കല്ലുവാഴ

വാഴ കുടുംബത്തിൽ ഉൾപ്പെടുന്ന ഒരിനമാണ് കല്ലുവാഴ (ശാസ്ത്രനാമം: Ensete superbum - എൻസെറ്റ സൂപ്പർബം). മ്യൂസേസീ കുടുംബത്തിൽപ്പെട്ട ഈ സസ്യം കാട്ടുവാഴ, മലവാഴ എന്നിങ്ങനെയും അറിയപ്പെടുന്നു.

കല്ലുവാഴ Ensete superbum
Ensete superbum at the United States Botanic Garden
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Monocots
(unranked):	Commelinids
Order:	Zingiberales
Family:	Musaceae
Genus:	Ensete
Species:	E. superbum
Binomial name
Ensete superbum Roxb. (1814)
Synonyms
Musa superba Roxb.

തുമ്പൂർമുഴി ഉദ്യാനത്തിൽ

വിവരണം

ഔഷധ യോഗ്യമായ കല്ലുവാഴ ഏകദേശം 12 അടി ഉയരത്തിൽ വളരുന്നു. സാധാരണ വാഴയെ അപേഷിച്ച് കല്ലുവാഴയുടെ പഴത്തിനകത്തുള്ള കറുത്ത വിത്ത് മുളച്ചാണ് പുതിയ വാഴ ഉണ്ടാകുന്നത്. കൂമ്പിൽനിന്ന് പൊട്ടിവരുന്ന കുല താമരയോട് സദൃശ്യമാണ്. കല്ലുവാഴ എന്ന പേര് സൂചിപ്പിക്കുന്ന വിധം ഇവയുടെ വിത്ത് കല്ലു പോലുള്ളവയാണ്. 5 മുതൽ 12 വർഷം വരെ പ്രായമെത്തുമ്പോളാണ് വാഴ കുലയ്ക്കുന്നത്. വേനൽക്കാലത്ത് ഇലകളുണ്ടാകാത്ത ചെടിയിൽ പുതുമയോടെ ഇലകൾ കിളിർക്കുന്നു. കുലച്ചാൽ വാഴ നശിക്കുന്നു. വനാന്തരങ്ങളിലും പാറക്കെട്ടുകളിലും അത്യപൂർവമായാണ് കല്ലുവാഴ കാണപ്പെടുന്നത്. അലങ്കാരത്തിനായാണ് ഇവ സാധാരണ ഉപയോഗിക്കുന്നത്.

ഔഷധ ഉപയോഗം

ആർത്തവസംബന്ധമായ രോഗങ്ങൾ, വൃക്ക-മൂത്രാശയ രോഗങ്ങൾ (mix the powder with boiled milk), തീപ്പൊള്ളൽ, പ്രമേഹം തുടങ്ങിയ രോഗങ്ങൾക്ക് കല്ലുവാഴയിലെ വിത്ത് ഉണക്കിപ്പൊടിച്ച് മരുന്നായി ഉപയോഗിക്കുന്നു.

ചിത്രശാല

• 
  കല്ലുവാഴയുടെ കൊടപ്പൻ
• 
  കല്ലുവാഴ കുലച്ചത്
• 
  കല്ലുവാഴ പൂ -ഒരു ദൃശ്യം
• 
  ഒരു പൂത്ത കല്ലുവാഴ
• 
  ഒരു കല്ലുവാഴ ദൃശ്യം
• 
  കല്ലുവാഴ

പുറത്തേക്കുള്ള കണ്ണികൾ

• Images of Ensete superbum Archived 2008-06-21 at the Wayback Machine.
• Ensete superbum on Biodiversity Of India wiki.