ശ്രീലാൽ ശുക്ല
പ്രശസ്തനായ ഒരു ഹിന്ദി സാഹിത്യകാരനാണ് ശ്രീലാൽ ശുക്ല (ഇംഗ്ലീഷ്:Shrilal Shukla, ഹിന്ദി:श्रीलाल शुक्ल) (31 ഡിസംബർ 1925 - 28 ഒക്ടോബർ 2011). ജ്ഞാനപീഠവും പദ്മഭൂഷണും അടക്കമുള്ള ബഹുമതികൾ ഇദ്ദേഹത്തിന് ലഭിച്ചിട്ടുണ്ട്.
ശ്രീലാൽ ശുക്ല | |
|---|---|
 | |
| ജനനം | 31 ഡിസംബർ 1925 അത്രൗലി, ലക്നൗ ജില്ല, ഉത്തർപ്രദേശ് |
| മരണം | 28 ഒക്ടോബർ 2011 (വയസ്:86) ലക്നൗ, ഉത്തർപ്രദേശ് |
| തൊഴിൽ | നോവലിസ്റ്റ്, കഥാകൃത്ത് |
| ദേശീയത | ഇന്ത്യ |
| Genre | ആക്ഷേപഹാസ്യം |
| അവാർഡുകൾ | ജ്ഞാനപീഠ പുരസ്കാരം സാഹിത്യ അക്കാദമി പുരസ്കാരം പത്മഭൂഷൺ |
ജീവിതരേഖ
തിരുത്തുക1925-ൽ ഉത്തർപ്രദേശിലെ ലക്നൗ ജില്ലയിൽ പെട്ട അത്രൗലി ഗ്രാമത്തിൽ ജനിച്ച ശ്രീലാൽ 1947-ൽ അലഹബാദ് സർവ്വകലാശാലയിൽ നിന്നും ബിരുദം നേടി. 1949-ൽ ഉത്തർപ്രദേശിലെ പ്രവിശ്യാ സിവിൽ സർവ്വീസിൽ (PCS) ജോലിയിൽ പ്രവേശിച്ച ശുക്ലക്ക് പിന്നീട് ദേശീയ സിവിൽ സർവ്വീസിലേക്ക് (IAS) സ്ഥാനക്കയറ്റം ലഭിച്ചു. 1983-ൽ ഔദ്യോഗിക രംഗത്ത് നിന്ന് വിരമിച്ചു.
25-ലധികം കൃതികൾ ഇദ്ദേഹം രചിച്ചിട്ടുണ്ട്. ഇദ്ദേഹത്തിന്റെ കൃതികളെ കൂടുതൽ ശ്രദ്ധേയമാക്കുന്നത് അവയിലെ ആക്ഷേപഹാസ്യമാണ്. സ്വാതന്ത്ര്യലബ്ദിക്ക് ശേഷമുള്ള ഇന്ത്യൻ പൊതുസമൂഹത്തിന്റെ മൂല്യച്യുതികൾ ശുക്ല തന്റെ കൃതികളിലൂടെ എടുത്തുകാട്ടുന്നുണ്ട്. 1957-ലാണ് സൂനി ഘാട്ടി ക സൂരജ് എന്ന നോവൽ പുറത്തു വരുന്നത്. ഇദ്ദേഹത്തിന്റെ ഏറ്റവും ശ്രദ്ധേയമായ കൃതി രാഗ് ദർബാരി ഇംഗ്ലീഷിലും 15 ഇന്ത്യൻ ഭാഷകളിലും പരിഭാഷ ചെയ്യപ്പെട്ടിട്ടുണ്ട്. ആദ്മി ക സഹർ , മക്കാൻ, രാഗ് വിരാഗ് തുടങ്ങിയ നോവലുകളും അഗദ് കി പർവ്വ്, ആവോ ബേയ്ത്ത് ലെയ്ൻ കുച്ചി ദേർ , ഉമ്രാവോനഗർ മേം കുച്ച് ദിൻ തുടങ്ങിയ ആക്ഷേപഹാസ്യകൃതികളും യേ ഗർ മേരാ നഹി, ഇസ്സ് ഉമ്ര് മേം തുടങ്ങിയ കഥാസമാഹാരങ്ങളും ഇദ്ദേഹത്തിന്റേതായിട്ടുണ്ട്[1].[2]
2009-ലെ ജ്ഞാനപീഠ പുരസ്കാരം ഇദ്ദേഹത്തിനും മറ്റൊരു ഹിന്ദി നോവലിസ്റ്റായ അമർകാന്തിനും സംയുക്തമായി നൽകപ്പെട്ടു. 2011 സെപ്തംബർ 19-നാണ് അവാർഡ് പ്രഖ്യാപനമുണ്ടായത്. ദീർഘകാലമായി രോഗബാധിതനായിരുന്ന ശ്രീലാൽ ശുക്ലക്ക് ഒക്ടോബർ18-ന് ആശുപത്രിക്കിടക്കയിൽ വെച്ചാണ് ജ്ഞാനപീഠ പുരസ്കാരം കൈമാറപ്പെട്ടത്.[3] 2011 ഒക്ടോബർ 28-ന് ഇദ്ദേഹം അന്തരിച്ചു.
പുരസ്കാരങ്ങൾ
തിരുത്തുക- ജ്ഞാനപീഠ പുരസ്കാരം (2009)[2]
- പത്മഭൂഷൺ (2009) [4]
- വ്യാസസമ്മാൻ (1999)
- സാഹിത്യ അക്കാദമി പുരസ്കാരം (1969) - രാഗ് ദർബാരി
അവലംബം
തിരുത്തുക- ↑ "കവർസ്റ്റോറി" (in മലയാളം). മാധ്യമം ആഴ്ചപ്പതിപ്പ് ലക്കം 712. 2011 ഒക്ടോബർ 17. Retrieved 2013 മാർച്ച് 27.
{{cite news}}: Check date values in:|accessdate=and|date=(help)CS1 maint: unrecognized language (link) - ↑ 2.0 2.1 "അമർ കാന്തിനും ശ്രീലാൽ ശുക്ലയ്ക്കും കമ്പാറിനും ജ്ഞാനപീഠം, മാതൃഭൂമി". 29 ഒക്ടോബർ 2011. Archived from the original on 2011-09-24. Retrieved 20 സെപ്തംബർ 2011.
{{cite news}}: Check date values in:|accessdate=(help) - ↑ "Jnanpith awardee Shrilal Shukla dead, The Hindu". 29 ഒക്ടോബർ 2011. Retrieved 29 ഒക്ടോബർ 2011.
- ↑ "പദ്മഭൂഷൺ പുരസ്കാര ജേതാക്കളുടെ പട്ടിക, ഇന്ത്യാ ഗവണ്മെന്റ് വെബ്‌സൈറ്റ്". Archived from the original on 2011-08-18. Retrieved 2011-10-29.