സർക്കാരി ഹിരിയ പ്രാഥമിക ശാലെ, കാസർഗോടു

(Sarkari Hi. Pra. Shaale, Kasaragodu, Koduge: Ramanna Rai എന്ന താളിൽ നിന്നും തിരിച്ചുവിട്ടതു പ്രകാരം)

2018-ൽ റിഷബ് ഷെട്ടി എഴുതി നിർമ്മിച്ചു സംവിധാനം ചെയ്ത കന്നഡ ചലച്ചിത്രമാണ് സർക്കാരി ഹിരിയ പ്രാഥമിക ശാലെ, കാസർഗോടു: കൊടുഗേ രാമണ്ണ റായ്. [1] ചിത്രത്തിൽ അനന്ത് നാഗ്, രഞ്ജൻ, സമ്പത്ത്, പ്രമോദ് ഷെട്ടി, സപ്ത പാവൂർ, മഹേന്ദ്ര, സോഹൻ ഷെട്ടി, പ്രകാശ് തുമിനാദ്, മനീഷ് ഹീരൂർ തുടങ്ങിയവർ അഭിനയിക്കുന്നു. ഈ ചിത്രം ബോക്സ് ഓഫീസിൽ ഒരു ബ്ലോക്ക്ബസ്റ്ററായി പ്രഖ്യാപിക്കപ്പെട്ടു. 66-ാമത് ചലച്ചിത്ര ദേശീയ അവാർഡിൽ ഈ ചിത്രം മികച്ച കുട്ടികളുടെ ചിത്രമായി. സപ്തഭാഷാ സംഗമ ഭൂമിയായ കാസർകോടിന്റെ പാശ്ചാത്തലത്തിൽ കുട്ടികളില്ലെന്ന് പറഞ്ഞ് സർക്കാർ സ്‌കൂളുകൾ അടച്ചുപൂട്ടന്നതിനെതിരെ പ്രതിരോധമുയർത്തുന്ന സിനിമയാണ്.[2][3]

സർക്കാരി ഹിരിയ പ്രാഥമിക ശാലെ, കാസർഗോടു
ഔദ്യോദിക പോസ്റ്റർ
സംവിധാനംറിഷബ് ഷെട്ടി
നിർമ്മാണംറിഷബ് ഷെട്ടി
രചനറിഷബ് ഷെട്ടി
കഥറിഷബ് ഷെട്ടി
തിരക്കഥറിഷബ് ഷെട്ടി
അഭിനേതാക്കൾഅനന്ത് നാഗ്
സപ്ത പാവൂർ
മഹേന്ദ്ര
സോഹൻ ഷെട്ടി
പ്രകാശ് തുമിനാദ്
മനീഷ് ഹീരൂർ
സംഗീതംവാസുകി വൈഭവ്
'പശ്ചാത്തല സ്‌കോർ:'
ബി. അജനീഷ് ലോക്നാഥ്
ഛായാഗ്രഹണംഎ. വെങ്കിടേഷ്
സ്റ്റുഡിയോറിഷബ് ഷെട്ടി ഫിലിംസ്
വിതരണംജയന്ന സിനിമ
റിലീസിങ് തീയതി
  • 24 ഓഗസ്റ്റ് 2018 (2018-08-24)
രാജ്യംഇന്ത്യ
ഭാഷകന്നഡ
ബജറ്റ്2 കോടി
ആകെest.20 കോടി

