സെയ്മൂർ ക്രേ
സെയ്മൂർ ക്രേ (ജനനം:1928 മരണം:1996) സൂപ്പർ കമ്പ്യൂട്ടറുകളുടെ പിതാവായാണ് സെയ്മൂർ ക്രേ എന്ന കമ്പ്യൂട്ടർ ശാസ്ത്രജ്ഞൻ അറിയപ്പെടുന്നത്.[1] അദ്ദേഹം അമേരിക്കൻ ഇലക്ട്രിക്കൽ എഞ്ചിനീയർ ആയിരുന്നു. പതിറ്റാണ്ടുകളായി ലോകത്തിലെ ഏറ്റവും വേഗതയേറിയ കമ്പ്യൂട്ടറുകളുടെ ഒരു ശ്രേണി രൂപകൽപ്പന ചെയ്ത സൂപ്പർ കമ്പ്യൂട്ടർ ആർക്കിടെക്റ്റ്, ഈ മെഷീനുകളിൽ പലതും നിർമ്മിച്ച ക്രേ റിസർച്ച് സ്ഥാപിച്ചു. സൂപ്പർ കമ്പ്യൂട്ടർ വ്യവസായം സൃഷ്ടിച്ചതിന്റെ ബഹുമതി ക്രേയ്‌ക്കുണ്ട്. ഹ്യൂലറ്റ്-പാക്കാർഡിന്റെ അന്നത്തെ ചീഫ് ടെക്‌നോളജി ഓഫീസറായിരുന്ന ജോയൽ എസ്. ബിർൺബോം അദ്ദേഹത്തെക്കുറിച്ച് പറഞ്ഞു: "ഈ വ്യവസായത്തിൽ അദ്ദേഹം ചെലുത്തിയ സ്വാധീനക്കുറിച്ച് വാക്കുകൊണ്ടളക്കാൻ സാധ്യമല്ലെന്ന് തോന്നുന്നു; ഉയർന്ന പെർഫോമൻസുള്ള കമ്പ്യൂട്ടറുകൾ ഇപ്പോൾ സ്ഥിരമായി ചെയ്യുന്ന പല കാര്യങ്ങളും സീമോർ വിഭാവനം ചെയ്തപ്പോൾ അക്കാലത്തുള്ളവർക്ക് വിശ്വസിക്കാൻ ബുദ്ധിമുട്ടുള്ള കാര്യമായിരുന്നു..[2] ക്രേ "സൂപ്പർ കമ്പ്യൂട്ടിംഗ് വ്യവസായത്തിലെ തോമസ് എഡിസൺ" ആണെന്ന് ഇല്ലിനോയിസ് യൂണിവേഴ്സിറ്റിയിലെ നാഷണൽ സെന്റർ ഫോർ സൂപ്പർകമ്പ്യൂട്ടിംഗ് ആപ്ലിക്കേഷന്റെ അന്നത്തെ ഡയറക്ടർ ലാറി സ്മാർ പറഞ്ഞു.[3] 1976 ൽ ക്രേ-1 എന്ന സൂപ്പർ കമ്പ്യൂട്ടർ പുറത്തിറക്കി. സിഡിസി(CDC)എന്ന കമ്പനിയിൽ വെച്ചാണ് സിഡിസി-1604 എന്ന കമ്പ്യൂട്ടർ ക്രേ രൂപകല്പന ചെയ്തത്.തുടർന്നാണ് ആദ്യത്തെ സൂപ്പർ കമ്പ്യൂട്ടർ എന്ന് വിശേഷിപ്പിക്കപ്പെടുന്ന സിഡിസി-6600 ക്രേ രൂപകല്പന ചെയ്തത്. അന്ന് നിലവിലുണ്ടായിരുന്ന എല്ലാ കമ്പ്യൂട്ടറുകളേയും പിന്നിലാക്കുന്നതായിരുന്നു ഇത്.
