ഒബ്സെസ്സിവ് കംപൾസിവ് ഡിസോർഡർ

(Obsessive–compulsive disorder എന്ന താളിൽ നിന്നും തിരിച്ചുവിട്ടതു പ്രകാരം)

ഒബ്സെസ്സിവ് കംപൾസിവ് ഡിസോർഡർ (Obsessive compulsive disorder- OCD ) എന്നത് മാനസികവും പെരുമാറ്റപരവുമായ ഒരു വൈകല്യമാണ്. ഒരു വ്യക്തിയുടെമനസിൽ അനാവശ്യമായി നുഴഞ്ഞുകയറുന്ന ചിന്തകൾ കൊണ്ടുണ്ടാകുന്ന വേവലാതി നിമിത്തം അയാൾ ചിലപ്രവൃത്തികൾ നിർബന്ധപൂർവ്വം ആവർത്തിച്ച് ചെയ്തുകൊണ്ടിരിക്കുകയും അത് അയാളുടെ ദൈനംദിനകർമ്മങ്ങളെ ബാധിക്കുകയും ചെയ്യുന്നു. [8] [1] [2] പേര് സൂചിപ്പിക്കുന്നത് പോലെ തന്നെ ഇതിൻ്റെ പ്രാഥമിക ലക്ഷണങ്ങൾ ചിന്താധിക്യവും (Obsessions) നിർബന്ധിതപ്രവൃത്തികളുമാണ് (Compulsions). നിരന്തരമായ അനാവശ്യ ചിന്തകൾ, മാനസിക ചിത്രങ്ങൾ അല്ലെങ്കിൽ ഉത്കണ്ഠ, വെറുപ്പ് അസ്വസ്ഥത എന്നിവയുടെ വികാരങ്ങൾ സൃഷ്ടിക്കുന്ന പ്രേരണകളാണ് ചിന്താപീഢ (Obsession). [9] മലിനീകരണത്തെക്കുറിച്ചുള്ള ഭയം, സമമിതിയിലുള്ള അഭിനിവേശം, മതം, ലൈംഗികത, ദോഷം എന്നിവയെക്കുറിച്ചുള്ള നുഴഞ്ഞുകയറുന്ന ചിന്തകൾ എന്നിവ പൊതുവായ ചിന്താപീഢകളിൽ ഉൾപ്പെടുന്നു. [1] [10] ചിന്താപീഢമൂലം ആവർത്തിച്ചുചെയ്യപ്പെടുന്ന ചെയ്തികളാണ് നിർബന്ധചെയ്തികൾ (Compulsions). അമിതമായ കൈ കഴുകൽ, വൃത്തിയാക്കൽ, സാധനങ്ങൾ അടുക്കിവയ്ക്കൽ, എണ്ണിത്തിട്ടപ്പെടുത്തൽ, ഉറപ്പിക്കൽ, കാര്യങ്ങൾ പരിശോധിക്കൽ എന്നിവയെല്ലാം പൊതുവായ ചിന്താപ്രേരിതപ്രവർത്തികളിൽ ഉൾപ്പെടുന്നു. [1] [10] [11] ഈ പ്രശ്നമുളള പല മുതിർന്നവർക്കും അവരുടെ നിർബന്ധങ്ങൾ അർത്ഥശൂന്യമാണെന്ന് അറിയാം, എന്നാൽ ചിന്താപീഢ മൂലമുണ്ടാകുന്ന ദുരിതത്തിൽ നിന്ന് മോചനം നേടാൻ അവർ അത് എങ്ങനെയും ചെയ്തുകൊണ്ടേയിരിക്കുന്നു. [1] [9] [10] [12] നിർബന്ധപ്രവൃത്തികൾ സാധാരണയായി ദിവസത്തിൽ ഒരു മണിക്കൂറെങ്കിലും സംഭവിക്കാറുണ്ട്, അത് ഒരാളുടെ ജീവിത നിലവാരത്തെ തടസ്സപ്പെടുത്തുന്നു. [1] [10]

ഒബ്സെസ്സിവ് കംപൾസിവ് ഡിസോർഡർ
ആവർത്തിച്ചും അമിതമായും കൈകഴുകുന്ന ശീലം ചിന്താപീഢയുളളവർ കാണിക്കുന്നു.
സ്പെഷ്യാലിറ്റിമനശാസ്ത്രം
ലക്ഷണങ്ങൾസാധനങ്ങൾ ആവർത്തിച്ച് പരിശോധിക്കുക, ചിലകാര്യങ്ങൾ തുടർച്ചായായി ചെയ്യുക, ചിലകാര്യങ്ങൾ തുടർച്ചയായി ചിന്തിക്കുക[1]
സങ്കീർണതഞരമ്പുവലി, ഉത്കണ്ഠ, ആത്മഹത്യ[2][3]
സാധാരണ തുടക്കം35 വയസിനു മുമ്പ്[1][2]
കാരണങ്ങൾജീവിതസാഹചര്യങ്ങളിലെ മാറ്റം, സ്ഥലംമാറിപോകൽ, വിവാഹം അല്ലെങ്കിൽ വിവാഹമോചനം, വിദ്യാലയമോ ജോലിയോ മാറുക, പ്രിയപ്പെട്ടവരുടെ മരണമോ അതുപോലുളള മാനസികക്ഷതമോ, ലൈംഗികദുരുപയോഗം, താഴ്ന്ന നിലയിലുളള സെറോട്ടിനിൻ, മാനസികനില നിയന്ത്രിക്കുന്ന ജൈവികവസ്തു, തലച്ചോറിലെ അമിതപ്രവർത്തനങ്ങൾ, ജോലിസ്ഥലത്തെയോ വിദ്യാലയത്തിലെയോ സംഭവങ്ങൾ, സുപ്രധാന ബന്ധങ്ങളിലെ വിള്ളൽ, അസുഖം(പനിപിടിച്ചയാൾ രോഗാണുക്കളെക്കുറിച്ചുളള ചിന്താധിക്യം കാരണം അമിതമായി കൈകഴുകുന്നു ).[4]
അപകടസാധ്യത ഘടകങ്ങൾകുട്ടിക്കാലത്തെ പീഢനം, മാനസികസംഘർഷം[2]
ഡയഗ്നോസ്റ്റിക് രീതിലക്ഷണങ്ങൾക്കനുസരിച്ച്[2]
ഡിഫറൻഷ്യൽ ഡയഗ്നോസിസ്ഉൽക്കണ്ഠ, കടുത്ത വിഷാദരോഗം, ഭക്ഷണത്തകരാറുകൾ, ചിന്താപീഢമൂലമുളള നിർബന്ധിത വ്യക്തിത്വതകരാറുകൾ[2]
Treatmentബോധനം, സെറോടോണിൻ ചികിത്സs, ക്ലോമിപ്രാമിൻ[5][6]
ആവൃത്തി2.3%[7]

ഒബ്സെസ്സിവ് കംപൾസിവ് ഡിസോർഡറിൻ്റെ കാരണം അജ്ഞാതമാണ്. [1] ചില ജനിതക ഘടകങ്ങൾ ഉണ്ടെന്ന് കരുതപ്പെടുന്നു, സഹജാതഇരട്ടകളേക്കാളും സമജാതഇരട്ടകളെ ഇത് ബാധിക്കാനുള്ള സാധ്യത കൂടുതലാണ്. കുട്ടിക്കാലത്ത് ദുരുപയോഗം ചെയ്തപ്പെട്ടതുമൂലമോ മറ്റ് മാനസികസമ്മർദ്ദം ഉണ്ടാക്കുന്ന സംഭവങ്ങൾ മൂലമോ ഈ പ്രശ്നം ഉണ്ടാകാം; സ്ട്രെപ്റ്റോകോക്കൽ അണുബാധയ്ക്ക് ശേഷം ചില കേസുകൾ ഉണ്ടായിട്ടുണ്ട്. [1] ലക്ഷണങ്ങളെ അടിസ്ഥാനമാക്കിയാണ് രോഗനിർണയം ചെയ്യുന്നത്, മയക്കുമരുന്ന് മൂലമുളളതേ അല്ലെങ്കിൽ വൈദ്യശാസ്ത്രപരമായതോ ആയ കാരണങ്ങൾ ഒഴിവാക്കേണ്ടതുണ്ട്; യേൽ-ബ്രൗൺ ഒബ്സെസ്സിവ് കംപൾസിവ് സ്കെയിൽ (Y-BOCS) പോലുള്ള റേറ്റിംഗ് സ്കെയിലുകൾ ഉപയോഗിച്ച് ഇതിൻ്റെ തീവ്രത വിലയിരുത്തുന്നു. [2][13] സാമാന്യവൽക്കരിച്ച ഉത്കണ്ഠ രോഗം, ഗുരുതരമായ വിഷാദരോഗം, ഭക്ഷണ ക്രമക്കേടുകൾ, ഞരമ്പുവലി, ചിന്താപ്രേരിത നിർബന്ധിത വ്യക്തിത്വതകരാർ എന്നിവ സമാന ലക്ഷണങ്ങളുള്ള മറ്റ് വൈകല്യങ്ങളാണ്. [2] ആത്മഹത്യാ പ്രവണത വർദ്ധിച്ചതിന് ഈ രോഗാവസ്ഥ ഒരു കാരണമാണ്. [14] [15]

OCD- യ്ക്കുള്ള ചികിത്സയിൽ അവബോധ പെരുമാറ്റചികിത്സ (Cognitive behaviour therapy) (CBT), ആന്റീഡിപ്രസന്റുകൾ പോലുള്ള ഫാർമക്കോതെറാപ്പി അല്ലെങ്കിൽ ആഴത്തിലുളള മസ്തിഷ്കഉത്തേജനം (DBS) പോലെയുള്ള ശസ്ത്രക്രിയകൾ എന്നിവ ഉൾപ്പെട്ടേക്കാം. [5] [6] [16] [17] CBT അഥവാ അവബോധപെരുമാറ്റ ചികിത്സ ചിന്താപീഢ കുറയ്ക്കുകയും നിർബന്ധിതചെയ്തികളെ തടയുകയും ചെയ്യുന്നു.[5] [18] സെലക്ടീവ് സെറോടോണിൻ റീഅപ്‌ടേക്ക് ഇൻഹിബിറ്ററുകൾ (എസ്എസ്ആർഐ) ഒസിഡി ചികിത്സിക്കാൻ ഉപയോഗിക്കുന്ന ഒരു സാധാരണ ആന്റീഡിപ്രസന്റാണ്. ഡിപ്രഷൻ ഡോസേജിൽ കൂടുതൽ ഉപയോഗിക്കുമ്പോൾ എസ്എസ്ആർഐകൾ കൂടുതൽ ഫലപ്രദമാണ്; എന്നിരുന്നാലും, ഉയർന്ന ഡോസുകൾ പാർശ്വഫലങ്ങളുടെ തീവ്രത വർദ്ധിപ്പിക്കും. [19] സാധാരണയായി ഉപയോഗിക്കുന്ന എസ്എസ്ആർഐകളിൽ സെർട്രലൈൻ, ഫ്ലൂക്സൈറ്റിൻ, ഫ്ലൂവോക്സാമൈൻ, പരോക്സൈറ്റിൻ, സിറ്റലോപ്രാം, എസ്സിറ്റലോപ്രാം എന്നിവ ഉൾപ്പെടുന്നു. [16]

ചിന്താപീഢകൾ തിരുത്തുക

ചിന്താപീഢ ഉള്ള ആളുകളിലേയ്ക്ക് ചിന്തകൾ നുഴഞ്ഞുകയറിയേക്കാം പിശാചിനെക്കുറിച്ച് അമിതമായി ചിന്തിക്കുന്നതുപോലെ. (നരകത്തിന്റെ ഒരു ചായം പൂശിയ വ്യാഖ്യാനമാണ് കാണിച്ചിരിക്കുന്നത്).

ചിന്താപീഢ എന്നത് സമ്മർദ്ദമുണ്ടാക്കുന്ന ചിന്തകളാണ്, അവ അവഗണിക്കാനോ അഭിമുഖീകരിക്കാനോ ശ്രമിച്ചിട്ടും ആവർത്തിക്കുകയും തുടരുകയും ചെയ്യുന്നു. [20] ചിന്താധിക്യം മൂലമുളള ഉത്കണ്ഠയിൽ നിന്ന് മോചനം നേടുന്നതിന് അവർ അർത്ഥമില്ലാത്ത ജോലികൾ അല്ലെങ്കിൽ നിർബന്ധിത പ്രവർത്തനങ്ങൾ ചെയ്യുന്നു. ഓരോരോ വ്യക്തികൾക്കിടയിലും, ഇത് വ്യത്യാസപ്പെട്ടിരിക്കുന്നു. ചിന്താപീഢ നിലനിൽക്കുമ്പോൾ ജീവിതം സാധാരണ നിലയിൽ മുന്നോട്ട് കൊണ്ടുപോകാൻ കഴിയില്ലെന്ന അസ്വസ്ഥതയോ പിരിമുറുക്കമോ ഉണ്ടായേക്കാം. കുടുംബാംഗത്തിന്റെയോ സുഹൃത്തിന്റെയോ മരണത്തെക്കുറിച്ചുളള ചിന്തയോ അല്ലെങ്കിൽ ബന്ധങ്ങളുടെ ശരിതെറ്റുകളെക്കുറിച്ചോ [21] [22] ദൈവം, പിശാച്, രോഗം എന്നിവയെപ്പറ്റിയോ ഉളള ചിന്തകളാകാം. OCD ഉള്ള മറ്റുള്ളവർക്ക് അവരുടെ ശരീരത്തിൽ നിന്ന് പുറപ്പെടുന്ന അദൃശ്യമായ സംവേദനം അനുഭവപ്പെട്ടേക്കാം. [23]

ഒബ്സെസ്സിവ് കംപൾസിവ് ഡിസോർഡർ ഉള്ള ചില ആളുകൾക്ക് "അപരിചിതർ, പരിചയക്കാർ, മാതാപിതാക്കൾ, കുട്ടികൾ, കുടുംബാംഗങ്ങൾ, സുഹൃത്തുക്കൾ എന്നിവരുടെ "ചുംബനം, സ്പർശനം, ഇഷ്ടപ്പെടൽ, വദനസുരതം, ഗുദ ലൈംഗികത, ലൈംഗികബന്ധം, വഴിവിട്ടബന്ധങ്ങൾ, ബലാത്സംഗം " എന്നിവയുടെ ചിന്തകളോ ചിത്രങ്ങളോ അടങ്ങിയ ലൈംഗിക ചിന്തകൾ അനുഭവപ്പെടുന്നു. കൂടാതെ ഏത് പ്രായത്തിലുമുള്ള ആളുകളുമായി എതിർലിംഗലൈംഗികതയോ സ്വവർഗരതിയോ ഇവർക്ക് ഉണ്ടാകാം. [24] നുഴഞ്ഞുകയറുന്ന ചിന്തകളും ചിത്രങ്ങളും പോലെ തന്നെ, ചില അസ്വാസ്ഥ്യകരമായ ലൈംഗിക ചിന്തകളും സാധാരണമാണ്, എന്നാൽ ഒബ്സെസ്സിവ് കംപൾസിവ് ഡിസോർഡർ ഉള്ള ആളുകൾ അത്തരം ചിന്തകൾക്ക് അസാധാരണമായ പ്രാധാന്യം നൽകിയേക്കാം. ഉദാഹരണത്തിന്, സ്വന്തം ലൈംഗിക ആഭിമുഖ്യത്തെക്കുറിച്ചുള്ള ഭ്രാന്തമായ ഭയം ബാധിച്ച വ്യക്തിയെ മറ്റുളളവർക്ക് ലൈംഗിക തന്മ നഷ്ടപ്പെട്ടയാളായി തോന്നിയേക്കാം. [25] [26]

ഒബ്സെസ്സിവ് കംപൾസിവ് ഡിസോർഡർ ഉള്ള മിക്ക ആളുകളും അവരുടെ ചിന്തകൾ യാഥാർത്ഥ്യവുമായി പൊരുത്തപ്പെടുന്നില്ലെന്ന് അറിയാമെങ്കിലും ആ ചിന്തകൾ ശരിയും യാഥാർത്ഥ്യവുമാണ് എന്നുകരുതി പ്രവർത്തിക്കാൻ നിർബന്ധിതരാകുന്നു.

നിർബന്ധിതചെയ്തികൾ തിരുത്തുക

തൊലി ചെൊറിഞ്ഞിളക്കൽ രോഗാവസ്ഥ

ഒബ്സെസ്സിവ് കംപൾസിവ് ഡിസോർഡർ ഉള്ള ചില ആളുകൾ നിർബന്ധിത ചെയ്തികൾ അനുഷ്ഠിക്കുന്നു, കാരണം അവർ അങ്ങനെ ചെയ്യണമെന്ന് അവർക്ക് വിശദീകരിക്കാനാകാത്ത വിധം തോന്നുന്നു, മറ്റുചിലരാകട്ടെ, ഭ്രാന്തമായ ചിന്തകളിൽ നിന്ന് ഉത്ഭവിക്കുന്ന ഉത്കണ്ഠ ലഘൂകരിക്കാൻ ഇങ്ങനെ നിർബന്ധിതമായി പ്രവർത്തിക്കുന്നു. ഈ പ്രവൃത്തികൾ ഒന്നുകിൽ ഭയാനകമായ ഒരു സംഭവം ഉണ്ടാകുന്നത് തടയും അല്ലെങ്കിൽ ആ സംഭവത്തെ അവരുടെ ചിന്തകളിൽ നിന്ന് തള്ളിക്കളയുമെന്ന് അവർക്ക് തോന്നിയേക്കാം. ഏത് സാഹചര്യത്തിലും, അവരുടെ ന്യായവാദം വളരെ വിചിത്രമോ വികലമോ ആയതിനാൽ അത് അവരെയോ അവർക്ക് ചുറ്റുമുള്ളവരെയോ ബുദ്ധിമുട്ടിലാക്കുന്നു. അമിതമായ ചർമ്മം പറിച്ചെടുക്കൽ, മുടി വലിക്കൽ, നഖം കടിക്കൽ, ശരീരത്തെ കേന്ദ്രീകരിച്ചുള്ള മറ്റ് ആവർത്തന സ്വഭാവ വൈകല്യങ്ങൾ എന്നിവയെല്ലാം ഒബ്സസീവ്-കംപൾസീവ് സ്പെക്ട്രത്തിലാണ്.[2] ഒബ്സെസ്സിവ് കംപൾസിവ് ഡിസോർഡർ ഉള്ള ചില വ്യക്തികൾക്ക് അവരുടെ പെരുമാറ്റം യുക്തിസഹമല്ലെന്ന് അറിയാം, എന്നാൽ വികാരങ്ങൾ അടക്കാൻ വേണ്ടി അവർ അങ്ങനെ ചെയ്യാൻ നിർബന്ധിതരാകുന്നു. [27]

സാധാരണ നിർബന്ധിതചെയ്തികളിൽ കൈ കഴുകൽ, വൃത്തിയാക്കൽ, സാധനങ്ങൾ പരിശോധിക്കൽ (വാതിലുകളിലെ പൂട്ടുകൾ പോലുള്ളവ), ആവർത്തിച്ചുള്ള പ്രവർത്തനങ്ങൾ (ആവർത്തിച്ച് സ്വിച്ചുകൾ ഓണാക്കുന്നതും ഓഫാക്കുന്നതും പോലുള്ളവ), ഒരു പ്രത്യേക രീതിയിൽ ഇനങ്ങൾ ഓർഡർ ചെയ്യൽ, ഉറപ്പ് ആവശ്യപ്പെടൽ എന്നിവ ഉൾപ്പെടാം. [28] ആവർത്തിച്ച് ചെയ്യുന്ന എല്ലാ പ്രവൃത്തികളും നിർബന്ധിതമാകണമെന്നില്ല; ഉദാഹരണത്തിന്, പ്രഭാതത്തിലോ രാത്രിയിലോ ഉള്ള ദിനചര്യകളും മതപരമായ ആചാരങ്ങളും സാധാരണയായി നിർബന്ധിതമല്ല. പെരുമാറ്റങ്ങൾ നിർബന്ധിതമാണോ അതോ വെറും ശീലമാണോ എന്നത് അവ നിർവഹിക്കപ്പെടുന്ന സന്ദർഭത്തെ ആശ്രയിച്ചിരിക്കുന്നു. ഉദാഹരണത്തിന്, ഒരു ലൈബ്രറിയിൽ ജോലി ചെയ്യുന്ന ഒരാളിൽ നിന്ന് ദിവസത്തിൽ എട്ട് മണിക്കൂർ പുസ്തകങ്ങൾ ക്രമീകരിക്കുകയും ഓർഡർ ചെയ്യുകയും ചെയ്യും, എന്നാൽ മറ്റ് സാഹചര്യങ്ങളിൽ ഈ പതിവ് അസാധാരണമായി തോന്നും. മറ്റൊരു വിധത്തിൽ പറഞ്ഞാൽ, ശീലങ്ങൾ ഒരാളുടെ ജീവിതത്തിന് കാര്യക്ഷമത ഉണ്ടാക്കുന്നു, അതേസമയം നിർബന്ധങ്ങൾ അതിനെ തടസ്സപ്പെടുത്തുന്നു. [29]

