മൈക്രോഗ്രീൻ
വിത്തുമുളച്ച് 10-15 ദിവസത്തോളം മാത്രം പ്രായമുള്ള തൈകളാണ് 'മൈക്രോഗ്രീൻ. നീളംകുറഞ്ഞ തണ്ടും ബീജപത്രങ്ങളും കുഞ്ഞിലകളുമാണ് മൈക്രോഗ്രീനിലുണ്ടാവുക. പയർ അടക്കമുള്ളവ രണ്ടിൽ അധികം ഇലകൾ വളർത്തിയും ഉപയോഗിക്കാവുന്നതാണ്.മുളച്ച് 15 ദിവസത്തിനുള്ളിൽ വിളവെടുക്കണം. ചീരയക്കം നമ്മൾ സാധാരണ ഉപയോഗിക്കുന്ന ഏത് ഇലക്കറിയേക്കാൾ പോഷകഗുണം മൈക്രോഗ്രീനുകൾക്കുണ്ട്.[1], [2], [3].
ഉപയോഗം
തിരുത്തുകപോഷകസമ്പന്നമായ ആഹാരമാണ് മൈക്രോഗ്രീൻ[4]. സാലഡ് തയ്യാറാക്കാൻ ഉപയോഗിക്കാം.
കൃഷിരീതി
തിരുത്തുക
പച്ചക്കറി കൃഷിചെയ്യാൻ ബുദ്ധിമുട്ടുള്ള ഫ്ളാറ്റിൽ താമസിക്കുന്നവർക്കുപോലും മൈക്രോഗ്രീൻ തയ്യാറാക്കാം. നെല്ല്, ചോളം, തിന, പയർവർഗങ്ങൾ, കടുക്, ഉലുവ തുടങ്ങി പ്രാദേശികമായി ലഭിക്കുന്ന ഏതു വിത്തും മൈക്രോഗ്രീൻ തയ്യാറാക്കാൻ ഉപയോഗിക്കാം. നല്ല വായുസഞ്ചാരമുള്ള, സൂര്യപ്രകാശം ലഭിക്കുന്ന വെള്ളം കെട്ടിനിൽക്കാത്ത സ്ഥലമാണ് മൈക്രോഗ്രീനിനായി ഒരുക്കേണ്ടത്. സുഷിരങ്ങളിട്ട ഒരു പ്ളാസ്റ്റിക് ട്രേതന്നെ മൈക്രോഗ്രീൻ കൃഷിക്ക് മതിയാവും. മണ്ണും ഉണങ്ങിപ്പൊടിഞ്ഞ കമ്പോസ്റ്റും ഒരേ അനുപാതത്തിൽ ചേർത്ത് വിത്തുപാകാം. എട്ടുമണിക്കൂർ കുതിർത്ത വിത്താണ് പാകാൻ ഉപയോഗിക്കേണ്ടത്. ട്രേയുടെ എല്ലാ ഭാഗത്തും വരത്തക്കവണ്ണം കുറച്ച് വിത്തുമാത്രം വിതച്ചാൽ മതി. വിത്തിനു മുകളിൽ നേരിയ കനത്തിൽ മണ്ണിടണം. നേർത്ത നന നൽകാം.
വാണിജ്യപരമായി ഉയർന്ന നിലവാരമുള്ള മൈക്രോഗ്രീനുകൾ വളർത്തുകയും വിപണനം നടത്തുകയും ചെയ്യുക വളരെയധികം ബുദ്ധിമുട്ടാണ്. കൃത്രിമ വിളക്കുകൾ വളരുന്ന മൈക്രോഗ്രീനുകൾക്ക് ആവശ്യമില്ല. കാരണം, പരോക്ഷമായ പ്രകൃതിദത്ത വെളിച്ചത്തിലും പ്രകാശം വളർത്തുക അല്ലെങ്കിൽ പൂർണ്ണ അന്ധകാരത്തിലും ഉൾപ്പെടെ വിവിധ പ്രകാശ സാഹചര്യങ്ങളിൽ മൈക്രോ ഗ്രീനുകൾക്ക് വളരാൻ കഴിയും.[5] വ്യത്യസ്ത ലൈറ്റിംഗ് അവസ്ഥകൾ വളരുന്ന മൈക്രോ ഗ്രീനുകളുടെ സുഗന്ധങ്ങൾ മാറ്റും. ഉദാഹരണത്തിന്, ധാന്യം മൈക്രോഗ്രീനുകൾ ഇരുട്ടിൽ വളരുമ്പോൾ മധുരമുള്ളവയാണ്, പക്ഷേ മുളപ്പിച്ച ചെടികളിൽ നടക്കുന്ന ഫോട്ടോസിന്തസിസ് പ്രക്രിയകൾ കാരണം പ്രകാശത്തിന് വിധേയമാകുമ്പോൾ കയ്പേറിയതായിത്തീരും. [5]
നൈറ്റ്ഷെയ്ഡ് കുടുംബ സസ്യങ്ങളായ ഉരുളക്കിഴങ്ങ്, തക്കാളി, വഴുതന, കുരുമുളക് എന്നിവ നൈറ്റ്ഷെയ്ഡ് പ്ലാന്റ് ആയതിനാൽ മൈക്രോ ഗ്രീൻസായി വളർത്തി കഴിക്കാൻ പാടില്ല. മുളകൾ വിഷമാണ്. [5] നൈറ്റ്ഷെയ്ഡ് പ്ലാന്റ് മുളകളിൽ സോളനൈൻ, ട്രോപെയ്ൻ പോലുള്ള വിഷ ആൽക്കലോയ്ഡ് അടങ്ങിയിട്ടുണ്ട്, ഇത് ദഹന, നാഡീവ്യവസ്ഥകളിൽ പ്രതികൂല ലക്ഷണങ്ങളുണ്ടാക്കും.[6]
വിളവെടുപ്പ്
തിരുത്തുകമുളച്ചുവരുന്ന തൈകൾക്ക് രണ്ടില പ്രായമായാൽ മൈക്രോഗ്രീൻ വിളവെടുക്കാം. വളർച്ച കൂടുന്നതനുസരിച്ച് മൈക്രോഗ്രീനിന്റെ പോഷകഗുണം കുറയും. വേര് ഒഴികെയുള്ള ഭാഗം കത്രികകൊണ്ട് മുറിച്ചെടുക്കാം [7].
പോഷകഗുണം
തിരുത്തുകജീവകം സി, എ, കെ, ഇ എന്നിവയ്ക്കൊപ്പം ധാതുക്കളുടെയും കലവറയാണ്[8]. ഒന്നരയിഞ്ചിൽ താഴെ മാത്രം പൊക്കമുള്ള മൈക്രോഗ്രീനിൽ കീടനാശിനിയും ഉണ്ടാവില്ല. പോഷകാംശത്തിന്റെ അളവ് സാധാരണ പച്ചക്കറിയെക്കാൾ നാലിരട്ടിയുണ്ടായിരിക്കും[9].
എങ്ങനെ ഉപയോഗിക്കാം
തിരുത്തുകസാധാരണയായി 10 മുതൽ 15 ദിവസം വരെയാണ് മൈക്രോഗ്രീനിന്റെ വളർച്ചാ കാലഘട്ടം. രണ്ടിലപ്രായത്തിൽ വിളവെടുക്കുന്നതാണ് നല്ലത്. രണ്ടിലയിൽ കുടുതൽ വളർന്നാൽ വേര് ഒഴിവാക്കി വേണം വിളവെടുക്കാൻ. വേരിന് കൈയ്പ്പ് ഉണ്ടാകാൻ സാധ്യതയുണ്ട്. മണ്ണിലോ, ചകിരിച്ചോറിലോ ആണ് വളർത്തിയെടുക്കുന്നതെങ്കിലും വേര് ഒഴിവാക്കുന്നതാണ് നല്ലത്. നമ്മൾ സാധാരണയായി ഇലക്കറികൾ ഉപയോഗിച്ച് ഉണ്ടാക്കുന്ന വിഭവങ്ങൾ മൈക്രോഗ്രീനായി ഉപയോഗിക്കാം. ഇതിന് പുറമേ സാലഡിൽ വേവിക്കാതെയും ഉപയോഗിക്കാവുന്നതാണ്[10].
അവലംബം
തിരുത്തുക- ↑ https://www.mathrubhumi.com/agriculture/features/how-to-grow-microgreens-1.4654664
- ↑ http://www.deshabhimani.com/special/news-kilivathilspecial-26-01-2017/619457
- ↑ https://www.thespruce.com/grow-your-own-microgreens-2540008
- ↑ http://agnr.umd.edu/news/mighty-microgreens
- ↑ 5.0 5.1 5.2 "Growing Microgreens and Sprouts Part 3: Growing and Eating". KUED (Utah State University). Archived from the original on 2019-03-06. Retrieved 2020-08-21.
- ↑ "Solanine poisoning – how does it happen?". 7 February 2014. Retrieved 24 September 2018.
- ↑ "ആർക്കൈവ് പകർപ്പ്". Archived from the original on 2018-10-16. Retrieved 2017-02-24.
- ↑ https://agresearchmag.ars.usda.gov/2014/jan/greens
- ↑ http://www.webmd.com/diet/news/20120831/tiny-microgreens-packed-nutrients#1
- ↑ https://www.mathrubhumi.com/agriculture/features/how-to-grow-microgreens-1.4654664
|
കൃഷിയുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |