റിയോ (2011 ചലച്ചിത്രം)
2011 -ൽ പുറത്തിറങ്ങിയ ഒരു അമേരിക്കൻ 3ഡി അനിമേഷൻ കോമഡി ചിത്രമാണ് റിയോ. ബ്ലൂ സ്കൈ സ്‌റ്റുഡിയോസ് നിർമിച്ച ചിത്രത്തിന്റെ സംവിധാനം നിർവഹിച്ചത് കാർലോസ് സാൽദാനയാണ്. കഥ നടക്കുന്ന ബ്രസീലിയൻ നഗരമായ റിയോ ഡി ജനീറോ ആണ് ചലച്ചിത്രത്തിന്റെ പേരിന് ആധാരം.[3] ജെസ്സി എസൻബർഗ്, ആൻ ഹാതവേ, വിലൃം ആഡംസ്, ജേമി ഫോക്സ്, ജോർജ് ലോപസ്, ട്രേസി മോർഗൻ, ലെസ്ലി മാൻ, റോഡ്രിഗോ സാൻറ്റോറൊ തുടങ്ങിയവർ കഥാപാത്രങ്ങൾക്ക് ശബ്ദം നൽകി.[4] വംശനാശം നേരിടുന്ന സ്പിക്സ് മക്കൗ ഇനത്തിൽപ്പെട്ട ബ്ലൂ എന്നും ജൂവൽ എന്നും പേരുള്ള രണ്ടു പക്ഷികളാണ് ചിത്രത്തിന്റെ മുഖ്യകഥാപാത്രങ്ങൾ. ജൂവലുമായി ഇണചേരാനായി റിയോ ഡി ജനീറോ നഗരത്തിൽ എത്തിച്ച ബ്ലൂ അവളുമായി പ്രണയത്തിലാവുകയും ഇരുവരും നൈജൽ എന്ന പക്ഷിയുടെ പിടിയിൽ നിന്ന് രക്ഷപ്പെടുകയും ചെയ്യുന്നു.
| Rio | |
|---|---|
 Theatrical release poster | |
| സംവിധാനം | Carlos Saldanha |
| നിർമ്മാണം | Bruce Anderson John C. Donkin |
| കഥ | Carlos Saldanha Earl Richey Jones Todd Jones |
| തിരക്കഥ | Don Rhymer Joshua Sternin Jeffrey Ventimilia Sam Harper |
| അഭിനേതാക്കൾ | Jesse Eisenberg Anne Hathaway George Lopez Jemaine Clement Leslie Mann will.i.am Jamie Foxx |
| സംഗീതം | John Powell |
| ഛായാഗ്രഹണം | Renato Falcão |
| ചിത്രസംയോജനം | Harry Hitner |
| സ്റ്റുഡിയോ | Blue Sky Studios 20th Century Fox Animation |
| വിതരണം | 20th Century Fox |
| റിലീസിങ് തീയതി |
|
| രാജ്യം | United States |
| ഭാഷ | English Portuguese |
| ബജറ്റ് | $90 million[1] |
| സമയദൈർഘ്യം | 96 minutes |
| ആകെ | $484.6 million[2] |
1995 ൽ റിയോയിൽ ഒരു പെൻഗ്വിൻ റിയോ തീരത്തടിഞ്ഞതിന് ശേഷമാണ് സാൽദാനയുടെ മനസ്സിൽ ചിത്രത്തിന്റെ ആശയം ഉദിച്ചത്. പെൻഗ്വിൻ മുഖ്യകഥാപാത്രങ്ങളായ ഹാപ്പി ഫീറ്റ് (2006), സർഫ്സ് അപ്പ് (2007) തുടങ്ങിയ ചിത്രങ്ങളെക്കുറിച്ചു അറിഞ്ഞപ്പോൾ സാൽദാന കഥയിൽ പെൻഗ്വിന് പകരം മക്കൗകളെ ഉപയോഗിച്ച് ആശയം തിരുത്തി. 2006 ൽ ക്രിസ് വെഡ്‌ജിനോട് ഈ ആശയം പങ്കുവെക്കുകയും ബ്ലൂ സ്കൈ സ്‌റ്റുഡിയോസ് പ്രൊജക്റ്റ് ആരംഭിക്കുകയും ചെയ്തു.
മാർച്ച് 22, 2011 ന് റിയോ ഡി ജനീറോയിൽ ചിത്രത്തിന്റെ ആദ്യ പ്രദർശനം നടത്തി. ഏപ്രിൽ 15, 2011 ന് വടക്കേ അമേരിക്കയിൽ പ്രദർശനം ആരംഭിച്ചത്. നിരൂപകരിൽ നിന്ന് പൊതുവെ നല്ല പ്രതികരണമാണ് സിനിമക്ക് ലഭിച്ചത്. ബോക്സ് ഓഫിസ് വിജയം നേടിയ സിനിമ യുഎസിൽ മാത്രം 143 ദശലക്ഷം ഡോളറും ആഗോളടിസ്ഥാനത്തിൽ 484 ദശലക്ഷം ഡോളറും വരുമാനം നേടി. “റിയൽ ഇൻ റിയോ” എന്ന ഗാനത്തിന് അക്കാദമി അവാർഡിന് നാമനിർദ്ദേശം ലഭിച്ചിരുന്നെങ്കിലും ദ മപ്പെറ്റ്സ് എന്ന ചിത്രത്തിലെ “മാൻ ഓർ മപ്പെറ്റ്” ഗാനത്തിനു മുന്നിൽ പരാജപ്പെടുകയായിരുന്നു.[5] സിനിമയുടെ രണ്ടാം ഭാഗമായ റിയോ 2 ഏപ്രിൽ 11, 2014 ന് റിലീസ് ചെയ്തു.
ശബ്ദ താരങ്ങൾ
തിരുത്തുക- ജെസ്സി ഐസെൻബെർഗ് - ബ്ലൂ
- ആൻ ഹാതവേ - ജ്യൂവൽ
- ലെസ്ലി മൻ - ലിൻഡ ഗുണ്ടേഴ്സൺ
- ജെമൈൻ ക്ലെമെന്റ് - നിഗൽ
- റോഡ്രിഗോ സാന്റോറോ - ഡോ. ടുലിയോ മൊണ്ടീറോ
- ജോർജ് ലോപസ് - റാഫേൽ
- Will.i.am - പെഡ്രോ
- ജാമി ഫോക്സ് - നിക്കോ
- ജാക്ക് ടി. ഓസ്റ്റിൻ - ഫെർണാണ്ടോ
- ട്രേസി മോർഗൻ - ലൂയിസ്
- കാർലോസ് പോസെസ് - മാർസെൽ
- ജെഫ്രി ഗാർഷ്യ - ടിപ്പ
- ഡേവി വിറിയറ - അർമാൻഡോ.
- ബീബൽ ഗിൽബെർട്ടോ - ഇവാ
- ബെർണാർഡോ ഡി പോള - കിപോ
- ഫ്രാൻസിസ്കോ റാമോസ് - മൗറോ
- വാൻഡ സൈക്കുകൾ - ചോള
- ജേൻ ലിഞ്ച് - ആലിസ്
അംഗീകാരങ്ങൾ
തിരുത്തുകഅവലംബം
തിരുത്തുക- ↑ Kaufman, Amy (April 14, 2011). "Movie Projector: 'Rio' should stifle 'Scream 4'". Los Angeles Times. Tribune Company. Retrieved May 3, 2011.
- ↑ "Rio (2011)". Box Office Mojo. IMDb. Retrieved September 2, 2011.
- ↑ "Fox, Blue Sky drawn to 'Rio'". Retrieved July 03, 2016.
{{cite web}}: Check date values in:|accessdate=(help) - ↑ Gomez, Tim (October 22, 2009). "Neil Patrick Harris Takes Anne Hathaway To Rio". Cinema Blend. Archived from the original on 2009-10-26. Retrieved January 20, 2010.
- ↑ "Nominees for the 84th Academy Awards". Oscars.org. January 24, 2012. Retrieved February 1, 2012.
- ↑ "Nominations Announced for the 'People's Choice Awards 2012'" Archived 2016-01-03 at the Wayback Machine.. TV by the Numbers. Retrieved August 25, 2012.
- ↑ "Teen Choice Awards Nominees – 2011 List". The National Ledger. June 29, 2011. Archived from the original on 2012-03-09. Retrieved July 1, 2011.
- ↑ "10th Annual VES Awards". visual effects society. Archived from the original on 2015-07-22. Retrieved December 31, 2017.