വ്യാംസ് പ്രൊജക്ട്

കൊച്ചി-മുസിരിസ് ബിനാലെ 2018 ൽ മറ്റ് ബിനാലെകളുടെ ക്യൂറേറ്റർമാരെ ഉൾപ്പെടുത്തി കലാപ്രതിഷ്ഠാപനങ്ങൾ തയ്യാറാക്കിയ ഇൻഫ്രാ പ്രൊജക്ടുകളിൽ ഒന്നാണ് വ്യാംസ് പ്രൊജക്ട് .

നാല് ഇൻഫ്രാ പ്രൊജക്ടുകളാണ് 108 ദിവസം നീണ്ടു നിൽക്കുന്ന കൊച്ചി ബിനാലെയിൽ ഉൾപ്പെടുത്തുന്നത്. വിജ്ഞാന പരീക്ഷണശാല എന്നാണ് ഇതിന് ക്യൂറേറ്റർ അനിത ദുബെ നൽകിയിരിക്കുന്ന പേര്. എഡിബിൾ ആർക്കൈവ്സ്, സിസ്റ്റർ ലൈബ്രറി, ശ്രീനഗർ ബിനാലെ, വ്യാംസ് പ്രൊജക്ട് എന്നിവയാണ് ഇൻഫ്രാ പ്രൊജക്ടുകൾ.

ആദിവാസി ഗോത്രമായ ഗോണ്ട് ആർട്ടിസ്റ്റുകളായ സുഭാഷ് സിംഗ് വ്യാം, ദുർഗാഭായി വ്യാം എന്നിവരുടെ പ്രതിഷ്ഠാപനമാണ് വ്യാം പ്രൊജ്ക്ട്. ഭോപ്പാൽ ആസ്ഥാനമായി പ്രവർത്തിക്കുന്ന ഇവർ തടിയയിലാണ് തങ്ങളുടെ ഗോത്രവർഗ കലാസൃഷ്ടി നടത്തുന്നത്. ഭൂമിയുടെ ഉൽപ്പത്തിയും ജീവൻറെ ആദിമഘട്ടങ്ങളുമാണ് സൃഷ്ടിയുടെ പ്രമേയം.