മലയച്ചീര

കേരളത്തിൽ കാണപ്പെടുന്ന ഒരു ചീരയിനമാണ് മലയച്ചീര. ഇത് ചിക്കൂർമാനീസ്, മധുരച്ചീര, ബ്ലോക്കുചീര, വേലിച്ചീര, പീലീസ്, പാണ്ടിമുരിങ്ങ, മൈസൂർ ചീര എന്നിങ്ങനെ വിവിധ പേരുകളിൽ പ്രാദേശികമായി അറിയപ്പെടുന്നു. ഇതിന്റെ ഇല സാധാരണ പച്ചക്കറിയായി ഉപയോഗിക്കുന്നു. കേരളത്തിലെ എല്ലാ കാലാവസ്ഥയിലും വളരുന്ന ഒരു ദീഘകാല വിളയായ ഇതിനെ വരിയായി അതിരുകളിൽ നട്ട് വേലിയായും ഉപയോഗപ്പെടുത്താറുണ്ട്.

മലയച്ചീര (Sauropus androgynus)
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Malpighiales
Family:	Phyllanthaceae
Tribe:	Phyllantheae
Subtribe:	Flueggeinae
Genus:	Sauropus
Species:	androgynus
Binomial name
Sauropus androgynus
Synonyms
Aalius androgyna (L.) Kuntze Aalius lanceolata (Hook.f.) Kuntze Aalius oblongifolia (Hook.f.) Kuntze Aalius retroversa (Wight) Kuntze Aalius sumatrana (Miq.) Kuntze Agyneia ovata Poir. Andrachne ovata Lam. ex Poir. Clutia androgyna L. Phyllanthus acidissimus Noronha [Invalid] Phyllanthus speciosus Noronha [Invalid] Phyllanthus strictus Roxb. Sauropus albicans Blume Sauropus albicans var. gardnerianus (Wight) Müll.Arg. Sauropus albicans var. intermedius Müll.Arg. Sauropus albicans var. zeylanicus (Wight) Müll.Arg. Sauropus convexus J.J.Sm. Sauropus gardnerianus Wight Sauropus indicus Wight Sauropus lanceolatus Hook.f. Sauropus macranthus Fern.-Vill. [Illegitimate] Sauropus oblongifolius Hook.f. Sauropus parviflorus Pax & K.Hoffm. Sauropus retroversus Wight Sauropus scandens C.B.Rob. Sauropus sumatranus Miq. Sauropus zeylanicus Wight

സവിശേഷതകൾ

ശാഖകളായി വളരുന്ന ചെടിയുടെ തണ്ട് പച്ചനിറത്തിൽ കാണപ്പെടുന്നു. ഇലകൾ സന്മുഖമായി ഇലത്തണ്ടുകളിൽ ക്രമീകരിച്ചിരിക്കുന്നു. വെള്ളനിറത്തിൽ നെരിയ ചുവപ്പ് പടർന്ന പൂക്കൾ വൃത്താകൃതിയിൽ 4-5 ഇതളുകൾ വരെയുണ്ടാകാം. കായ്കൾ വെള്ള നിറത്തിലോ വെള്ള കലർന്ന ചുവപ്പോ നിറത്തിലോ ആയിരിക്കും. കായ്കളിൽ 4-5 വിത്തുകൾ വരെയുണ്ടാകാം.

കൃഷിരീതി

എല്ലാത്തരം മണ്ണിലും കൃഷിചെയ്യാവുന്ന ഒരു സസ്യമാണിത്. കമ്പുകൾ ആണ് സാധാരണ നടീൽ വസ്തുവായി ഉപയോഗിക്കുന്നത്. കാലവർഷമാണ് ഈ സസ്യത്തിൻറെ കമ്പുകൾ നടാൻ അനുകൂല സമയം. ഇളം മൂപ്പായ കമ്പുകൾ 20 - 30 സെന്റീമീറ്റർ നീളത്തിൽ മുറിച്ച് നട്ടാണ് കൃഷി ചെയ്യുന്നത്. ഏകദേശം 30 സെന്റീമീറ്റർ ആഴത്തിൽ ചാലുകൾ കീറി അതിൽ കാലിവളമോ, കമ്പോസ്റ്റോ, പച്ചിലവളമോ ചേർത്ത് നികത്തി അതിനുമുകളിൽ കമ്പുകൾ നടാവുന്നതാണ്. ചെടികൾക്ക് വരൾച്ചയെ ചെറുക്കാൻ കഴിവുണ്ടെങ്കിലും വേനൽക്കാലത്ത് നനയ്ക്കുന്നത് ചെടി പുഷ്ടിയോടേ വളരുന്നതിന് സഹായിക്കും. കമ്പുകൾ നട്ട് മുന്ന് നാല് മാസങ്ങൾക്കുള്ളിൽ ആദ്യം വിളവെടുക്കാം. വിളവെടുത്തതിനുശേഷം ചെടിക്ക് നേരിയ തോതിൽ വളമിടുന്നത് തുടർവളർച്ചയെ ത്വരിതപ്പെടുത്തുന്നു.

ചിത്രശാല

• 
  കായകൾ
• 
  മലയച്ചീര
• 
  മലയച്ചീര
• 
•