സെയ്മൂർ റോജർ ക്രേ | |
|---|---|
| ജനനം | സെപ്റ്റംബർ 26, 1925 |
| മരണം | ഒക്ടോബർ 10, 1996 (പ്രായം 71) |
| കലാലയം | University of Minnesota |
| അറിയപ്പെടുന്നത് | Supercomputers |
| ശാസ്ത്രീയ ജീവിതം | |
| പ്രവർത്തനതലം | Applied mathematician, computer scientist, and electrical engineer |
| സ്ഥാപനങ്ങൾ | Control Data Corporation Cray Computer Corporation Cray Research Engineering Research Associates SRC Computers |
ആദ്യകാല ജീവിതം
തിരുത്തുക1925-ൽ വിസ്കോൺസിനിലെ ചിപ്പെവ ഫാൾസിൽ സെയ്‌മോർ ആർ., ലിലിയൻ ക്രേ എന്നിവരുടെ മകനായി ക്രേ ജനിച്ചു.അദ്ദേഹത്തിന്റെ പിതാവ് ഒരു സിവിൽ എഞ്ചിനീയറായിരുന്നു, അദ്ദേഹം ശാസ്ത്രത്തിലും എഞ്ചിനീയറിംഗിലും ക്രേയുടെ താൽപ്പര്യം വളർത്തി. എറക്റ്റർ സെറ്റ് ഘടകങ്ങളിൽ നിന്ന് പഞ്ച് ചെയ്ത പേപ്പർ ടേപ്പ് മോഴ്സ് കോഡ് സിഗ്നലുകളാക്കി മാറ്റുന്ന ഒരു ഉപകരണം നിർമ്മിക്കാൻ പത്താം വയസ്സിൽ തന്നെ അദ്ദേഹത്തിന് കഴിഞ്ഞു. കുടുംബവീടിന്റെ ബേസ്‌മെന്റ് യുവാവായ ക്രേയ്ക്ക് ഒരു "ലബോറട്ടറി" ആയി നൽകി.[4]
രണ്ടാം ലോകമഹായുദ്ധത്തിനായി ഒരു റേഡിയോ ഓപ്പറേറ്ററായി ഡ്രാഫ്റ്റ് ചെയ്യപ്പെടുന്നതിന് മുമ്പ് 1943-ൽ ചിപ്പേവ ഫാൾസ് ഹൈസ്കൂളിൽ നിന്ന് ക്രേ ബിരുദം നേടി. യൂറോപ്പിൽ അദ്ദേഹം പ്രവർത്തിച്ചു, തുടർന്ന് പസഫിക് തിയേറ്ററിലേക്ക് മാറി, അവിടെ ജാപ്പനീസ് നാവിക കോഡുകൾ ബ്രേക്ക് ചെയ്യുന്നതിനായി അദ്ദേഹം പ്രവർത്തിച്ചു. 1949-ൽ അമേരിക്കയിൽ തിരിച്ചെത്തിയ അദ്ദേഹം മിനസോട്ട സർവകലാശാലയിൽ നിന്ന് ബി.എസ്.സി. ഇലക്ട്രിക്കൽ എഞ്ചിനീയറിംഗിൽ ബിരുദം നേടി, തുടർന്ന് 1951-ൽ പ്രായോഗിക ഗണിതത്തിൽ എം.എസ്.സിയും നേടി.[5]
ഇവയും കാണുക
തിരുത്തുകഅവലംബം
തിരുത്തുക- ↑ Obituary - Seymour Cray, Father of supercomputing Archived 2008-05-07 at the Wayback Machine.
- ↑ "Tribute to Seymour Cray". Retrieved 14 October 2014.
- ↑ "COMPUTER PIONEER INJURED". Washington Post (in അമേരിക്കൻ ഇംഗ്ലീഷ്). 1996-09-24. ISSN 0190-8286. Retrieved 2018-07-30.
- ↑ Murray (1997), pp. 46-47
- ↑ Murray (1997), pp. 47-48