അക്കാപുൽകോ

മെക്സിക്കോയിൽ പസിഫിക് തീരത്തുള്ള തുറമുഖ പട്ടണവും ടൂറിസ്റ്റ്കേന്ദ്രവുമാണ് അക്കാപുൽകോ. പ്രകൃതിദത്തമായ സൗകര്യങ്ങൾ കൊണ്ട് ലോകത്തിലെ ഒന്നാംകിടയിലുള്ള ഒരു തുറമുഖമാണിത്. സ്പാനിഷ് ആധിപത്യകാലത്ത് (1521-1822) ഫിലിപ്പീൻസിലേക്കും മറ്റും പോകുന്ന പടക്കപ്പലുകളുടെ താവളമായിരുന്നു അക്കാപുൽകോ.

അക്കാപുൽകോ
സിറ്റിയും മുനിസിപാലിറ്റിയും
Acapulco de Juárez
അക്കാപുൽകോ ബീച്ച്
Seal
Country	Mexico
State	Guerrero
Founded	1520s
Government
• Municipal President	Manuel Añorve Baños (2007-2010)
വിസ്തീർണ്ണം
• Municipality	1,880.60 കി.മീ.2(726.10 ച മൈ)
ഉയരം of seat	30 മീ(100 അടി)
ജനസംഖ്യ  (2005)Municipality
• Municipality	717,766
• Seat	616,394
സമയമേഖല	UTC-6 (CST)
Postal code (of seat)	39300
Area code(s)	744
വെബ്സൈറ്റ്	(ഭാഷ: Spanish) Official site

നഗരത്തിന്റെ ചുറ്റും നെടുംതൂക്കായി പൊങ്ങിനിൽക്കുന്ന പർവതങ്ങൾ ഉണ്ട്. എന്നാൽ അവ ഉൾനാടൻ പട്ടണങ്ങളുമായി കരമാർഗ്ഗമുള്ള സമ്പർക്കത്തിനു തടസം സൃഷ്ടിക്കുന്നില്ല. മെക്സിക്കോസിറ്റി ഉൾപ്പെടെയുള്ള നഗരങ്ങൾ ഈ തുറമുഖവുമായി റോഡുമാർഗ്ഗം വ്യാപാരബന്ധം പുലർത്തിപ്പോരുന്നു. സാൻഫ്രാൻസിസ്കോ വഴി പനാമാതോടിലൂടെ കിഴക്കോട്ടു പോകുന്ന എല്ലാ കപ്പലുകളും ഇവിടെയും അടുക്കുന്നു. തന്മൂലം ഇതു വാണിജ്യ പ്രധാനമായ ഒരു തുറമുഖമാണ്. പഞ്ഞി, പഞ്ചസാര, സോപ്പ്, മസ്ലീൻ, പുകയില, കൊക്കോ, തുകൽസാധനങ്ങൾ എന്നിവ പ്രധാന കയറ്റുമതികളിൽ ഉൾപ്പെടുന്നു. ആഴക്കടൽ മീൻപിടുത്തം ഇവിടെ അഭിവൃദ്ധിപ്പെട്ടിട്ടുണ്ട്. ഇതു ഒരു ഒഴിവുകാല ഉല്ലാസകേന്ദ്രമാണ്. പട്ടണത്തിലെ ജനസംഖ്യ: 6,38,000 (2003).

പുറംകണ്ണികൾ

• [1] acapulco mexico
• [2] Images acapulco mexico
• http://www.geographia.com/mexico/acapulco/index.htm

വീഡിയോ

• http://www.youtube.com/watch?v=SYnb0kad1vk

ബാഹ്യകണ്ണികൾ

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അക്കാപുൽകോ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.