വേളി, തിരുവനന്തപുരം

കേരളത്തിലെ തിരുവനന്തപുരം ജില്ലയിലെ ഒരു ഗ്രാമമാണ് വേളി. വേളി കായലിന്റെ കരയിലുള്ള ഈ പ്രദേശം ഒരു വിനോദ സഞ്ചാര കേന്ദ്രം എന്ന നിലയിൽ പ്രശസ്തമാണ്. വേളി ടൂറിസ്റ്റ് ഗ്രാമം ഇവിടെയാണ്. കടൽ കായലുമായി ഒന്നിച്ചു ചേരുന്ന പൊഴി വേളി വിനോദ സഞ്ചാര ഗ്രാമത്തിന്റെ ഭാഗമാണ്. ഒരു ചെറിയ മണൽത്തിട്ട കായലിനെയും കടലിനെയും വേർതിരിക്കുന്നു. വേളി-ആക്കുളം തടാകവും ഇവിടെയാണ്. ശംഖുമുഖം കടൽത്തീരം വേളിയുടെ അടുത്താണ്. കുട്ടികൾക്കായുള്ള ഒരു പാർക്ക്, ജല-കായിക വിനോദങ്ങൾ, ഒരു ഉല്ലാസ പാർക്ക്, വെള്ളത്തിൽ പൊങ്ങിക്കിടക്കുന്ന ഒരു ഭക്ഷണശാല, കടൽത്തിരവുമായി ബന്ധിപ്പിക്കുന്ന വെള്ളത്തിൽ പൊങ്ങിക്കിടക്കുന്ന ഒരു പാലം, മനോഹരമായ ഉദ്യാനം എന്നിവ വേളിയിലുണ്ട്. പാർക്കിൽ പ്രശസ്ത ശില്പി കാനായി കുഞ്ഞിരാമൻ നിർമ്മിച്ച പല ഭീമാകാരമായ ശില്പങ്ങളും സ്ഥാപിച്ചിരിക്കുന്നു.

വേളി
ടൗൺ
ആക്കുളം ടൂറിസ ഗ്രാമത്തിലെ ഒരു ശംഖു ശിൽപ്പം
രാജ്യം	ഇന്ത്യ
സംസ്ഥാനം	കേരളം
ജില്ല	തിരുവനന്തപുരം
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)

വേളി ടൂറിസ്റ്റ് ഗ്രാമത്തിന്റെ സന്ദർശന സമയം രാവിലെ 10 മണിമുതൽ വൈകിട്ട് 6 മണിവരെ ആണ്.

എത്തിച്ചേരാനുള്ള വഴി

• ഏറ്റവും അടുത്തുള്ള റെയിൽ‌വേ സ്റ്റേഷൻ: തിരുവനന്തപുരം സെൻ‌ട്രൽ (തമ്പാനൂർ)‍, 8 കി.മീ അകലെ.
• ഏറ്റവും അടുത്തുള്ള വിമാനത്താവളം: തിരുവനന്തപുരം അന്താരാഷ്ട്ര വിമാനത്താവളം, 3 കി.മീ അകലെ.

ചിത്രശാല

• 
  ആക്കുളം ടൂറിസ ഗ്രാമത്തിലെ ഒരു ശംഖു ശിൽപ്പം
• 
  സെന്റ് തോമസ് ചർച്ച്, വേളി
• 
  സെന്റ് തോമസ് ചർച്ച് രാത്രിയിലെ കാഴ്ച
• 
  വേളി ടൂറിസ്റ്റു വില്ലേജിലെ പൊങ്ങുംപാലം
• 
  വേളിയിലെ ഒഴുകുന്ന ഭക്ഷണശാല
• 
  വേളിയിലെ കടലോരത്തിന്റെ ഒരു കാഴ്ച.

കൂടുതൽ വായനയ്ക്ക്

• http://www.keralatripguide.com/thiruvananthapuram/veli-tourist-village.html Archived 2017-11-18 at the Wayback Machine.