വയമ്പ്‌

ആയുർവേദത്തിൽ‍ ഏറെ പ്രാധാന്യമുള്ള ഒരു ഔഷധസസ്യമാണ്‌ വയമ്പ്‌ (ഇംഗ്ലീഷ്: Sweet Flag, Calamus; ശാസ്ത്രീയനാമം:Acorus calamus). നെല്ലിന്റേതിനു സമാനമായ രീതിയിലാണ്‌ വയമ്പ്‌ വ്യാവസായികാടിസ്ഥാനത്തിൽ കൃഷിചെയ്യപ്പെടുന്നത്‌. ഭാരതത്തിൽ മിക്കയിടങ്ങളിലും, ബർമ്മയിലും ധാരാളമായി വളരുന്നതും കൃഷിചെയ്യപ്പെടുന്നതുമായ വയമ്പ് ഏറെ ഈർപ്പം ആവശ്യപ്പെടുന്ന ഒരു സസ്യമാണ്‌. വയമ്പിന്റെ ഉപയോഗം ബുദ്ധിയെ ഉത്തേജിപ്പിക്കുകയും ഓർമ്മശക്തി വർദ്ധിപ്പിക്കുകയും ചെയ്യുന്നതായി പറയപ്പെടുന്നു. യൗവനം നിലനിർത്താനും കാഴ്ച ശക്തി, ശുക്ലം എന്നിവ വർദ്ധിപ്പിക്കാനും ശരീരത്തിലുള്ള വിഷം നശിപ്പിക്കാനും ഉള്ള ക്ഷമതയും ഇതിന്റെ ഗുണങ്ങളിൽ പെടുന്നു. ഞരമ്പുരോഗങ്ങളുടെ ചികിത്സയിലും ഇത് ഫലപ്രദമാണ്‌..

വയമ്പ്
വയമ്പ്
ശാസ്ത്രീയ വർഗ്ഗീകരണം
കിങ്ഡം:	സസ്യങ്ങൾ
Division:	പുഷ്പിത സസ്യങ്ങൾ
Class:	Liliopsida
Order:	Acorales
Family:	Acoraceae
Genus:	Acorus
Species:	A calamus
Binomial name
Acorus calamus L.

സവിശേഷതകൾ

ഇംഗ്ലീഷിൽ സ്വീറ്റ് ഫ്ലാഗ് (Sweet flag) എന്നപേരിൽ അറിയപ്പെടുന്ന ഇതിന്റെ സംസ്കൃതനാമമായ വച യിൽ നിന്നാണ്‌ വയമ്പ് എന്ന പേരുണ്ടായതെന്ന് കരുതിവരുന്നു.. 40 സെന്റീമീറ്റർ വരെ ഉയരം വയ്ക്കുന്ന സസ്യമാണിത്. തിളക്കവും കട്ടിയുമുള്ള ഇലകൾ ഇതിന്റെ പ്രത്യേകതകളിൽ പെടുന്നു‌. ഇലകൾക്ക് അല്പം എരിവ് ഉണ്ടായിരിക്കും.

രസാദി ഗുണങ്ങൾ

രസം  : കടു, തിക്തം

ഗുണം :തീക്ഷ്ണം

വീര്യം :ഉഷ്ണം

വിപാകം :കടു

പ്രഭാവം: മേധ്യം

==ഔഷധയോഗ്യ ഭാഗം== മൂലകാണ്ഡം

ഔഷധം

വയമ്പ്, കൊട്ടം, ബ്രഹ്മി,കടുക്, നറുനീണ്ടിക്കിഴങ്ങ്, തിപ്പലി, ഇന്തുപ്പ് എന്നിവ കൽക്കമായി കാച്ചിയ നെയ്യ് കൊടുത്താൽ കുട്ടികൾക്ക് ബുദ്ധിയും ഓർമ്മശക്തിയും വർദ്ധിക്കുമെന്ന് വിശ്വാസമുണ്ട്.. കൂടാതെ വയമ്പിന്റെ കിഴങ്ങിൽ നിന്നും വാറ്റിയെടുക്കുന്ന സുഗന്ധദ്രവ്യം മദ്യത്തിൽ രുചിയും മണവും ഉണ്ടാക്കുന്നതിനായി ചേർക്കാറുണ്ട്.. കൂടുതൽ അളവിൽ കഴിച്ചാൽ വലിയ ഛർദ്ദി ഉണ്ടാകും.

അവലംബം

കവാടം:ജീവശാസ്ത്രം