കഥാസാരം തിരുത്തുക

കേരളത്തിലെ കാസർഗോഡ് ജില്ലയിലെ കന്നഡ കൂടുതൽ സംസാരിക്കുന്നചുറ്റുപാടിൽ ഒരുക്കിയ ചിത്രമാണിത്. അവിടെ സർക്കാർ ഉദ്യോഗസ്ഥരിൽ നിന്ന് പണം ലഭിക്കാത്തതിനാൽ ധാരാളം സാമ്പത്തിക ബുദ്ധിമുട്ടുകൾ നേരിടുന്ന ഒരു കന്നഡ മീഡിയം ഗവൺമെന്റ് ഹൈസ്‌കൂളുണ്ട്. അനന്തരഫലമായി, പുസ്തകങ്ങൾ, യൂണിഫോം, അധ്യാപകരുടെ ശമ്പളം, കെട്ടിട അറ്റകുറ്റപ്പണികൾ, പാഠ്യേതര പ്രവർത്തനങ്ങൾ മുതലായ വിവിധ ചെലവുകൾ ഫലത്തിൽ നിലച്ചുകൊണ്ടിരിക്കുകയാണ്. അഴിമതിക്കാരനായ കേരള സർക്കാർ ഉദ്യോഗസ്ഥൻ ബാലകൃഷ്ണ പണിക്കർ മലയാളത്തിന്റെ മേധാവിത്വം സ്ഥാപിക്കാൻ ആഗ്രഹിക്കുന്നതിനാൽ സ്കൂൾ അടച്ചുപൂട്ടാനും പ്രിൻസിപ്പലായ നമ്പ്യാറിനെ ശത്രുതാപരമായി ഉപദ്രവിക്കുകയും ചെയ്യുന്നു. കെട്ടിടം സുരക്ഷിതമല്ലെന്നും പൊളിച്ചുമാറ്റേണ്ടതുണ്ടെന്നും പ്രഖ്യാപിക്കുന്ന ഒരു സർക്കാർ ഉത്തരവിൽ (വായിക്കാതെ) ഒപ്പിടാൻ നമ്പ്യാർ നിർബന്ധിതനാകുന്നു. തുടർന്ന് അദ്ധ്യാപകരും രക്ഷിതാക്കളും കുട്ടികളും സ്കൂൾ മുന്നോട്ട് കൊണ്ടുപോകാൻ നടത്തുന്ന ശ്രമങ്ങളാണ് ചിത്രം പറയുന്നത്.

അഭിനേതാക്കൾ തിരുത്തുക

  • അനന്ത് നാഗ് - അനന്ത പദ്മനാഭൻ പി, ഒരു ക്രിമിനോളജി അധ്യാപകൻ, സാമൂഹിക പ്രവർത്തകൻ
  • രഞ്ജൻ - ഏഴാം ക്ലാസ്സിൽ മൂന്ന് തവണ പരാജയപ്പെട്ട വിദ്യാർത്ഥി പ്രവീന കുമാർ
  • സമ്പത്ത് - ആറാം ക്ലാസിലെ വിദ്യാർത്ഥിയായ മമ്മൂട്ടിയ
  • പ്രമോദ് ഷെട്ടി - പ്രശസ്ത യക്ഷഗാന കലാകാരനും കന്നഡ പ്രവർത്തകനുമായ ശാന്തരാമ ഉപാധ്യായ
  • സപ്ഥ പവൂർപല്ലവി - 7 ഗ്രേഡ് വിദ്യാർത്ഥി
  • റിഷാബ് ഷെട്ടി - മൈസൂരിലെ പോലീസ് ഇൻസ്പെക്ടർ കെമ്പരാജു
  • ബാലകൃഷ്ണ പണിക്കർ - കാസർഗോഡിലെ അസിസ്റ്റന്റ് വിദ്യാഭ്യാസ ഓഫീസർ

നിർമാണം തിരുത്തുക

55 ദിവസത്തിനുള്ളിലാണ് ചിത്രം പൂർത്തിയാക്കിയത്. [4]

ബോക്സ് ഓഫീസ് തിരുത്തുക

സിനിമയ്ക്ക് പ്രേക്ഷകരിൽ നിന്നും നിരൂപകരിൽ നിന്നും നല്ല പ്രതികരണമാണ് ലഭിച്ചത്. 100 ദിവസം തിയേറ്ററുകളിൽ പൂർത്തിയാക്കിയ ഇത് ഒരു ബ്ലോക്ക്ബസ്റ്റർ ഹിറ്റായിരുന്നു.

അവലംബം തിരുത്തുക

  1. "Sudeep to present Rishab Shetty's upcoming children's film". Times of India.
  2. "ദേശീയ ചലച്ചിത്ര പുരസ്കാരം; ചരിത്രംകുറിച്ച് സാൻഡൽവുഡ്" (in ഇംഗ്ലീഷ്). Archived from the original on 2021-03-03. Retrieved 2020-12-01.
  3. "കന്നട മീഡിയം സ്‌കൂളുകളിൽ മലയാളം നിർബന്ധമാക്കിയതിനെ തുടർന്നുള്ള പ്രതിസന്ധികളെ ആസ്പദമാക്കിയ സിനിമ ശ്രദ്ധേയമാകുന്നു | Reporter Live" (in അമേരിക്കൻ ഇംഗ്ലീഷ്). 2018-09-06. Retrieved 2020-1 2-01. {{cite web}}: Check date values in: |access-date= (help); line feed character in |access-date= at position 7 (help)[പ്രവർത്തിക്കാത്ത കണ്ണി]
  4. "Shooting a children's film was a beautiful experience': Rishab Shetty". The New Indian Express.

ബാഹ്യ ലിങ്കുകൾ തിരുത്തുക