അസറ്റൊ അസറ്റിക് അമ്ളം

കീറ്റൊ (CO) ഗ്രൂപ്പോടുകൂടിയ ഒരു കാർബണിക അമ്ലമാണു് അസറ്റൊ അസറ്റിക് അമ്ളം. ഫോർമുല, CH₃COCH₂COOH എന്നതാണു് ഫോർമുല. ദ്രവപദാർത്ഥമായ ഇതിന്റെ ദ്രവണാങ്കം 36-37°C ആണു്.

അസറ്റൊ അസറ്റിക് അമ്ളം

Names
IUPAC name 3-oxobutanoic acid, diacetic acid
Identifiers
CAS Number	541-50-4 Y
3D model (JSmol)	Interactive image
ChEBI	CHEBI:15344 Y
ChEMBL	ChEMBL1230762 N
ChemSpider	94 Y
DrugBank	DB04025 Y
KEGG	C00164 Y
PubChem CID	96
CompTox Dashboard (EPA)	DTXSID00202441
InChI
SMILES
Properties
തന്മാത്രാ വാക്യം
Molar mass	0 g mol−1
Appearance	colorless, oily liquid
ദ്രവണാങ്കം
ക്വഥനാങ്കം
Solubility in water	miscible
Solubility	soluble in ethanol, ether
അമ്ലത്വം (pKa)	3.58
Except where otherwise noted, data are given for materials in their standard state (at 25 °C [77 °F], 100 kPa). | colspan=2 |  N verify (what is: Y/N?) Infobox references

വളരെ അസ്ഥിരമായ ഈ അമ്ലത്തിന്റെ ഈഥൈൽ എസ്റ്റർ അതിപ്രധാനമായ ഒരു കാർബണിക പദാർഥമാണു്. എസ്റ്ററിൽനിന്നാണ് അമ്ളം ആവശ്യമുള്ളപ്പോൾ ഉത്പാദിപ്പിക്കുന്നത്. എസ്റ്റർ തണുത്ത സോഡിയം ഹൈഡ്രോക്സൈഡ് കൊണ്ട് ജലീയവിശ്ലേഷണത്തിനു വിധേയമാക്കി ലായനിയെ അമ്ലവത്കരിച്ചശേഷം ഈഥർ ഉപയോഗിച്ച് നിഷ്കർഷണം ചെയ്ത് അസറ്റൊ അസറ്റിക് അമ്ലം ഉണ്ടാക്കാം. താഴ്ന്ന താപനിലയിൽ ഈ ഈഥർ ലായനി ബാഷ്പീകരിച്ചാൽ പരലാകൃതിയുള്ള അമ്ളം ലഭിക്കും. അസ്ഥിരപ്രകൃതിയായതിനാൽ ഉത്പന്നമാകുന്നതോടൊപ്പം വിഘടിച്ച് അസറ്റോണും(CH₃COCH₃) കാർബൺഡൈഓക്സൈഡും(CO₂) ആയിത്തീരുവാനുള്ള പ്രവണത പ്രകാശിപ്പിക്കുന്നു.

CH₃COCH₂ COOH → CH₃COCH₃ + CO₂.

എല്ലാബീറ്റാ കീറ്റോണികാമ്ലങ്ങളും ഇതുപോലെ അസ്ഥിരങ്ങളാണു്. എന്നാൽ ട്രൈ ഫ്ളൂറൊ അസറ്റൊ അസറ്റിക് അമ്ലം കുറെയൊക്കെ സ്ഥിരതയുള്ളതായിക്കാണുന്നു. അസറ്റൊ അസറ്റിക് അമ്ലത്തിന്റെ ഈഥൈൽ എസ്റ്ററിന് അസറ്റൊ അസറ്റിക് എസ്റ്റർ എന്നാണ് സാധാരണയായി പറഞ്ഞുവരുന്നത്. ഈ എസ്റ്ററിന്റെ രൂപത്തിലാണ് പ്രസ്തുത അമ്ലത്തിന്റെ വ്യാവസായികമായ പ്രാധാന്യം.

പ്രമേഹരോഗികളുടെ ശരീരത്തിൽ ഉപാപചയത്തിന്റെ തകരാറുകൾമൂലം കീറ്റോൺ ബോഡികൾ (ketone bodies) ധാരാളമായി ഉണ്ടാകുന്നതാണു്. കീറ്റോൺ ബോഡികളിൽ അസറ്റൊ അസറ്റിക് അമ്ളവും ഉൾപ്പെടുന്നു. മൂത്രത്തിൽ ഈ അമ്ലമുണ്ടോ എന്നു പരിശോധിക്കുവാനായി അമോണിയം ഹൈഡ്രോക്സൈഡ്, അമോണിയം സൾഫേറ്റ് എന്നിവ ചേർത്തശേഷം സോഡിയം നൈട്രൊപ്രുസൈഡ് ഒഴിക്കുമ്പോൾ പെർമാങ്ഗനേറ്റിന്റേതുപോലുള്ള നിറം കണ്ടാൽ ഈ അമ്ളം ഉണ്ടെന്നു തീരുമാനിക്കാം. മൂത്രത്തിൽ ഇത്തരം കീറ്റോണിക പദാർഥങ്ങൾ കാണുന്നത് രോഗത്തിന്റെ ഉത്കടാവസ്ഥയെയാണ് സൂചിപ്പിക്കുന്നതു്.

അവലംബം

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അസറ്റൊ അസറ്റിക് അമ്ളം എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.