ചിന്നൻ ആൽബട്രോസ്

പശ്ചിമഘട്ടത്തിൽ കാണപ്പെടുന്ന ഒരു തനതു ശലഭമാണ് ചിന്നൻ ആൽബട്രോസ്(Lesser Albatross). ലോകത്ത് മറ്റൊരിടത്തും ഈ ശലഭത്തെ കണ്ടെത്താനായിട്ടില്ല. പശ്ചിമഘട്ടത്തിൽ തന്നെ ഗോവയുടെ തെക്കോട്ടുള്ള പ്രദേശങ്ങളിൽ മാത്രമാണ് കാണപ്പെടുന്നത്. കേരളത്തിൽ വിരളമായി കാണപ്പെടുന്ന പൂമ്പാറ്റയാണിത്.

ചിന്നൻ ആൽബട്രോസ് Lesser Albatross
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Pieridae
Genus:	Appias
Species:	A. wardii
Binomial name
Appias wardii (Moore, 1884)

ജീവിതരീതി

മഴക്കാടുകളാണ് ഈ ശലഭങ്ങളുടെ പ്രധാന താവളങ്ങൾ. ശരവേഗത്തിലാണ് ഇവയുടെ പറക്കൽ. വിശ്രമില്ലാതെ ഏറെ നേരം പറക്കാനുള്ള കഴിവുണ്ടിവയ്ക്ക്. ആൺശലഭങ്ങളെ അപേക്ഷിച്ച് പെൺശലഭങ്ങൾ പുറത്തിറങ്ങുന്നത് കുറവാണ്.

ശരീരപ്രകൃതി

ചിറകിന് പുറത്ത് മങ്ങിയ വെളുത്ത നിറമുണ്ട്. മുൻചിറകിന്റെ മേൽവക്കിൽ കറുത്തപാടുമുണ്ട്. ഈ പാട് മേലരികിലൂടെ ചിറകിന്റെ മുകളറ്റംവരെ പടർന്നിരിക്കുന്നു. മുകളറ്റത്തിലെ കറുത്തപാടിൽ നാല് വെളുത്ത പൊട്ടുകളുമുണ്ട്.

പ്രജനനം

വെള്ളക്കാശാവ്(എനിക്കമ്പൽ)ചെടിയിലാണ് ഇവ മുട്ടയിടുന്നത്,

അവലംബം

• മാതൃഭൂമി ആഴ്ചപ്പതിപ്പ് - കേരളത്തിലെ പൂമ്പാറ്റകൾ (ഡോ. അബ്ദുള്ള പാലേരി)