വിഷൻ ഡിസോർഡർ
(Vision disorder എന്ന താളിൽ നിന്നും തിരിച്ചുവിട്ടതു പ്രകാരം)
മനുഷ്യന്റെ കാഴ്ചയെ ബാധിക്കുന്ന തരത്തിലുള്ള വൈകല്യങ്ങളെയാണ് വിഷൻ ഡിസോർഡർ എന്ന് പറയുന്നത്. വിഷൻ ഡിസോർഡറുകൾ മൂലം കാഴ്ച ശക്തിക്ക് സ്ഥായിയായ നഷ്ടം സംഭവിച്ചാൽ അത് കാഴ്ച വൈകല്യം എന്ന് പറയുന്നു.
| വിഷൻ ഡിസോർഡർ | |
|---|---|
_world_map_-_DALY_-_WHO2002.svg) | |
| Disability-adjusted life year for vision disorders (age-related) per 100,000 inhabitants in 2002.[1] no data
less than 100
100–200
200–300
300–400
400–450
450–500
500–600
600–700
700–750
750–800
800–850
more than 850
| |
| സ്പെഷ്യാലിറ്റി | നേത്രവിജ്ഞാനം |
വിഷൻ ഡിസോർഡർ എന്നത് നേത്രരോഗത്തിന് തുല്യമല്ല. പല കാഴ്ച വൈകല്യങ്ങളും കണ്ണുകളുമായി ബന്ധപ്പെട്ടിരിക്കുന്നു. പക്ഷെ, കണ്ണുകളുമായി ബന്ധമില്ലാതെയും (ഉദാഹരണത്തിന് ഒപ്റ്റിക് പാതയിലെ പ്രശ്നങ്ങൾ) കാഴ്ച നഷ്ടങ്ങൾ ഉണ്ടാകാം.
കാരണങ്ങൾ
തിരുത്തുകവിഷൻ ഡിസോർഡറുകൾക്ക് കാരണമാകുന്ന നിരവധി രോഗങ്ങളുണ്ട്. അവയിൽ ചിലത് താഴെ കൊടുക്കുന്നു.
- മാക്യുലാർ ഡീജനറേഷൻ (ARMD): ARMD എന്നത് റെറ്റിന ഡീജനറേഷൻ ഉണ്ടാക്കുന്ന ഒരു രോഗമാണ്. ഇത് മാക്യുലയിലെ രക്തക്കുഴലുകളുമായി പ്രത്യേകമായി ബന്ധപ്പെട്ടിരിക്കുന്നു. ഈ രോഗം കേന്ദ്ര കാഴ്ചയിലെ വൈകല്യത്തിന് കാരണമാകും.[2]
- എക്സോഫ്താൽമോസ്: ഇവിടെ കണ്ണ് അതിന്റെ ഓർബിറ്റിൽ നിന്ന് പുറത്തേക്ക് തള്ളിവരുന്നു, കണ്ണുകൾ തള്ളിവരുന്നത് കണ്ണിന്റെ വരൾച്ച, വേദന, കാഴ്ച നഷ്ടം എന്നിവയിലേയ്ക്ക് നയിച്ചേക്കാം.[3]
- സൈറ്റോമെഗലോവൈറസ് (സി‌എം‌വി) റെറ്റിനൈറ്റിസ്: ഇത് അണുബാധ മൂലമുണ്ടാകുന്ന റെറ്റിനയുടെ വീക്കം ആണ്. ഇത് അന്ധതയ്ക്ക് കാരണമാകും. സാധാരണയായി അക്വയർഡ് ഇമ്മ്യൂണോ ഡെഫിഷ്യൻസി സിൻഡ്രോം (എയ്ഡ്സ്) പോലെ രോഗപ്രതിരോധ ശേഷി കുറഞ്ഞവരിൽ ആണ് ഇത് കാണുന്നത്.[4]
- ഡയബറ്റിക് മാക്കുലാർ എഡിമ (ഡിഎംഇ): പ്രമേഹവുമായി പ്രത്യേകമായി ബന്ധപ്പെട്ട ഒരു നേത്രരോഗമാണ്, രക്തത്തിലെ ഗ്ലൂക്കോസിന്റെ അളവ് കൂടുന്നതിന്റെ ഫലമായി ആണ് ഇത് സംഭവിക്കുന്നത്. ഇത് കാഴ്ച മങ്ങുന്നതിനും, കാഴ്ച നഷ്ടപ്പെടുന്നതിനും കാരണമാകും.[5]
- ഐ ഫ്ലോട്ടറുകളും പാടുകളും: ഒരു വ്യക്തിയുടെ കാഴ്ച മണ്ഡലത്തിൽ ഒഴുകിനടക്കുന്നതോ പൊങ്ങിക്കിടക്കുന്നതായൊ കാണുന്ന വസ്തുക്കളാണ് ഫ്ലോട്ടറുകൾ.[6] ഫ്ലോട്ടറുകളും പാടുകളും സാധാരണയായി വാർദ്ധക്യവുമായി ബന്ധപ്പെട്ടിരിക്കുന്നു. പൊതുവെ നിരുപദ്രവകാരികളായ അവ സാധാരണയായി അന്ധതയ്ക്ക് കാരണമാകില്ല.[7]
- കണ്ണ് മിന്നുന്നത്: ഒരു വ്യക്തിയുടെ കാഴ്ച മണ്ഡലത്തിൽ ദൃശ്യമാകുന്ന ഫ്ലാഷുകൾ, അല്ലെങ്കിൽ പ്രകാശത്തിന്റെ വരകൾ റെറ്റിന ഡിറ്റാച്ച്മെന്റിനെ സൂചിപ്പിക്കുന്നതിനാൽ, വൈദ്യസഹായം ആവശ്യമാണ്.[8]
- ബ്ലിഫറോസ്പാസം: കൺപോള പേശികൾ ക്രമരഹിതമായ അല്ലെങ്കിൽ അസാധാരണമായ രീതിയിൽ ചുരുങ്ങുന്നു. അത്തരം ചലനങ്ങൾ കണ്ണുകളിൽ പ്രകോപിപ്പിക്കലിനും ക്ഷീണത്തിനും കാരണമാകും.[9]
- ഗ്ലോക്കോമ: ഗ്ലോക്കോമ മൂലം കണ്ണിലെ മർദ്ദം വർദ്ധിച്ച് ഒപ്റ്റിക് നാഡി തകരാറിലാകുന്നത് മാറ്റാനാവാത്ത കാഴ്ച നഷ്ടത്തിന് ഇടയാക്കും.[10]
- കെരാറ്റോകോണസ് : കോർണിയ കനം കുറഞ്ഞ് കോണാകൃതിയിൽ തള്ളിവരുന്നതാണ് കെരാറ്റോകോണസ്. ഇത് മൂലം സ്ഥായിയായ കാഴ്ച പ്രശ്നങ്ങൾ ഉണ്ടാകാം.[11]
- യൂവിയൈറ്റിസ്: ഇവിടെ കണ്ണിന്റെ യൂവിയൽ (മധ്യ) പാളി വീക്കം സംഭവിക്കുന്നു. കാഴ്ച മങ്ങൽ, കണ്ണ് വേദന, ഫ്ലോട്ടറുകൾ, കണ്ണ് ചുവപ്പ്, കാഴ്ച നഷ്ടം എന്നിവയ്ക്ക് കാരണമാകുമെന്നതിനാൽ യൂവിയൈറ്റിസിന് അടിയന്തര മെഡിക്കൽ ഇടപെടൽ ആവശ്യമാണ്.[12] [13]
എപ്പിഡെമോളജി
തിരുത്തുകലോകാരോഗ്യ സംഘടനയുടെ 2004 ലെ കണക്ക് പ്രകാരം ലോകമെമ്പാടുമുള്ള 314 ദശലക്ഷം ആളുകൾ കാഴ്ചശക്തി ഇല്ലാത്തവരാണ് (എല്ലാ കാരണങ്ങളാലും), അവരിൽ 45 ദശലക്ഷം പേർ അന്ധരാണ്.[14] കാഴ്ച വൈകല്യങ്ങൾ പലപ്പോഴും പൊതുജനാരോഗ്യ സംരംഭങ്ങളാൽ ടാർഗെറ്റുചെയ്യപ്പെടുന്നില്ല, അവ കൂടുതലും മരണകാരണങ്ങൾക്ക് ആണ് മുൻഗണന നൽകുന്നത്.[15] എന്നിരുന്നാലും, സ്ഥായിയായ കാഴ്ച നഷ്ടങ്ങൾ ഒരു വ്യക്തിയുടെ ജീവിത നിലവാരത്തെ സാരമായി ബാധിക്കും.
ഇതും കാണുക
തിരുത്തുകപരാമർശങ്ങൾ
തിരുത്തുക- ↑ "Mortality and Burden of Disease Estimates for WHO Member States in 2002" (xls). World Health Organization. 2002.
- ↑ "Age-related macular degeneration - EyeWiki". eyewiki.org (in ഇംഗ്ലീഷ്). Retrieved 2020-01-23.
- ↑ "Bulging Eyes – Symptoms and treatments for Bulging Eyes : Bausch + Lomb". www.bausch.com. Retrieved 2020-01-22.
- ↑ "CMV Retinitis - EyeWiki". eyewiki.org (in ഇംഗ്ലീഷ്). Retrieved 2020-01-23.
- ↑ "Diabetic Macular Edema - EyeWiki". eyewiki.org (in ഇംഗ്ലീഷ്). Retrieved 2020-01-23.
- ↑ "Glossary of Common Eye & Vision Conditions". www.aoa.org (in ഇംഗ്ലീഷ്). Retrieved 2020-01-22.
- ↑ "Common Eye Problems and Infections". OnHealth (in ഇംഗ്ലീഷ്). Archived from the original on 2020-03-03. Retrieved 2020-01-22.
- ↑ "Glossary of Common Eye & Vision Conditions". www.aoa.org (in ഇംഗ്ലീഷ്). Retrieved 2020-01-22.
- ↑ "Eyelid Twitching – Causes and Symptoms of Eyelid Twitches : Bausch + Lomb". www.bausch.com. Retrieved 2020-01-22.
- ↑ "Glaucoma Treatment, Symptoms & Diagnosis". Lions Eye Institute (in അമേരിക്കൻ ഇംഗ്ലീഷ്). Retrieved 2020-01-23.
- ↑ "Keratoconus: MedlinePlus Medical Encyclopedia". medlineplus.gov (in ഇംഗ്ലീഷ്). Retrieved 2020-01-23.
- ↑ "Uveitis – Symptoms and Treatments for Uveitis : Bausch + Lomb". www.bausch.com. Retrieved 2020-01-22.
- ↑ "Glossary of Common Eye & Vision Conditions". www.aoa.org (in ഇംഗ്ലീഷ്). Retrieved 2020-01-22.
- ↑ "Global magnitude of visual impairment caused by uncorrected refractive errors in 2004". Bulletin of the World Health Organization. 86 (1): 63–70. January 2008. doi:10.2471/BLT.07.041210. PMC 2647357. PMID 18235892.
- ↑ "Global Inequality in Eye Health: Country-Level Analysis From the Global Burden of Disease Study". American Journal of Public Health. 100 (9): 1784–8. September 2010. doi:10.2105/AJPH.2009.187930. PMC 2920965. PMID 20634443.
പുറം കണ്ണികൾ
തിരുത്തുക| Classification |
|---|