വാലെന്റീന തെരഷ്ക്കോവ
ആദ്യമായി ബഹിരാകാശ സഞ്ചാരം നടത്തിയ വനിതയാണ് വാലെന്റീന തെരഷ്ക്കോവ '(റഷ്യൻ: Валенти́на Влади́мировна Терешко́ва വാലന്റീന വ്ളാദിമിറൊവ്ന തെരഷ്കോവ). 1937 മാർച്ച് 6-ന് റഷ്യൻ SFSR- യാരൊസ്ലാവ് ഒബ്ലാസ്റ്റിലെ മസ്ലെനിക്കൊവൊ ഗ്രാമത്തിൽ തെരഷ്ക്കോവ ജനിച്ചു. പിതാവ് ഒരു ട്രാക്റ്റർ ഡ്രൈവറും അമ്മ ഒരു തുണി വ്യവസായ തൊഴിലാളിയുമായിരുന്നു.[1] സ്കൂൾ വിദ്യാഭ്യാസശേഷം അല്പകാലം ഒരു ടയർ ഫാക്റ്ററിയിൽ ജോലി നോക്കി. തുടർന്ന് എൻജിനീയറിങ് പഠനത്തോടൊപ്പം പാരച്ച്യൂട്ട് പരിശീലനവും നേടി. 1962-ൽ റഷ്യൻ വനിതാ ബഹിരാകാശ സംഘത്തിൽ അംഗത്വം ലഭിച്ചു.
| വാലന്റീന തെരഷ്കോവ | |
|---|---|
 | |
| സോവിയറ്റ് ബഹിരാകാശ സഞ്ചാരി ബഹിരാകാശത്തെത്തിയ പ്രഥമ വനിത | |
| ദേശീയത | റഷ്യൻ |
| ജനനം | 6 മാർച്ച് 1937 Bolshoye Maslennikovo, Tutayevsky District, Yaroslavl Oblast, Russian SFSR, USSR |
മറ്റു തൊഴിൽ | Pilot |
| റാങ്ക് | General-Major, Soviet Air Force |
ബഹിരാകാശത്ത് ചെലവഴിച്ച സമയം | 2 ദിവസം, 23 മണിക്കൂർ 12 മിനിറ്റ് |
| തിരഞ്ഞെടുക്കപ്പെട്ടത് | Female Group |
| ദൗത്യങ്ങൾ | Vostok 6 |
| അവാർഡുകൾ |    |
1963 ജൂൺ 16-ന് റഷ്യയുടെ വൊസ്തോക്-6 ബഹിരാകാശ വാഹനത്തിൽ സീഗൽ എന്ന കോഡ് നാമത്തിൽ ബഹിരാകാശയാത്ര നടത്തിയതോടെ പ്രസ്തുത രംഗത്തെ പ്രഥമ വനിത എന്ന അംഗീകാരം നേടി. റഷ്യൻ വ്യോമസേനാ അക്കാദമിയിൽ നിന്ന് 1969-ൽ ബഹിരാകാശ എൻജിനീയറിങ്ങിൽ ബിരുദവും 1977-ൽ ഡോക്റ്ററേറ്റും നേടി.1997 ഏപ്രിൽ 30-ന് റഷ്യൻ വ്യോമസേനയിൽനിന്നു വിരമിച്ചു.
റഷ്യയിലെ ഏറ്റവും ഉയർന്ന ബഹുമതിയായ "ഹീറോ ഓഫ് ദ സോവിയറ്റ് യൂണിയൻ" ഉൾപ്പെടെ നിരവധി ബഹുമതികൾ അവരെ തേടിയെത്തിയിട്ടുണ്ട്.
രാഷ്ട്രീയ പദവികൾ
തിരുത്തുക- സുപ്രീം സോവിയറ്റ് അംഗം (1966-74)
- സുപ്രീം സോവിയറ്റ് പ്രസീഡിയം അംഗം (1974-89)
- റഷ്യൻ കമ്യൂണിസ്റ്റ് പാർട്ടി കേന്ദ്ര കമ്മിറ്റി അംഗം (1969-91)
പുറത്തേക്കുള്ള കണ്ണികൾ
തിരുത്തുകഅവലംബം
തിരുത്തുക- ↑ [1][പ്രവർത്തിക്കാത്ത കണ്ണി] First woman in space
 | കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ തെരഷ്ക്കോവ, വാലെന്റീന വ്ളാദിമിറൊവ്ന (1937 - ) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |