമേരിക്കയിലെ ഇന്ത്യൻ സിനിമാശാലകളിൽ ഈ ചിത്രം ശരാശരി വിജയം നേടി.

2007 മുതലുള്ള ചിത്രങ്ങൾതിരുത്തുക

2007 ൽ അഞ്ചാമത്തെ ചിത്രമായ ദേശമുഡുരു(ഹീറോ) പുറത്തിറങ്ങി. ആ ചിത്രം സംവിധാനം ചെയ്തത് പുരി ജഗന്നാഥ് ആയിരുന്നു. ആ ചിത്രം മികച്ച വിജയം നേടി.^[5] ടോളിവുഡിലെ ആ വർഷത്തെ ആദ്യ വിജയവുമായിരുന്നു ഈ ചിത്രം.^[6] പുറത്തിറങ്ങിയ ആഴ്ചയിൽ തന്നെ ഈ ചിത്രം ₹12.58 കോടി ഗ്രോസ് നേടി. അദ്ദേഹത്തിന്റെ അഭിനയ ജീവിതത്തിലെ തന്നെ ഏറ്റവുമധികം ശേഖരിച്ച ചിത്രവുമായിരുന്നു ഇത്. അതേ വർഷം തന്നെ അമ്മാവനായ ചിരഞ്ജീവി നായകനായി അഭിനയിച്ച ശങ്കർദാദ സിന്ദാബാദ് എന്ന ചിത്രത്തിൽ അതിഥി താരമായി അല്ലു അർജുൻ എത്തി.

2008 മെയ് ൽ ആറാമത്തെ ചിത്രമായ പരുഗു(കൃഷ്ണ) പുറത്തിറങ്ങി. ഈ ചിത്രം സംവിധാനം ചെയ്തത് ഭാസ്കർ ആയിരുന്നു. ഈ ചിത്രത്തിന് മിശ്ര പ്രതികരണമാണ് പ്രേക്ഷകരിൽ നിന്ന് ലഭിച്ചത്. ഈ ചിത്രത്തിലെ അഭിനയത്തിന് അദ്ദേഹത്തിന് തെലുങ്കിലെ മികച്ച നടനുള്ള ഫിലിംഫെയർ പുരസ്കാരം ലഭിച്ചു.^[7] ഈ പുരസ്കാരം ആദ്യമായായിരുന്നു ഇദ്ദേഹത്തിന് ലഭിച്ചത്.

2004 ൽ പുറത്തിറങ്ങിയ ആര്യ എന്ന ചിത്രത്തിന്റെ തുടർച്ചയായി ആര്യ 2 എന്ന പേരിൽ 2009 ൽ അദ്ദേഹത്തിന്റെ അടുത്ത ചിത്രം പുറത്തിറങ്ങി. ആര്യ സംവിധാനം ചെയ്ത സുകുമാർ തന്നെയാണ് ആര്യ 2 എന്ന ചിത്രവും സംവിധാനം ചെയ്തത്. ആദ്യ ചിത്രം പോലെ ബോക്സ് ഓഫീസിൽ ഒരു ചലനമുണ്ടാക്കാൻ ഈ ചിത്രത്തിനായില്ല. ഈ ചിത്രത്തിനും പ്രേക്ഷകരിൽ നിന്ന് മിശ്ര പ്രതികരണമാണ് ലഭിച്ചത്. ഈ ചിത്രം ഒരു ശരാശരി വിജയമായിരുന്നു.

2010 ൽ ഗുണശേഖർ സംവിധാനം ചെയ്ത വരുഡു എന്ന വലിയ ബഡ്ജറ്റ് ചിത്രം പുറത്തിറങ്ങി. അദ്ദേഹത്തിന്റെ സിനിമാജീവിതത്തിലെ മൂന്നാമത്തെ നിരാശയായിരുന്നു ഈ ചിത്രം. 18 കോടി രൂപ ചെലവ് ചെയ്ത് നിർമ്മിച്ച ഈ ചിത്രം ടോളിവുഡിലെ തന്നെ ഏറ്റവും വലിയ പരാജയങ്ങളിലൊന്നായിരുന്നു.

