ശുകപുരം

കേരളത്തിലെ മലപ്പുറം ജില്ലയിലെ എടപ്പാളിനടുത്താണ് ശുകപുരം ഗ്രാമം. എടപ്പാൾ ചുങ്കത്തു നിന്നും ഏകദേശം 1 കി.മീ. കിഴക്ക് (എടപ്പാളിൽ നിന്നും പട്ടാമ്പി ഭാഗത്തേയ്ക്കു) ആണു ഈ പ്രദേശം. എടപ്പാളിലേയ്ക്കു ഏറ്റവും അടുത്തുള്ള പ്രധാന സ്ഥലങ്ങളിൽ നിന്നുള്ള ദൂരം - കോഴിക്കോട് എയർപോർട് - 70 കി.മീ., കുറ്റിപ്പുറം റെയിൽവേ സ്റ്റേഷൻ - 10 കി.മീ., പൊന്നാനി - 10 കി.മീ., തൃശൂർ റയിൽവെ സ്റ്റേഷൻ - 40 കി.മീ., കൊച്ചി എയർപോർട് - 100 കി.മീ.

ശുകപുരം ദക്ഷിണാമൂർത്തി ക്ഷേത്രം

ഐതിഹ്യം

ശുകമുനി തപസ്സനുഷ്ഠിച്ച സ്ഥലമായതിയനാലാണ് ഈ പേരു വന്നതു എന്നൊരു ഐതിഹ്യമുണ്ട്. കൂടാതെ അറുപത്തിനാലു് ബ്രാഹ്മണഗ്രാമങ്ങളിൽ പ്രധാനപ്പെട്ട ഒന്നാണ് ശുകപുരം എന്നും വിശ്വസിക്കപ്പെടുന്നു. പരശുരാമൻ ഉണ്ടാക്കിയ 32 ഗ്രാമങ്ങളിൽ ഒന്നാണു ശുകപുരം എന്നും ഒരു ഐതിഹ്യം ഉണ്ട്.

പ്രധാന ക്ഷേത്രങ്ങൾ

• ശുകപുരം ദക്ഷിണാമൂർത്തി ക്ഷേത്രം
• ശ്രീ കുളങ്കര ദേവീ ക്ഷേത്രം
• ചമ്പ്രമാണം ശ്രീ മഹാദേവ ക്ഷേത്രം

ശ്രീ ദക്ഷിണാമൂർത്തി ക്ഷേത്രം ദക്ഷിണേന്ത്യയിലെ പ്രധാനപ്പെട്ട ഒരു ദക്ഷിണാമൂർത്തി ക്ഷേത്രം ആണു. ഈ ക്ഷേത്രത്തിലെ പ്രതിഷ്ഠ നടത്തിയതു ശുകമഹർഷിയാണു എന്നു വിശ്വസിക്കുന്നു.

ശ്രീ കുളങ്കര ദേവീ ക്ഷേത്രത്തിലെ 14 ദിവസം നീണ്ടു നിൽക്കുന്ന പൂര മഹോത്സവം ഇവിടെയും പരിസര പ്രദേശങ്ങളിലും വളരെ പ്രസിദ്ധമാണു. ഈ മഹോത്സവത്തിന്റെ ഭാഗമായി ഈ 14 ദിവസങ്ങളിലും കമ്പരാമായണം തോൽപാവക്കൂത്ത് ഉണ്ട്.