ഒരു തവണ മാത്രം ലോക്ക് പരിശോധിച്ച് വിടുക എന്നതാണ് ഇതിനെ പ്രതിരോധിക്കാനുളള ഒരു പ്രവൃത്തി

അവലംബം തിരുത്തുക

  1. 1.0 1.1 1.2 1.3 1.4 1.5 1.6 1.7 1.8 The National Institute of Mental Health (NIMH) (January 2016). "What is Obsessive-Compulsive Disorder (OCD)?". U.S. National Institutes of Health (NIH). Archived from the original on 23 July 2016. Retrieved 24 July 2016.
  2. 2.0 2.1 2.2 2.3 2.4 2.5 2.6 2.7 2.8 Diagnostic and statistical manual of mental disorders : DSM-5 (5 ed.). Washington: American Psychiatric Publishing. 2013. pp. 237–242. ISBN 978-0-89042-555-8.
  3. Angelakis, I; Gooding, P; Tarrier, N; Panagioti, M (25 March 2015). "Suicidality in obsessive compulsive disorder (OCD): A systematic review and meta-analysis". Clinical Psychology Review. Oxford, England: Pergamon Press. 39: 1–15. doi:10.1016/j.cpr.2015.03.002. PMID 25875222.
  4. Clinic, Clevelandclinic. "Obsessive Compulsive Disorder". https://my.clevelandclinic,org. Clevelandclinic. Retrieved 2022-06-09.
  5. 5.0 5.1 5.2 Grant JE (14 August 2014). "Clinical practice: Obsessive-compulsive disorder". The New England Journal of Medicine. 371 (7): 646–53. doi:10.1056/NEJMcp1402176. PMID 25119610.
  6. 6.0 6.1 Veale, D; Miles, S; Smallcombe, N; Ghezai, H; Goldacre, B; Hodsoll, J (29 November 2014). "Atypical antipsychotic augmentation in SSRI treatment refractory obsessive-compulsive disorder: a systematic review and meta-analysis". BMC Psychiatry. 14: 317. doi:10.1186/s12888-014-0317-5. PMC 4262998. PMID 25432131.{{cite journal}}: CS1 maint: unflagged free DOI (link)
  7. ഉദ്ധരിച്ചതിൽ പിഴവ്: അസാധുവായ <ref> ടാഗ്; Good2014 എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല.
  8. Drs; Sartorius, Norman; Henderson, A.S.; Strotzka, H.; Lipowski, Z.; Yu-cun, Shen; You-xin, Xu; Strömgren, E.; Glatzel, J.; Kühne, G.-E. "The ICD-10 Classification of Mental and Behavioural Disorders Clinical descriptions and diagnostic guidelines" (PDF). www.who.int World Health Organization. Microsoft Word. p. 116 (foot). Retrieved 23 June 2021.
  9. 9.0 9.1 "Overview - Obsessive compulsive disorder (OCD)". nhs.uk (in ഇംഗ്ലീഷ്). 2021-02-16. Retrieved 2021-11-06.
  10. 10.0 10.1 10.2 10.3 "What Is Obsessive-Compulsive Disorder?". www.psychiatry.org. Retrieved 2021-11-06.
  11. CDC (2020-12-02). "Obsessive-Compulsive Disorder in Children | CDC". Centers for Disease Control and Prevention (in അമേരിക്കൻ ഇംഗ്ലീഷ്). Retrieved 2021-11-06.
  12. "What are compulsions? | OCD-UK" (in ബ്രിട്ടീഷ് ഇംഗ്ലീഷ്). Retrieved 2021-11-05.
  13. "Obsessive compulsive disorder: diagnosis and management". American Family Physician. 80 (3): 239–45. August 2009. PMID 19621834. Archived from the original on 12 May 2014.
  14. Angelakis, I; Gooding, P; Tarrier, N; Panagioti, M (25 March 2015). "Suicidality in obsessive compulsive disorder (OCD): A systematic review and meta-analysis". Clinical Psychology Review. Oxford, England: Pergamon Press. 39: 1–15. doi:10.1016/j.cpr.2015.03.002. PMID 25875222.
  15. Alonso, P.; Segalàs, C.; Real, E.; Pertusa, A.; Labad, J.; Jiménez-Murcia, S.; Jaurrieta, N.; Bueno, B.; Vallejo, J. (13 January 2010). "Suicide in patients treated for obsessive-compulsive disorder: a prospective follow-up study". Journal of Affective Disorders. 124 (3): 300–308. doi:10.1016/j.jad.2009.12.001. PMID 20060171.
  16. 16.0 16.1 "Medications Approved for Treatment of OCD". Beyond OCD: OCD Information and Resources. Retrieved 11 December 2021.
  17. Pittenger, Christopher; Bloch, Michael H. (September 2014). "Pharmacological treatment of obsessive-compulsive disorder". Psychiatric Clinics of North America. 37 (3): 375–391. doi:10.1016/j.psc.2014.05.006. PMC 4143776. PMID 25150568.
  18. Wells, Adrian. (2011) [2009]. Metacognitive therapy for anxiety and depression (Pbk. ed.). New York, NY: Guilford Press. ISBN 978-1-60918-496-4. OCLC 699763619.
  19. Bloch, Michael H.; McGuire, Joseph; Landeros-Weisenberger, Angeli; Leckman, James F.; Pittenger, Christopher (August 2010). "Meta-Analysis of the Dose-Response Relationship of SSRI in Obsessive-Compulsive Disorder". Molecular Psychiatry. 15 (8): 850–855. doi:10.1038/mp.2009.50. PMC 2888928. PMID 19468281.
  20. Markarian, Y; Larson, MJ; Aldea, MA; Baldwin, SA; Good, D; Berkeljon, A; Murphy, TK; Storch, EA; McKay, D (February 2010). "Multiple pathways to functional impairment in obsessive-compulsive disorder". Clinical Psychology Review. 30 (1): 78–88. doi:10.1016/j.cpr.2009.09.005. PMID 19853982.
  21. Doron, G; Szepsenwol, O; Karp, E; Gal, N (2013). "Obsessing About Intimate-Relationships: Testing the Double Relationship-Vulnerability Hypothesis". Journal of Behavior Therapy and Experimental Psychiatry. 44 (4): 433–440. doi:10.1016/j.jbtep.2013.05.003. PMID 23792752.
  22. Baer 2001, പുറം. xiv.
  23. Mash, Eric J.; Wolfe, David A. (2005). Abnormal child psychology (3 ed.). Belmont, California: Thomson Wadsworth. p. 197. ISBN 978-1305105423.
  24. Osgood-Hynes, Deborah. "Thinking Bad Thoughts" (PDF). Belmont, Massachusetts: MGH/McLean OCD Institute. Archived from the original (PDF) on 15 November 2011. Retrieved 30 December 2006.
  25. Williams, Monnica. "Sexual Orientation Worries in Obsessive-Compulsive Disorder". OCD Types. Retrieved 4 February 2021.
  26. Williams, Monnica; Farris, Samantha (May 15, 2011). "Sexual Orientation Obsessions in Obsessive-Compulsive Disorder: Prevalence and Correlates". Journal of Psychiatric Research. Amsterdam, Netherlands: Elsevier. 187 (1–2): 156–159. doi:10.1016/j.psychres.2010.10.019. PMC 3070770. PMID 21094531.
  27. Highlights of Changes from DSM-IV-TR to DSM-5 (PDF), American Psychiatric Association, 2013, p. 7, archived from the original (PDF) on 19 October 2013, retrieved 12 April 2016
  28. Boyd MA (2007). Psychiatric Nursing. Vol. 15. Baltimore, Maryland: Lippincott Williams & Wilkins. pp. 13–26. doi:10.3109/01612849409074930. ISBN 978-0-397-55178-1. PMID 8119793. {{cite book}}: |work= ignored (help)
  29. "Obsessive-Compulsive Disorder, (2005)". Archived from the original on 2020-05-14. Retrieved 15 December 2009.

പുറം കണ്ണികൾ തിരുത്തുക

Classification
External resources