വരുഡുവിന് ശേഷം അദ്ദേഹം വേദം എന്ന ഒരു ബഹുതാര ചിത്രം ചെയ്തു. 2010 ൽ തന്നെ പുറത്തിറങ്ങിയ ആ ചിത്രം സംവിധാനം ചെയ്തത് രാധാ കൃഷ്ണ ജഗർലാമുഡി (ക്രിഷ്) ആയിരുന്നു. തെലുങ്കിലെ മികച്ച നടനുള്ള ഫിലിംഫെയർ പുരസ്കാരം രണ്ടാം തവണ അദ്ദേഹം ഈ ചിത്രത്തിലൂടെ നേടി. ആ ചിത്രത്തിൽ അദ്ദേഹത്തോടൊപ്പം മനോജ് കുമാർ, അനുഷ്ക മുതലായ മുൻനിരതാരങ്ങൾ അഭിനയിച്ചു. ആ ചിത്രം വളരെ നല്ല അഭിനന്ദനങ്ങൾ നേടി. ധാരാളം ചലച്ചിത്രസംബന്ധ വെബ് സൈറ്റുകളിൽ ഈ ചിത്രം 3.5 / 5 എന്ന് റേറ്റ് ചെയ്യപ്പെട്ടു. അഭിനയജീവിതത്തിലെ തന്റെ ഏറ്റവും നല്ല പ്രകടനം അല്ലു അർജുൻ ആ ചിത്രത്തിൽ നടത്തി. വേദം സാധാരണ ജനങ്ങളിൽ നിന്നും നല്ല പ്രതികരണം ഏറ്റുവാങ്ങി. നിരൂപകപ്രശംസ നേടാനും ആ ചിത്രത്തിന് കഴിഞ്ഞു.

2011 ൽ വി.വി. വിനായക് സംവിധാനം ചെയ്ത ബദ്രിനാഥ് എന്ന ചിത്രത്തിൽ അഭിനയിച്ചു. ഗീത ആർട്സിന്റെ ബാനറിൽ അല്ലു അർജുന്റെ അച്‌ഛനായ അല്ലു അരവിന്ദാണ് ചിത്രം നിർമ്മിച്ചത്. ₹40 കോടിയായിരുന്നു ചിത്രത്തിന്റെ നിർമ്മാണച്ചെലവ്. പ്രദർശനത്തിനെത്തിയ ആദ്യ ദിനം തന്നെ ആ ചിത്രം ₹6.5 കോടി ശേഖരിച്ചു. അല്ലു അർജുന്റെ ചലച്ചിത്രജീവിതത്തിലെ ഏറ്റവും നല്ല ആദ്യ ദിന കളക്ഷനായിരുന്നു അത്. ത്രിവിക്രം ശ്രീനിവാസിനോടൊപ്പം ജൂലായ് ആയിരുന്നു അല്ലുവിന്റെ അടുത്ത ചിത്രം.

മാധ്യമങ്ങളിൽതിരുത്തുക

7UP ശീതളപാനീയത്തിന്റെ ആന്ധ്രാപ്രദേശിലെ ബ്രാന്റ് അംബാസിഡറായി അല്ലു അർജുൻ കരാറിലേർപ്പെട്ടു.^[8]

അഭിനയിച്ച ചലച്ചിത്രങ്ങൾതിരുത്തുക

വർഷം	ചിത്രം	കഥാപാത്രം	സംവിധായകൻ	പുരസ്കാരങ്ങളും മറ്റും	മലയാളത്തിൽ
1985	വി ജേത	വെങ്കടേഷ്	എ.കോദംഡരാമി റെഡ്ഡി	ബാലതാരം
2002	ഡാഡി	ഗോപി	സുരേഷ് കൃഷ്ണ	അതിഥി താരം
2003	ഗംഗോത്രി	സിംഹാദ്രി	കെ.രാഘവേന്ദ്ര റാവു		സിംഹക്കുട്ടി
2004	ആര്യ	ആര്യ	സുകുമാർ	മികച്ച യുവ താരത്തിനുള്ള സന്തോഷം പുരസ്കാരം പ്രത്യേക ജൂറി പരാമർശം - നന്ദി പുരസ്കാരം	ആര്യ
2005	ബണ്ണി (തെലുഗ്: బన్ని, ബന്നി)	രാജാ / ബണ്ണി	വി.വി.വിനായൿ	മികച്ച യുവ താരത്തിനുള്ള സന്തോഷം പുരസ്കാരം	ബണ്ണി
2006	ഹാപ്പി (തെലുഗ്: హ్యాపి, ഹ്യാപി)	ബണ്ണി	എ.കരുണാകരൻ		ഹാപ്പി
2007	ദേശമുദുരു	ബാല ഗോവിന്ദ്	പുരി ജഗന്നാഥ്		ഹീറോ ത റിയൽ ഹീറോ
2007	ശങ്കർദാദ സിന്ദാബാദ്		പ്രഭു ദേവ	അതിഥി താരം
2008	പരുഗു (തെലുഗ്: పరుగు)	കൃഷ്ണ	ഭാസ്കർ	തെലുങ്കിലെ മികച്ച നടനുള്ള ഫിലിം ഫെയർ പുരസ്കാരം പ്രത്യേക ജൂറി പരാമർശം - നന്ദി പുരസ്കാരം മികച്ച നടനുള്ള CineMAA പുരസ്കാരം	കൃഷ്ണ
2009	ആര്യ 2	ആര്യ	സുകുമാർ		ആര്യ 2
2010	വരുഡു	സന്ദീപ്	ഗുണശേഖർ		വരൻ
2010	വേദം	കേബിൾ രാജു	ക്രിഷ്	തെലുങ്കിലെ മികച്ച നടനുള്ള ഫിലിം ഫെയർ പുരസ്കാരം	കില്ലാടി
2011	ബദ്രിനാഥ്	ബദ്രിനാഥ്	വി.വി.വിനായൿ		ബദ്രിനാഥ്
2012	ജൂലായി	രവീന്ദ്ര നാരായൺ (രവി‌)	ത്രിവിക്രം ശ്രീനിവാസ്		ഗജപോക്കിരി
2013	ഇദ്ദരമ്മായിലതോ	സഞ്ജു റെഡ്ഡി	പുരി ജഗന്നാഥ്		റോമിയോ & ജൂലിയറ്റ്സ്
2014	എവഡു (തെലുഗ്: ఎవడు)	സത്യ	വംശി പൈഡിപള്ളി	അതിഥി താരം	ഭയ്യാ
	റേസ് ഗുറ്രം (തെലുഗ്: రేసుగుర్రం, രേസ് ഗുര്രം)	ലക്ഷ്മൺപ്രസാദ് / ലക്കി	സുരേന്ദർ റെഡ്ഡി		ലക്കി
	ഐ ആം ദാറ്റ് ചെയ്ഞ്ച്	(സ്വയം)	സുകുമാർ	ഹ്രസ്വചിത്രം
2015	S/O സത്യമൂർത്തി	വിരാജ് ആനന്ദ്	ത്രിവിക്രം ശ്രീനിവാസ്		സൺ ഓഫ് സത്യമൂർത്തി
2015	രുദ്രമദേവി (തെലുഗ്: రుద్రమదేవి)	ഗോന ഗന്നാ റെഡ്ഡി	ഗുണശേഖർ		രുദ്രമാദേവി
2016	ശരൈനോടു (തെലുഗ്: సరైనోడు, സരൈനോഡു)	ഗണാ	ബോയപാട്ടി ശ്രീനു		യോദ്ധാവ്
2017	ധുവ്വാഡ ജഗന്നാഥം	ജഗന്നാഥ ശാസ്ത്രി	ഹരീഷ് ഷങ്കർ		ധ്രുവരാജ ജഗനാഥ്
2018	നാ പേരു സൂര്യ നാ ഇല്ലു ഇംഡിയാ	സൂര്യ	വക്കത്താനം വംശി		എന്റെ പേര് സൂര്യ എന്റെ വീട് ഇന്ത്യ
2020	അല... വൈകുണ്ഠപുരമുലോ... (തെലുഗ്: అల... వైకుంఠపురములో..., അല... വൈകുംഠപുരമുലോ...)	ബണ്ടു	ത്രിവിക്രം ശ്രീനിവാസ്		അങ്ങ്... വൈകുണ്ഠപുരത്ത്.. മൊഴിമാറ്റ ചിത്രങ്ങൾതിരുത്തുക തെലുങ്കിലെ അഭിനേതാവാണെങ്കിലും മൊഴിമാറ്റ ചിത്രങ്ങളിലൂടെ കേരളത്തിലും സുപരിചിതനാണ് അല്ലു അർജുൻ. അവസാനം തെലുങ്കിൽ പുറത്തിറങ്ങിയ വേദം എന്ന ചിത്രമൊഴികെ മറ്റെല്ലാ ചിത്രങ്ങളും മൊഴിമാറ്റി മലയാളത്തിലിറങ്ങിയിട്ടുണ്ട്. ആര്യ എന്ന ചിത്രം മൊഴിമാറ്റി 2003 ൽ കേരളത്തിൽ പുറത്തിറങ്ങി. മൊഴിമാറ്റ ചിത്രങ്ങളുടെ ചരിത്രം തിരുത്തിക്കുറിച്ച ഒരു ചിത്രമായിരുന്നു അത്. ആ ചിത്രം കേരളത്തിൽ അദ്ദേഹത്തിന് ധാരാളം ആരാധകരെ നേടിക്കൊടുത്തു. 2007 ൽ ഹാപ്പി, ഹീറോ, ബണ്ണി എന്നീ ചിത്രങ്ങൾ പുറത്തിറങ്ങി. തെലുങ്കിലെ ദേശമുഡുരു എന്ന ചിത്രത്തിന്റെ മൊഴിമാറ്റ പതിപ്പായിരുന്നു ഹീറോ. 2008 ൽ പരുഗു എന്ന ചിത്രം കൃഷ്ണ എന്ന പേരിൽ മൊഴിമാറ്റിയെത്തി. ആ ചിത്രത്തിന് വളരെ നല്ല പ്രതികരണമാണ് കേരളത്തിൽ നിന്ന് ലഭിച്ചത്. 2009 ൽ ഗംഗോത്രി എന്ന ചിത്രം സിംഹക്കുട്ടി എന്ന പേരിൽ പുറത്തിറക്കി. ആ ചിത്രം ഒരു പരാജയമായിരുന്നു. 2010 ൽ ആര്യ 2 എന്ന ചിത്രം പുറത്തിറങ്ങി. ആ ചിത്രം ബോക്സ് ഓഫീസിൽ ഭേദപ്പെട്ട പ്രകടനം കാഴ്ചവെച്ചു. അതിനു ശേഷമിറങ്ങിയ വരൻ എന്ന ചിത്രം വരുഡു എന്ന ചിത്രത്തിന്റെ മൊഴിമാറ്റ പതിപ്പായിരുന്നു. ആ ചിത്രം ഒരു പരാജയമായിരുന്നു. വേദം എന്ന ചിത്രത്തിന്റെ മൊഴിമാറ്റ പതിപ്പായ കില്ലാടി ഒക്ടോബറിൽ പുറത്തിറങ്ങി. ആ ചിത്രവും ഒരു പരാജയമായിരുന്നു. അവലംബംതിരുത്തുക ↑ "ആർക്കൈവ് പകർപ്പ്". മൂലതാളിൽ നിന്നും 2011-08-15-ന് ആർക്കൈവ് ചെയ്തത്. ശേഖരിച്ചത് 2011-08-27. ↑ "greatandhra.com". Tollywood 2003 Analysis Hits and Misses. മൂലതാളിൽ നിന്നും 2018-12-24-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: `\|accessdate=` (help) ↑ "idlebrain.com". List of Telugu films released in 2004. ശേഖരിച്ചത് 2007 February 16. Check date values in: `\|accessdate=` (help) ↑ "nonstopcinema.com". Tollywood’s mid-year report card. മൂലതാളിൽ നിന്നും 2007-01-05-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: `\|accessdate=` (help) ↑ "indiaglitz.com". Desamuduru evokes hit talk. ശേഖരിച്ചത് 2007 February 16. Check date values in: `\|accessdate=` (help) ↑ "greatandhra.com". Single Hit till Now in 2007. മൂലതാളിൽ നിന്നും 2007-02-23-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: `\|accessdate=` (help) ↑ Nonstopcinema Box Office - Parugu 9 Days Shares : Telugu movies, tollywood, cinema ↑ "7UP Ad by Arjun news". MK.

