സന്തോഷ് പണ്ഡിറ്റ്
ഇന്ത്യൻ ചലച്ചിത്ര നടനും ഗായകനും ഇന്റർനെറ്റിലെ യൂട്യൂബ് വഴി പ്രചരിച്ച ഏതാനും ഗാനങ്ങളിലൂടെ സെലിബ്രിറ്റിയുമായ വ്യക്തിയാണ് സന്തോഷ് പണ്ഡിറ്റ്.[2][3] 2011-ൽ മലയാളികൾക്കിടയിൽ അഭൂതപൂർവ്വവും വ്യത്യസ്തവുമായ പ്രസിദ്ധി സമ്പാദിച്ച ഒരു വ്യക്തിയാണ് അദ്ദേഹം. അദ്ദേഹത്തിന്റെ 2011 ലെ കൃഷ്ണനും രാധയും എന്ന ചിത്രത്തിന് ഏറെ പ്രചാരം ലഭിച്ചിരുന്നു.[4][5]
സന്തോഷ് പണ്ഡിറ്റ് | |
|---|---|
 | |
| ജനനം | സന്തോഷ് പണ്ഡിറ്റ് ഏപ്രിൽ 8, 1973 |
| തൊഴിൽ | നടൻ, സംവിധായകൻ, സംഗീതസംവിധായകൻ, ഗാനരചയിതാവ് |
| സജീവ കാലം | 2011 - |
| മാതാപിതാക്ക(ൾ) | അപ്പുണ്ണി സരോജിനിയമ്മ [1] |
ധാരാളം വിമർശനങ്ങൾക്കും പരിഹാസത്തിനും പാത്രമായ അദ്ദേഹത്തിന്റെ ഈ ഗാനരംഗങ്ങൾ ഉൾപ്പെട്ട കൃഷ്ണനും രാധയും എന്ന മുഴുനീള ചലച്ചിത്രം 2011 ഒക്ടോബർ 21-നു് കേരളത്തിലെ മൂന്നു സിനിമാതീയറ്ററുകളിൽ പണ്ഡിറ്റ് തന്നെ പ്രദർശനത്തിനെത്തിക്കുകയുണ്ടായി[6]. സിനിമ ആദ്യ ഒരാഴ്ച തിയറ്ററിൽ നിറഞ്ഞ സദസ്സിൽ പ്രദർശിപ്പിച്ചതോടുകൂടി ഒരു മലയാളചലച്ചിത്ര അഭിനേതാവും സംവിധായകനും എന്ന നിലയിൽക്കൂടി സന്തോഷ് പണ്ഡിറ്റ്[7][8] പ്രശസ്തനായി[9]. ഈ ചിത്രത്തിൽ ഉൾപ്പെടുത്തിയ പാട്ടുകളുടെ വീഡിയോകൾ, സിനിമ ഇറങ്ങുന്നതിനു മാസങ്ങൾക്കു മുൻപ് തന്നെ യുട്യൂബിലൂടെയും സോഷ്യൽ നെറ്റ്‌വർക്കിംഗ് സൈറ്റുകളിലൂടെയും പ്രചരിക്കുകയും, ആ സമയത്തു് തന്നെ അവയുടെ നിലവാരമില്ലായ്മ ഏറെ ചർച്ച ചെയ്യപ്പെടുകയും ചെയ്തിരുന്നു[8][10]. ഗൂഗിളിന്റെ 2011 നവംബറിലെ കണക്കുപ്രകാരം സന്തോഷ് പണ്ഡിറ്റ് പത്താമതായുള്ള ജനപ്രിയ സെർച്ച് വാക്കാണ് എന്നു രേഖപ്പെടുത്തിയിരിക്കുന്നു [11]
ഉയർന്ന കലാമൂല്യങ്ങൾ ഉണ്ടെന്നവകാശപ്പെടുന്ന മുഖ്യധാരാ സിനിമകളെ വിമർശനാത്മകമായി വീക്ഷിക്കാനും, അത്തരത്തിലുള്ള നിരവധി വായനയ്ക്കും, ചർച്ചകൾക്കും സന്തോഷ് പണ്ഡിറ്റിന്റെ സിനിമകൾ വഴി മരുന്നിട്ടു.[12]
കൃഷ്ണനും രാധയും എന്ന ചിത്രത്തിന്റെ ഛായാഗ്രഹണം ഒഴികെയുള്ള ഒട്ടു മിക്ക പ്രധാന കാര്യങ്ങളും ചെയ്തിരിക്കുന്നത് സന്തോഷ് പണ്ഡിറ്റ് തന്നെയാണ്[7].
വ്യക്തിജീവിതം
തിരുത്തുകകോഴിക്കോട് ജില്ലയിലെ പെരുവണ്ണാമൂഴിയിലാണ് സന്തോഷ് ജനിച്ചത് [13]. ചേലന്നൂർ എ.കെ.കെ.ആർ ഹൈസ്ക്കൂളിലും , ഗവൺമെന്റ് ആർട്ട്സ് കോളേജിലുമായാണ് സന്തോഷ് വിദ്യാഭ്യാസം പൂർത്തിയാക്കിയത്. നവജ്യോത് ഏക മകൻ ആണ്.
ചലച്ചിത്രങ്ങൾ
തിരുത്തുക| ക്രമം | വർഷം | ചിത്രം | സംവിധായകൻ | വേഷം | കുറിപ്പ് |
|---|---|---|---|---|---|
| 1 | 2011 | കൃഷ്ണനും രാധയും | സന്തോഷ് പണ്ഡിറ്റ് | ജോൺ | ഒക്ടോബർ 21-ന് പ്രദർശനത്തിനെത്തി |
| 2 | 2012 | സൂപ്പർസ്റ്റാർ സന്തോഷ് പണ്ഡിറ്റ് | സന്തോഷ് പണ്ഡിറ്റ് | ജിത്തുഭായ് | ഓഗസ്റ്റ് 3-ന് പ്രദർശനത്തിനെത്തി |
| 3 | 2014 | മിനിമോളുടെ അച്ഛൻ | സന്തോഷ് പണ്ഡിറ്റ് | ആദിത്യവർമ്മ | ഫെബ്രുവരി 28-ന് പ്രദർശനത്തിനെത്തി[14] |
| 4 | 2014 | കാളിദാസൻ കവിതയെഴുതുകയാണ് | സന്തോഷ് പണ്ഡിറ്റ് | കലി | |
| 5 | 2016 | ടിൻറുമോൻ എന്ന കോടീശ്വരൻ | സന്തോഷ് പണ്ഡിറ്റ് | ടിൻറുമോൻ | |
| 6 | 2017 | ഒരു സിനിമാക്കാരൻ | |||
| 7 | മാസ്റ്റർപീസ് | കോളജ് ശിപായി | |||
| 8 | നീലിമ നല്ല കുട്ടിയാണ് vs ചിരഞ്ജീവി IPS | സന്തോഷ് പണ്ഡിറ്റ് | ചിരഞ്ജീവി IPS & അനിരുദ്ധ് | ||
| 9 | 2018 | ഉരുക്ക് സതീഷൻ | സന്തോഷ് പണ്ഡിറ്റ് | ചിമ്പുമോൻ | |
| 10 | 2019 | ബ്രോക്കർ പ്രേമചന്ദ്രൻറെ ലീലാവിലാസങ്ങൾ | സന്തോഷ് പണ്ഡിറ്റ് | പ്രേമചന്ദ്രൻ |
ടെലിഫിലിം
തിരുത്തുക- പ്രേമസ്വരൂപനും കൂട്ടുകാരും (സംവിധാനം).
