പി. സുശീല
ഇന്ത്യയിലെ ഒരു ചലച്ചിത്രപിന്നണഗായികയാണ് പി. സുശീല (ജനനം: നവംബർ 13, 1935). അഞ്ചുതവണ മികച്ച ഗായികയ്ക്കുള്ള ദേശീയപുരസ്കാരം നേടിയ പി. സുശീല വിവിധ ഇന്ത്യൻ ഭാഷകളിലായി ആയിരത്തിലേറെ ഗാനങ്ങൾ പാടിയിട്ടുണ്ട്. പ്രധാനമായും തെലുഗു, തമിഴ്, മലയാളം, കന്നഡ എന്നീ ഭാഷകളിലാണ് ഇവർ ഗാനമാലപിച്ചിട്ടുള്ളത്. ഇതിനുപുറമെ ഹിന്ദി, ബംഗാളി, ഒറിയ, സംസ്കൃതം, തുളു, ബഡഗ എന്നീ ഭാഷകളിലും ശ്രദ്ധേയമായ ഗാനങ്ങൾ പാടി.
പി. സുശീല | |
|---|---|
പി. സുശീല | |
| പശ്ചാത്തല വിവരങ്ങൾ | |
| പുറമേ അറിയപ്പെടുന്ന | ഗാന സരസ്വറ്റി, കർനാടക കോഗിലെ |
| ജനനം | നവംബർ 13, 1935 |
| ഉത്ഭവം | Vizianagaram, Andhra Pradesh, India |
| വിഭാഗങ്ങൾ | ചലച്ചിത്രഗാനം, കർണ്ണാടകസംഗീതം |
| തൊഴിൽ(കൾ) | ഗായിക |
| ഉപകരണ(ങ്ങൾ) | Vocalist |
| വർഷങ്ങളായി സജീവം | 1952–മുതൽ |
ജീവിതരേഖ
തിരുത്തുക1935 നവംബർ 13-ന് ആന്ധ്രപ്രദേശിലെ വിജയനഗരം ജില്ലയിൽ ഒരു പ്രമുഖ അഭിഭാഷകനായ പുലപാക മുകുന്ദ റാവുവിന്റെ മകളായി സുശീല ജനിച്ചു. ശരിയായ പേര് പുലപക സുശീല. 1990-ൽ അന്തരിച്ച ഡോ. മോഹൻ റാവുവിനെ അവർ വിവാഹം കഴിച്ചു; അവർക്ക് ജയകൃഷ്ണ എന്നൊരു മകനുണ്ട്. പിന്നീട് മരുമകളായി മാറിയ അവരുടെ അനന്തരവളായ സന്ധ്യ ജയകൃഷ്ണ, എ. ആർ. റഹ്മാനൊപ്പം ഇരുവർ എന്ന ചിത്രത്തിലൂടെ അരങ്ങേറ്റം കുറിച്ച ഒരു ഗായികയാണ്. സുശീലയ്ക്ക് രണ്ട് പേരക്കുട്ടികളുണ്ട്, അവരിൽ ഒരാൾ സംഗീത സംവിധായകൻ തമൻ എസിന്റെ പ്രധാന ഗിറ്റാറിസ്റ്റായ ശുഭ ശ്രീ ആണ്.
1952 മുതൽ ചലച്ചിത്രപിന്നണിഗാനരംഗത്ത് ശ്രദ്ധ കേന്ദ്രീകരിച്ച ഇവർ 1968, 1971, 1976, 1982, 1983 വർഷങ്ങളിൽ മികച്ച ഗായികയ്ക്കുള്ള ദേശീയപുരസ്കാരം നേടി.[1] 1971, 1975 വർഷങ്ങളിൽ കേരള സർക്കാരിന്റെ മികച്ച ഗായികയ്ക്കുള്ള പുരസ്കാരവും ലഭിച്ചിട്ടുണ്ട്.[2] ആറു ഭാഷകളിലായി 17,695 ലേറെ ഗാനങ്ങൾ ആലപിച്ചതിന് 2016 -ൽ ഗിന്നസ് റെക്കോർഡ് സ്വന്തമാക്കി.[3][4] 2019 -ലെ ഹരിവരാസനം പുരസ്‌കാരം[5]
അവലംബം
തിരുത്തുക- ↑ http://psusheela.org/aboutps.html
- ↑ "STATE FILM AWARDS 1969 - 2011". kerala.gov.in. Archived from the original on 2016-03-03. Retrieved 2013 മാർച്ച് 4.
{{cite web}}: Check date values in:|accessdate=(help); More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "P. Susheela enters Guinness World Records". ദി ഹിന്ദു. Retrieved 30 മാർച്ച് 2016.
- ↑ https://www.facebook.com/190406834353528/photos/a.1046901465370723.1073741831.190406834353528/1046901272037409/?type=3&permPage=1
- ↑ http://www.prd.kerala.gov.in/ml/node/35375