[1] "ആർക്കൈവ് പകർപ്പ്". മൂലതാളിൽ നിന്നും 2011-08-15-ന് ആർക്കൈവ് ചെയ്തത്. ശേഖരിച്ചത് 2011-08-27.

[List_of_2003_films-2] "greatandhra.com". Tollywood 2003 Analysis Hits and Misses. മൂലതാളിൽ നിന്നും 2018-12-24-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: |accessdate= (help)

[List_of_Telugu_films-3] "idlebrain.com". List of Telugu films released in 2004. ശേഖരിച്ചത് 2007 February 16. Check date values in: |accessdate= (help)

[Tollywood_Half_Year_Report-4] "nonstopcinema.com". Tollywood’s mid-year report card. മൂലതാളിൽ നിന്നും 2007-01-05-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: |accessdate= (help)

[Desamuduru_hit-5] "indiaglitz.com". Desamuduru evokes hit talk. ശേഖരിച്ചത് 2007 February 16. Check date values in: |accessdate= (help)

[Single_Hit-6] "greatandhra.com". Single Hit till Now in 2007. മൂലതാളിൽ നിന്നും 2007-02-23-ന് ആർക്കൈവ് ചെയ്തത്. ശേഖരിച്ചത് 2007 February 16. Check date values in: |accessdate= (help)

[7] Nonstopcinema Box Office - Parugu 9 Days Shares : Telugu movies, tollywood, cinema

[8] "7UP Ad by Arjun news". MK.

[1]

[2]

[3]

[4]

[5]

[6]

[7]

[8]

അല്ലു അർജുൻ
അല്ലു അർജുൻ, 2015 ജൂൺ മാസം 62-ാമത് ഫിലിംഫെയർ ദക്ഷിണേന്ത്യൻ പുരസ്കാരചടങ്ങിൽ പങ്കെടുത്തപ്പോൾ
ജനനം	(1982-04-08) 8 ഏപ്രിൽ 1982 (40 വയസ്സ്) ചെന്നൈ, തമിഴ്നാട്, ഇന്ത്യ
ദേശീയത	ഇന്ത്യൻ
മറ്റ് പേരുകൾ	ബണ്ണി, മല്ലു അൎജുൻ
തൊഴിൽ	നടൻ, നിർമ്മാതാവ്, നർത്തകൻ, പിന്നണി ഗായകൻ
സജീവ കാലം	2001–ഇപ്പോഴും
ജീവിതപങ്കാളി(കൾ)	സ്നേഹ റെഡ്ഡി (m. 2011)
കുട്ടികൾ	2
മാതാപിതാക്ക(ൾ)	അല്ലു അരവിന്ദ് (പിതാവ്) നിൎമ്മല (മാതാവ്)
ബന്ധുക്കൾ	അല്ലു രാമലിംഗയ്യ (പിതാമഹൻ) അല്ലു സിരീഷ് (അനുജൻ) ചിരഞ്ജീവി, പവൻ കല്യാൺ (ചിറ്റപ്പന്മാർ) റാംചരൺ തേജ