കെനാൻ എവ്രൻ

(Kenan Evren എന്ന താളിൽ നിന്നും തിരിച്ചുവിട്ടതു പ്രകാരം)

തുർക്കിയുടെ ഏഴാമത്തെ പ്രസിഡണ്ടായിരുന്നു അഹ്മത് കെനാൻ എവ്രൻ (തുർക്കിഷ് ഉച്ചാരണം: [ceˈnan evˈɾen]; ജനനം: 1917 ജൂലൈ 17). തുർക്കിയിലെ സൈന്യാധിപനായിരുന്ന അദ്ദേഹം, 1980-ലെ സൈനിക അട്ടിമറിക്ക് നേതൃത്വം നൽകുകയും തുടർന്ന് പ്രസിഡണ്ട് സ്ഥാനം ഏറ്റെടുക്കുകയായിരുന്നു. ഓട്ടൊമൻ സാമ്രാജ്യത്തിൽ ജനിച്ച അവസാനത്തെ പ്രസിഡണ്ടുമാണ് എവ്രൻ.

കെനാൻ എവ്രൻ
കെനാൻ എവ്രൻ

1988 ജൂണിൽ യുണൈറ്റഡ് സ്റ്റേറ്റ്സ് സന്ദർശനത്തിനിടെ കെനാൻ എവ്രെൻ


പദവിയിൽ
1980 സെപ്റ്റംബർ 12 – 1989 നവംബർ 9
മുൻഗാമി ഫാരി കോരുത്തുർക്ക്
പിൻഗാമി തുർഗുത് ഓസൽ

ജനനം (1917-07-17) ജൂലൈ 17, 1917  (106 വയസ്സ്)
അലാശെഹിർ, ഓട്ടമൻ സാമ്രാജ്യം
ജീവിതപങ്കാളി സകൈൻ എവ്രൻ

ജീവിതരേഖ തിരുത്തുക

പടിഞ്ഞാറൻ തുർക്കിയിലെ മനിസ പ്രവിശ്യയിലെ അലശെഹിർ എന്ന പട്ടണത്തിൽ ഒരു ഇമാമിന്റെ പുത്രനായാണ് കെനാൻ എവ്രൻ ജനിച്ചത്. ഒരു സൈനികസ്കൂളിൽ പഠിച്ച അദ്ദേഹം, 1938-ൽ ബിരുദം നേടി. പിന്നീട് സൈനിക അക്കാദമിയിൽ പഠിച്ച് സ്റ്റാഫ് ഓഫീസർ ആയി. 1964-ൽ ജനറൽ സ്ഥാനത്തെത്തി. ആർമി ചീഫ് ഓഫ് സ്റ്റാഫ്, കൗണ്ടർ ഗറില്ല വിഭാഗത്തിന്റെ സൈന്യാധിപൻ എന്നീ സ്ഥാനങ്ങൾ വഹിച്ചതിനു ശേഷം, 1978-ൽ പരമോന്നതസ്ഥാനമായ ചീഫ് ഓഫ് ജനറൽ സ്റ്റാഫ് എന്ന പദവിയിലെത്തി.

1980-ൽ കെനാൻ എവ്രന്റെ നേതൃത്വത്തിൽ സൈന്യം, ദെമിറേൽ സർക്കാരിനെ അധികാരത്തിൽ നിന്നും പുറത്താക്കി. ഇതിനു ശേഷം എവ്രന്റെ നേതൃത്വത്തിൽ രൂപവത്കരിച്ച നാഷണൽ സെക്യൂരിറ്റി കൗൺസിൽ എന്ന ഉന്നതാധികാരസമിതി, 1982 നവംബറിൽ പുതിയ ഭരണഘടനയെ അംഗീകരിച്ചതിനൊപ്പം ഏഴുവർഷത്തെ കാലാവധിയിൽ അദ്ദേഹത്തെ പ്രസിഡണ്ടായും തിരഞ്ഞെടുത്തു.[1]

അവലംബം തിരുത്തുക

  1. Dilip Hiro (2009). "Chapter 1 Turkey : From militant secularism to Grassroots of Isam". Inside Central Asia - A political history of Uzbekistan, Turkmenistan, Kazakhstan, Kyrgistan, Tajikistan, Turkey and Iran. New York: Overlook Duckworth. pp. 87–88. ISBN 978-1-59020-221-0. {{cite book}}: Cite has empty unknown parameter: |coauthors= (help)
"https://ml.wikipedia.org/w/index.php?title=കെനാൻ_എവ്രൻ&oldid=3415447" എന്ന താളിൽനിന്ന് ശേഖരിച്ചത്