സ്റ്റാഫ് സെലക്ഷൻ കമ്മീഷൻ

സ്റ്റാഫ് സെലക്ഷൻ കമ്മീഷൻ (SSC)
രൂപീകരണം	4 നവംബർ 1975; 49 വർഷങ്ങൾക്ക് മുമ്പ്
തരം	സർക്കാർ സ്ഥാപനം
ആസ്ഥാനം	ന്യൂ ഡൽഹി, ഇന്ത്യ
Location	ബ്ലോക്ക് നമ്പർ, 12, ലോധി റോഡ്, CGO കോംപ്ലക്സ്, ലോഡി കോളനി, ന്യൂഡൽഹി, ഡൽഹി 110003;
പ്രവർത്തിക്കുന്ന പ്രദേശങ്ങൾ	ഇന്ത്യ
സേവനങ്ങൾ	ഇന്ത്യയിലെ ഗ്രൂപ്പ് ബി സേവനങ്ങൾ
ചെയർമാൻ	എസ്. കിഷോർ,IAS
വെബ്സൈറ്റ്	ssc.nic.in
പഴയ പേര്	സബോർഡിനേറ്റ് സർവീസസ് കമ്മീഷൻ

സ്റ്റാഫ് സെലക്ഷൻ കമ്മീഷൻ (SSC), ഇന്ത്യാ ഗവൺമെന്റിന്റെ വിവിധ മന്ത്രാലയങ്ങളിലെയും വകുപ്പുകളിലെയും സബോർഡിനേറ്റ് ഓഫീസുകളിലെയും വിവിധ തസ്തികകളിലേക്ക് ജീവനക്കാരെ റിക്രൂട്ട് ചെയ്യുന്ന ഒരു കമ്മീഷൻ/സ്ഥാപനമാണ്.

ഈ കമ്മീഷൻ, ചെയർമാനും രണ്ട് അംഗങ്ങളും പരീക്ഷാ സെക്രട്ടറിയും കൺട്രോളറും അടങ്ങുന്ന ഡിപ്പാർട്ട്‌മെന്റ് ഓഫ് പേഴ്‌സണൽ ആന്റ് ട്രെയിനിംഗ് (DoPT) യുടെ ഒരു അറ്റാച്ച് ഓഫീസാണ് . അദ്ദേഹത്തിന്റെ പദവി ഇന്ത്യാ ഗവൺമെന്റിന്റെ അഡീഷണൽ സെക്രട്ടറിയുടെ തലത്തിന് തുല്യമാണ്.

പാർലമെന്റിലെ എസ്റ്റിമേറ്റ് കമ്മിറ്റി അതിന്റെ 47-ാമത് റിപ്പോർട്ടിൽ (1967-68) താഴ്ന്ന വിഭാഗങ്ങളിലെ തസ്തികകൾ റിക്രൂട്ട് ചെയ്യുന്നതിനായി ഒരു സർവീസ് സെലക്ഷൻ കമ്മീഷൻ രൂപീകരിക്കാൻ ശുപാർശ ചെയ്തു. പിന്നീട്, പേഴ്സണൽ ആൻഡ് അഡ്മിനിസ്ട്രേറ്റീവ് റിഫോംസ് വകുപ്പിൽ, 1975 നവംബർ 4-ന് ഇന്ത്യൻ സർക്കാർ 'സബോർഡിനേറ്റ് സർവീസ് കമ്മീഷൻ' എന്ന പേരിൽ ഒരു കമ്മീഷൻ രൂപീകരിച്ചു. 1977 സെപ്റ്റംബർ 26-ന് സബോർഡിനേറ്റ് സർവീസസ് കമ്മീഷൻ "സ്റ്റാഫ് സെലക്ഷൻ കമ്മീഷൻ" എന്ന് പുനർനാമകരണം ചെയ്യപ്പെട്ടു. 1999 മെയ് 21 ന്, സ്റ്റാഫ് സെലക്ഷൻ കമ്മീഷൻറെ പ്രവർത്തനങ്ങൾ ഇന്ത്യാ ഗവൺമെന്റ് പേഴ്സണൽ, പബ്ലിക് ഗ്രീവൻസ് മന്ത്രാലയം മുഖേന പുനർനിർവചിച്ചു. തുടർന്ന് സ്റ്റാഫ് സെലക്ഷൻ കമ്മീഷന്റെ പുതിയ ഭരണഘടനയും പ്രവർത്തനങ്ങളും 1 ജൂൺ 1999 മുതൽ പ്രാബല്യത്തിൽ വന്നു. വിവിധ സർക്കാർ ജോലികളിലേക്ക് നോൺ-ഗസറ്റഡ് ഓഫീസർമാരെ റിക്രൂട്ട് ചെയ്യുന്നതിനായി എല്ലാ വർഷവും കമ്പൈൻഡ് ഗ്രാജ്വേറ്റ് ലെവൽ പരീക്ഷ നടത്തുന്നു.

കമ്മീഷന്റെ സജ്ജീകരണം

ഒരു ചെയർമാനാണ് കമ്മീഷൻ നയിക്കുന്നത്. ഒപ്പം രണ്ട് അംഗങ്ങളും ഒരു സെക്രട്ടറിയും പരീക്ഷാ കൺട്രോളറും ഉൾപ്പെടുന്നു. ആസ്ഥാനത്തെ മറ്റ് ഓഫീസർമാരും സ്റ്റാഫും (അനുബന്ധം III-ലെ ഓർഗനൈസേഷൻ ചാർട്ട്) കൂടാതെ വിവിധ സ്ഥലങ്ങളിൽ സ്ഥാപിതമായ ഓഫീസുകളുടെ ഒരു റീജിയണൽ നെറ്റ്‌വർക്കും അവരെ പിന്തുണയ്ക്കുന്നു. കമ്മീഷന്റെ ആസ്ഥാനം ന്യൂഡൽഹിയിലാണ്.

ആസ്ഥാനം

സ്റ്റാഫ് സെലക്ഷൻ കമ്മീഷന്റെ ആസ്ഥാനം ന്യൂഡൽഹിയിലാണ്. എല്ലാ പരീക്ഷകളും ഭരണപരമായ കാര്യങ്ങളും രണ്ട് അംഗങ്ങൾ മുഖേന ചെയർമാനായി സമർപ്പിക്കുന്നു. രണ്ട് അംഗങ്ങൾക്കും കീഴിലാണ് സെക്രട്ടറി പ്രവർത്തിക്കുന്നത്. കൂടാതെ, ഒരു ഡയറക്ടർ, ഒരു ഡെപ്യൂട്ടി സെക്രട്ടറി, രണ്ട് ജോയിന്റ് ഡയറക്ടർമാർ, ഒമ്പത് അണ്ടർ സെക്രട്ടറിമാർ, നാല് ഡെപ്യൂട്ടി ഡയറക്ടർമാർ, ഒരു ഫിനാൻസ് & ബജറ്റ് ഓഫീസർ, ഒരു അസിസ്റ്റന്റ് ഡയറക്ടർ (OL), 24 സെക്ഷൻ ഓഫീസർമാർ, 183-ലധികം സപ്പോർട്ടിംഗ് ഓഫീസർ/സ്റ്റാഫ് എന്നീ തസ്തികകളുണ്ട്. കമ്മിഷന്റെ ചുമതലകളും ഉത്തരവാദിത്തങ്ങളും നിറവേറ്റുന്നതിനായി ആസ്ഥാനത്ത് പ്രവർത്തിക്കുന്നു.