- കല്യാണിയുടെ കല്യാണം (സംവിധാനം)
പുരസ്കാരങ്ങൾ
തിരുത്തുക- 2011 കർമ്മശ്രേഷ്ഠ പുരസ്കാരം - ഏകലവ്യ ചാരിറ്റബിൾ ട്രസ്റ്റ്[15] - ഒരു ചലച്ചിത്രത്തിലെ 8 പ്രധാന ജോലികൾ നിർവ്വഹിച്ചതിനു്.
അവലംബം
തിരുത്തുക- ↑ 1.0 1.1 "മനോരമ ഓൺലൈൻ". അഭിമുഖം. Archived from the original on 2011-11-12. Retrieved 2011 നവംബർ 16.
{{cite web}}: Check date values in:|accessdate=(help) - ↑ Superstar Santhosh Pandit! Archived 2012-02-11 at the Wayback Machine. sify.com. 10 February 2012
- ↑ Srikandath, Sivaram (16 November 2011) The Curious Case of Santosh Pandit. Manorama Online.
- ↑ "Santosh Pandit second in Google Trends list". Archived from the original on 29 October 2012. Retrieved 5 May 2015.
- ↑ Prabhakar, Anu (17 June 2012). "Man behind Kerala's first viral videos, hopes to release a dubbed version". Daily News and Analysis. Retrieved 23 December 2019.
- ↑ "മാതൃഭൂമി: കൃഷ്ണനും രാധയും". മാതൃഭൂമി. Archived from the original on 2011-10-22. Retrieved 2011 ഒക്ടോബർ 26.
{{cite web}}: Check date values in:|accessdate=(help) - ↑ 7.0 7.1 "Santhosh Pandit's success stuns critics". Deccan Chronicle. 2011 ഒക്ടോബർ 24. Archived from the original on 2011-10-24. Retrieved 2011 ഒക്ടോബർ 24.
{{cite news}}: Check date values in:|accessdate=and|date=(help) - ↑ 8.0 8.1 "Audience cheer for Santhosh". ടൈംസ് ഓഫ് ഇന്ത്യ. 2011 ഒക്ടോബർ 24. Archived from the original on 2014-01-06. Retrieved 2011 ഒക്ടോബർ 24.
{{cite news}}: Check date values in:|accessdate=and|date=(help) - ↑ "ഇന്ത്യാ വിഷൻ". Archived from the original on 2011-10-25. Retrieved October 24, 2011.
- ↑ "മലയാള മനോരമ". Archived from the original on 2012-04-20. Retrieved 2011 ഒക്ടോബർ 24.
{{cite web}}: Check date values in:|accessdate=(help) - ↑ "Google Trends Nov 10,2011". Google Inc. Retrieved 2011 നവംബർ 16.
{{cite web}}: Check date values in:|accessdate=(help) - ↑ "പണ്ഡിറ്റ് ചെയ്‌ത പുണ്യങ്ങൾ".[പ്രവർത്തിക്കാത്ത കണ്ണി]
- ↑ "Santhosh Pandit interview in ManoramaOnline.com". Archived from the original on 2011-11-12. Retrieved 2011-11-12.
- ↑ "ആർക്കൈവ് പകർപ്പ്". Archived from the original on 2014-03-11. Retrieved 2014-03-11.
- ↑ "Asianet News Network :: ഒടുവിൽ സന്തോഷ് പണ്ഡിറ്റിന്‌ അവാർഡും". Retrieved 2011 November 10.
{{cite news}}: Check date values in:|accessdate=(help)
പുറത്തേക്കുള്ള കണ്ണികൾ
തിരുത്തുക- ഇന്റർനെറ്റ് മൂവി ഡാറ്റാബേസിൽ നിന്ന് സന്തോഷ് പണ്ഡിറ്റ്
- http://santhoshpandit.blogspot.com സന്തോഷ് പണ്ഡിറ്റിന്റെ ബ്ലോഗ്
|
അഭിനേതാക്കളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |