വെങ്കിടങ്ങ്

തൃശ്ശൂർ ജില്ലയിലെ ഒരു ഗ്രാമമാണ് വെങ്കിടങ്ങ്.

വെങ്കിടങ്ങ്
ഗ്രാമം
രാജ്യം	ഇന്ത്യ
സംസ്ഥാനം	കേരളം
ജില്ല	തൃശ്ശൂർ
ജനസംഖ്യ  (2001)
• ആകെ	11,680
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
പിൻ	680510
വാഹന റെജിസ്ട്രേഷൻ	KL-46
അടുത്തുള്ള നഗരം	പാവറട്ടി
ലോകസഭാമണ്ഡലം	തൃശ്ശൂർ
നിയമസഭാമണ്ഡലം	മണലൂർ

സ്ഥിതിവിവരക്കണക്കുകൾ

2001-ലെ ജനസംഖ്യാ കണക്കനുസരിച്ച് ഇവിടുത്തെ ആകെ ജനസംഖ്യ 11,680 ആണ്. അതിൽ 5,441 പേർ പുരുഷന്മരും 6,239 പേർ വനിതകളുമാണ്.

ഐതിഹ്യം

വെങ്കിടങ്ങ് എന്ന പേർ നിലവിൽ വന്നതിന് ചരിത്രപരമായി രേഖകൾ ഇല്ല. വൻകിടങ്ങ് എന്ന വാക്ക് ലോപിച്ച് വെങ്കിടങ്ങ് എന്നായി മാറിയതാണെന്നതാണ് ഒരനുമാനം. പഴയ തലമുറക്കാരുടെ അഭിപ്രായപ്രകാരം ഈ പ്രദേശത്ത് ഒരു വൻകിടങ്ങ് ഉണ്ടായിരുന്നു. അങ്ങനെയാവാം ഇവിടം വൻകിടങ്ങ് എന്നറിയപ്പെടാൻ തുടങ്ങിയതും അതു പിന്നീട് ലോപിച്ച് വെങ്കിടങ്ങ് എന്നായി മാറിയതും. ഒരു ഫ്യുഡൽ വ്യവസ്ഥിതി നിലനിന്നിരുന്ന ഈ ദേശം ചേര രാജാക്കന്മാരുടെ ഭരണത്തിൻ കീഴിലായിരുന്നു. ചേര രാജാക്കന്മാരുടെ സ്ഥാനപ്പേരായ "ആതൻ" എന്നത് ഈ പ്രദേശത്തിലെ നെല്പ്പടങ്ങളുടെ പേരിൽ കാണപ്പെടുന്നു. എലാത, കണ്ണാതാ, പൊണ്ണാത എന്നിവ ഇതിനു ഉദാഹരണങ്ങളാണ്. ഫ്യുഡൽ വ്യവസ്ഥിതിക്ക് തെളിവായി നിരവധി നമ്പൂതിരി മനകൾ ഇവിടെ കാണാം. ചൂനാമന, പടേരിമന, മാന്തറ്റമന, ചേന്നാസ്മന, ഉള്ള്ന്നൂർമന എന്നിവ ഇവയിൽ ചിലതാണ്.