റീജിയണൽ/സബ് റീജിയണൽ ഓഫീസുകൾ

ഉദ്യോഗാർത്ഥികളുടെ സൗകര്യാർത്ഥം രാജ്യത്തിന്റെ വിവിധ ഭാഗങ്ങളിലായി സ്ഥിതി ചെയ്യുന്ന പരീക്ഷാ കേന്ദ്രങ്ങളുടെ/ഉപകേന്ദ്രങ്ങളുടെ ഒരു വലിയ ശൃംഖലയിലൂടെ പരീക്ഷകൾ സുഗമമായി നടത്തുന്നതിന്, കമ്മീഷനു പ്രാദേശിക സജ്ജീകരണങ്ങൾ നൽകിയിട്ടുണ്ട്. നിലവിൽ, അലഹബാദ്, മുംബൈ, ഡൽഹി, കൊൽക്കത്ത, ഗുവാഹത്തി, ചെന്നൈ, ബാംഗ്ലൂർ എന്നിവിടങ്ങളിൽ ഏഴ് റീജിയണൽ ഓഫീസുകളും, റായ്പൂരിലും ചണ്ഡീഗഡിലും രണ്ട് സബ് റീജണൽ ഓഫീസുകളുണ്ട്. ഓരോ റീജിയണൽ ഓഫീസും ഒരു റീജിയണൽ ഡയറക്ടറും, ഓരോ സബ് റീജിയണൽ ഓഫീസും ഒരു ഡെപ്യൂട്ടി ഡയറക്ടറുമാണ് നയിക്കുന്നത്. ഈ റീജിയണൽ, സബ് റീജിയണൽ ഓഫീസുകളുടെ പ്രവർത്തനങ്ങളുടെയും പ്രവർത്തന അധികാരപരിധിയുടെയും വിശദാംശങ്ങൾ അനുബന്ധം-IV-ൽ നൽകിയിരിക്കുന്നു. കമ്മീഷൻ, പേഴ്സണൽ & ട്രെയിനിംഗ് വകുപ്പിന്റെ അനുമതിയോടെ, ആവശ്യമെന്ന് കരുതുന്ന മറ്റ് സ്ഥലങ്ങളിൽ കമ്മീഷന്റെ കൂടുതൽ റീജിയണൽ/സബ്-റീജിയണൽ ഓഫീസുകൾ തുറക്കാവുന്നതാണ്.

റീജിയണൽ/സബ് റീജിയണൽ ഓഫീസുകളും അവയുടെ പ്രവർത്തന അധികാരപരിധിയും

No.	മേഖല	ആസ്ഥാനം	സംസ്ഥാനങ്ങൾ/കേന്ദ്ര ഭരണ പ്രദേശങ്ങൾ
1.	വടക്കൻ മേഖല	ന്യൂഡൽഹി	ഡൽഹി, രാജസ്ഥാൻ, ഉത്തരാഖണ്ഡ്
2.	മധ്യമേഖല	പര്യഗ്രജ്	ഉത്തർപ്രദേശ്, ബീഹാർ
3.	കിഴക്കൻ മേഖല	കൊൽക്കത്ത	പശ്ചിമ ബംഗാൾ, സിക്കിം, ഒഡീഷ, ജാർഖണ്ഡ് & ആൻഡമാൻ നിക്കോബാർ ദ്വീപുകൾ (UT)
4.	പശ്ചിമ മേഖല	മുംബൈ	മഹാരാഷ്ട്ര, ഗുജറാത്ത്, ഗോവ, ദാദ്ര നഗർ ഹവേലി, ദാമൻ ദിയു (UT)
5.	ദക്ഷിണ മേഖല	ചെന്നൈ	ആന്ധ്രപ്രദേശ്, തെലങ്കാന, തമിഴ്നാട്, പുതുച്ചേരി (UT)
6.	വടക്കുപടിഞ്ഞാറൻ മേഖല	ചണ്ഡീഗഡ്	ജമ്മു & കശ്മീർ, പഞ്ചാബ്, ഹരിയാന, ഹിമാചൽ പ്രദേശ്, ചണ്ഡീഗഡ് (UT)
7.	കർണാടക കേരള മേഖല	ബാംഗ്ലൂർ	കർണാടക, കേരളം, ലക്ഷദ്വീപ് (UT)
8.	വടക്കുകിഴക്കൻ മേഖല	ഗുവാഹത്തി	അരുണാചൽ, അസം, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര
9.	MPR മേഖല	റായ്പൂർ	മധ്യപ്രദേശ്, ഛത്തീസ്ഗഡ്